Monthly Archives: February 2014

CYLA kumpuan ‘Ram leh hnam humhalh’

Aizawl; Young Lai Association (YLA) General Conference vawi-26 na, February ni 18 (Thawhlehni) atanga Vathuampui khua a neih chu February ni 20 zan khan zawhfel a ni a. Thupui atan ‘Khawtlang nun siamthat’ tih hman a ni a, kum puan atan ‘Ram leh Hnam Humhalh’ tih an thlang.

Facebooktwittergoogle_plusredditpinterestlinkedinmail

Solo Painting Exhibition hawng

Aizawl; Environment & Forest Minister Lalrinmawia Ralte chuan nimin khan HK Jerry Ramliana ‘3rd Solo Painting Exhibition’ chu Vanapa Hall-ah a hawng a, exhibition hian March ni 1, 2014 thleng awh ang. He exhibition-ah hian HK Jerry Ramliana’n 2011-2014 chhunga a lemziah 76 pholan a ni.

Facebooktwittergoogle_plusredditpinterestlinkedinmail

MPSC exam centre-ah Mizo Zirlai pawl lawm

Aizawl; MZP chuan Mizoram District, Mizoram Public Service Commission (MPSC) examination centre la awm ve lohna hmun – Lawngtlai, Mamit leh Kolasib-a Examination centre hawn a ni ta chu lawmawm an tih thu an sawi a. Mizoram sorkarin zirlaite leh thalai lehkha thiamte mamawhna hriaa hetianga District khawpui tina MPSC exam centre a hawng ta chu hmasawnna pawimawh tak a ni, an ti.

Facebooktwittergoogle_plusredditpinterestlinkedinmail

NEWS TAWI (23/2/2014)

MZU ‘Grade – A’
Mizoram University (MZU) chuan University Grants Commission hnuaia Autonomous Body, National Assessment & Accreditation Council (NAAC) hnen atangin Grade ‘A’ a hmu thar. NAAC hian India ram University leh College hrang hrang te dinhmun zir chiangin Grade an pe thin a ni.

Drama Centenary
Mizoten Drama an hmelhriat leh channa kum 100 tlin (Centenary) lawm nan Art&Culture Deptt. leh NEZCC, Dimapur chuan ‘Drama Festival’ a buatsaih mek a. February ni 25 leh 26, 2014 chhung hian Vanapa Hall, Aizawlah Mizo lemchang thiam berte an fuankhawm ang. Ni hnih chhung hian dar 11 atangin lemchan hmuhnawm tak tak entir thin a ni dawn a, a en turin a duh apiang sawm an ni.

Facebooktwittergoogle_plusredditpinterestlinkedinmail

MIZORAM SYNOD CHOIR music video album 3-na tur : Aw Isu, Min Kai Ang Che

Mizoram Synod Choir chuan an music video pathumna tur – Aw Isu, Min kai Ang Che tih chu March ni 1, 2014 khian an tlangzarh dawn ta.

Hla 11 awmna tur Aw Isu, Min Kai Ang Che music video album ah hian sap hla atanga lehlin hla 6 an dah dawn a, Mizo irawm chhuak hla 5 a awm bawk ang. A album hming putu ‘Aw Isu, Min Kai Ang Che’ tih hla hi Mizo Poet of the Century kan tih hial – Rokunga phuah a ni.

sy

Facebooktwittergoogle_plusredditpinterestlinkedinmail

Zirtirtute lungawi loh vanga zirlaite tawrhna

Mizoram Secondary School Teachers Association (MISSTA) chuan, an thil phût hrang hrangte tihhlawhtlin a nih loh avangin kumina pawl 9 promotion exam result tihchhuah loh an tum a; an thil phûtte chu tihlawhtling thuai turin Mizoram sorkar an ngen tih chanchinbumite an hrilh a. Sorkara an thil phut hi anmahni (MISSTA) lam thlirna atang chuan thil awm tak tak vek a nih a rinawm. Amaherawhchu, zirlaite tawrh theihna tur zawnga nawrhna huaihawt an tum erawh hi chu thil dik niin a lang lo.

