190 chuangin taekwondo colour belt exam

Nimin khan Electric Veng YMA Hall-ah Mizoram Amateur Taekwondo Association (MATA) chuan Colour Belt Exam a buatsaih a, club 13 atangin zirlai 192-in tha takin an paltlang.

Kumin atana colour belt exam tum thumna a ni a, subject hrang hrangah endik niin, yellow, green, green one, blue, blue one, red leh red one pass tumin zirlaiten exam an bei.

MATA General Secretary Joseph Thansanga chuan India ram pum huapa tehin Mizoramah zirlai tam lo mah se, exam result tha pawl tak a nih thin thu a sawi. Pianphunga rualbanlo tan exam a buatsaihsak telin, ban pahnih nei lo Paukhanmunga, Mission Vengthlang chuan hlawhtling takin red belt a zo.

Tun tumah hian Ramhlun Vengthar taekwondo club atangin zirlai 30 exam-in an tam ber a, exam zingah kum 4 leh thla 9 mi Lalrohlui, Ramhlun North chu a naupang ber.

Inrinni hmaa khan SAI hmunpui, Missioin Vengthlangah exam buatsaih a ni tawh a, tuna mi nen club 16 atangin mi 282 ten exam an hmachhawn.

Aizawl bakah Lunglei-ah mi 17, Kolasibah mi 18 ten an exam bawk a, Thenzawl, Serchhip, Lawngtlai leh Champhai-ah exam hi buatsaih a ni bawk ang.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?