Monthly Archives: February 2014

AMAZING GRACE : Hmeichhe Mizo Idol hmasa ber

Youth Icon lamah a ‘ber’ nihna hauh pha chiah lo mah se; Mizo Idol ah erawh an hlawhtling chiang khawp mai. Kolasib khawpui chuan ropui takin hmeichhe Mizo Idol hmasa ber an kawl ta ran mai a. Inrinni khan GRACE LALCHHANHIMI chu a chawr chhuahna hmunah Lal angin a haw a, Kolasib-ah ropui takin a hmuahna hun hman a ni. Mizo Idol atana thlan chhuah, Idol-a duhtawk ngaha rimawi khawvela biru zui ta vang vang ho hnung a zui dawn nge? Grace-i hi Zo rimawi khawvelah kan hmu chhunzawm zel dawn le? 

Facebooktwittergoogle_plusredditpinterestlinkedinmail

Sahlam-ah mi lu an khai

chawng

Mi lu khai :  Pipu te sulhnu engemawzat la awmna, Chawngtlai khua chuan Zirtawpni khan an khua chu ‘Historical Village’ ah inpuangin, Bialtu MLA Lalrinliana Sailo chuan Chawngtlai khua chu Historical Village-ah puangin, he ni hi khawtlangin awmni khamin an hmang a ni. Kum 1887-a lal hmingthang Nikuala’n a din Chawngtlai-ah hian, ral lu an lakna Sahlam chu tun thlengin a la ding a. He ni hmannaah hian mi lu lak leh Sahlam-a khai lemchan entir niin, pasaltha te mi lu hawn chu tlang an tlir hnu-ah Sahlam-ah hian pi leh pu te huna an tih thin danin khai a ni.

Facebooktwittergoogle_plusredditpinterestlinkedinmail

Two Wheeler-in dan an bawhchhe nasa ber : Dan bawhchhe zinga 44% an tling

Aizawl; Lirthei chi hrang hrang zingah two wheeler ten dan an bawhchhe ngun ber a, nikum 2013 chhung a Traffic Police ten dan bawhchhia an man 9458 zinga 4189 chu two wheeler an ni a, hei hi lirthei dan bawhchhia zawng zawng atanga chhutin 44% a tling hial a ni.

motor

Facebooktwittergoogle_plusredditpinterestlinkedinmail

MNF Returnee 572 zinga 555 in hna hmu tawh

Aizawl; MNF returnee, inremna avanga lokir mi 572 zinga 555 chuan sawrkar hna an hmu tawh a, heng te hi Peon atanga Assistant hna ah te thun an ni.

wahahaha

MNF Returnee thahnem tak chu MNF term hmasa ber, Laldenga Chief Minister laiin Police, Excise, Forest Guard etc. ah thun an ni a, a hnu-ah special-in mi 233 thun leh an ni a, tunhnai khan mi 49 te appointment order hi tihchhuah leh a niin tunkar chho hian mi 21 appointment tihchhuah leh leh a ni dawn nia thudawn a ni.

PAMRA President B.Zorampara chuan, “Pathianin mal min sawm a, hetianga duhsakna kan dawng hi kan lawm a, sawrkar chungah lawmthu kan sawi tak zet a ni,” a ti.

India sorkar leh MNF inremna avanga lokir te hi an vaiin mi 572 an ni a, an zinga 121 chu an boral tawh a ni.
PAMRA hi kum 2002 ah din tan a ni a, MNF Returnee te hian In sak tanpuina Rs.1,14,820 an dawng vek a, anmahni emaw an chhungte hnenah sorkar hna hi pek an ni a, a sang ber Assistant hna hi mi 11 in an thawk a ni.

Tunhnaia sorkar hna pek thar 49 zingah hian Assistant 2, LDC 10 leh Peon 37 te an ni. Returnee zinga sorkar hna pek ve loh te –
Laldenga (L),
Zoramthanga,
Tawnluia,
Lalrinchhana,
Rualchhina,
K. Vanlalauva,
D. Thangliana,
Zokungpuia,
Maj. Kapchhunga,
Hrangduna,
Lt. Thanzuala,
Kapkima (L),
Biakliana (L),
K Lalthawmmawia,
Zosangliana,
Zothantluanga (Valtea)
Lalhmangaiha

Facebooktwittergoogle_plusredditpinterestlinkedinmail

CKTP hruaitu hluite inhmukhawm

Aizawl; Kristian Thalai Pawl kum 60 tlin lawmna pualin nimin khan Mission venga Pi Zaii Hall-ah KTP hruai-tu hluite pualin inkhawm hun buatsaih a ni a. Central KTP Leader, Rev. Lalrinmawia’n kaihruai-in Zaipawl Souvenir thlirlawkna leh Souvenir hlanna hun neih a nih bakah, chawhnu lamah thupui sawiho a ni bawk.

Facebooktwittergoogle_plusredditpinterestlinkedinmail

Phunchawng then thianghlim hnatlang

Aizawl; Nimin khan Phunchawng Local Council huaihawtin khawtlang then thianghlim hnatlang beihpui thlak a ni a. He hnatlangah hian mi 230 zet thawk chhuakin rakzu litre 180 manin an leihbaw nghal vek bawk. Zu thlawrna belpui 3 leh belte 11 manin, zu barel 60 tihchhiat a ni.

Facebooktwittergoogle_plusredditpinterestlinkedinmail

Thla 13 chhungin vaibelchhe 1 chuang hu man

Aizawl; Mizoram police Narcotic Staff te chuan nikum January atanga kumin January inkar chhung khan ruihhlo leh ralthuam, cheng vbc. 7 chuang hu an man.

Facebooktwittergoogle_plusredditpinterestlinkedinmail

Champhai-ah ruai nen MJA Silver Jubilee lawm

Aizawl; Nimin piah, Zirtawpni khan Mizoram Journalists’ Association, Champhai District chuan an din cham kum 25-na, ‘Silver Jubilee’ chu I&PR Auditorium, CHANEM Building-ah an lawm a, tlaiah Jubilee lawmna ruai an kilho.

Facebooktwittergoogle_plusredditpinterestlinkedinmail

MPSC exam centre-ah Mizo Zirlai pawl lawm

Aizawl; MZP chuan Mizoram District, Mizoram Public Service Commission (MPSC) examination centre la awm ve lohna hmun – Lawngtlai, Mamit leh Kolasib-a Examination centre hawn a ni ta chu lawmawm an tih thu an sawi a. Mizoram sorkarin zirlaite leh thalai lehkha thiamte mamawhna hriaa hetianga District khawpui tina MPSC exam centre a hawng ta chu hmasawnna pawimawh tak a ni, an ti.

Facebooktwittergoogle_plusredditpinterestlinkedinmail

Zo ngaw chereu hlauhawm

Aizawl; Mamit leh Dampui inkara Zo ngaw chu Mamit District MJA ten Forest Deptt. RO hova tlawhin, mi thenkhatin thingtuah tur leh thingzai tur an lak nasat avangin zo ngaw hi a chereu mek niin an sawi a. Forest Deptt. leh MJA te hian a hmunah tlawhin an enfiah.

Facebooktwittergoogle_plusredditpinterestlinkedinmail

Login

Lost your password?