Facebooktwittergoogle_plusredditpinterestlinkedinmail

MIPA LEH PROSTRATE NATNA

Hmanni lawkah ka thawhpuipa pakhatin min rawn phone a. Khawsik sang tak a neih thu leh zun a harsat thu min rawn hrilh a. Na chhawkna leh antibiotic thenkhatte a ei hnu pawhin a na a reh thei chuang lova.

Doctor hnena inentir vat turin thu rawn ka lo pe a. A va in entir chuan, a daktor chuan test thenkhat te lo la in DRE (Digital Rectal Examination) te a lo lak sak a. Hei hi a prostrate gland a vun leh vun lo enna awlsam tak a ni a. test te an zawh hnu chuan damdawi thenkhat te pe in a daktor chuan ni engemawzat chawl turin a ti a. Two-wheeler / Bike khalh hrih lo turin a ti bawk a. A inentirna chanchin min hrilh chhawn chuan acute prostrate enlargement a nei tih ka lo hrilh a, a hmaa a la tawn ngai loh avangin a lo la hre ngai lova.

Facebooktwittergoogle_plusredditpinterestlinkedinmail

Ka Huang (23/2/2014)

Mizo Khristian hmasate chanchin, ka pa ziak ka chhuah chhawn khan ka rin aia hmain hna a thawkin ka hria, ka lawm takmeuh a ni. Khristian tak tak nih kan mamawhna a nasa hlea ka hriat avanga chhah ka ni. Tun tum erawh chu ka thu avang bawk khan ka thianpa fa, ka hriat ngai hlek si lovin a pa chanchin tlem azawng tal ziakah min duh avangin, ka thianpa Sainghingloa chanchin leh Rahsi Venga kan hoh lai chanchin ka’n ziak thut teh ang. Amah lah chuan a hming min hrilh duh maleka, N.V.L. Kawmi ka ti mai! (Nuvalai Kawmi) a hming a sawi ui tlat si a.

Facebooktwittergoogle_plusredditpinterestlinkedinmail

Sakhua (23/2/2014)

Bookroom tur lei: Synod chuan Lawngtlai Bazar lun lai Areopagi atanga hmar lam hretah Rs. 30,00,000/- in Bookroom tur ram Assam Tyupe In ding sa awmna a lei.

Missionary Quarters hawng: UPC, North Mizoram District Home Missions Field, Marpara Missionary Quarters sak thar chu tunhnai khan Rev. C Lalmuanpuia, District Superintendent chuan a hawng.

Facebooktwittergoogle_plusredditpinterestlinkedinmail

Sawhkhawk (23/2/2014)

Kutzia leh mitmu thla lak chu sakawlh chhinchhiahna putna a ni lo ka tih a, a lo nih si loh chuan chhinchhiahna ni lo tih chu a pawi dawn asin. Hetiang mahni leh mi dangte bumna a ni. Tin, Danpui chuan mi mal zalenna min pe a, a nghet hmiah mai a, UIDAI project erawh chu Danpui buah ziak a lo nih loh avangin tute emaw chuan mi mal zalenna tichhe thei turin ro an rel thei a, vauna thu an puan phei chuan mi tam tak harsatna an thlen thei a ni. Bio Metric enrollment-ah hian India rama cheng zawng zawng kum 5 chin chung lamte chu chhinchhiah vek tur a ni a, khua leh tui pekna erawh a ni lo tiin ziak a ni. Mahse, paragraph dangah chuan hetianga hun bithliah chhunga ti lote chu NPR-ah chhinchhiah an nih ve dawn loh avangin India ram chhunga cheng anga ngaih theih an ni dawn lo tiin a ziak leh tlat a! India khua leh tui nihna pekna a ni lo a tih nen a inkalh tlat a ni. – Point Out

Facebooktwittergoogle_plusredditpinterestlinkedinmail

Login

Lost your password?