Monthly Archives: August 2014

Khawmpui

SSA Employees’ Association, Mizoram (SEAM) chuan September 3, 2014 chawhma dar 10 hian Chanmari YMA Hall-ah General Conference hmasa ber an nei dawn a. School Education Minister H. Rohluna chu khuallian a ni ang.

Facebooktwittergoogle_plusredditpinterestlinkedinmail

Thukhawm dawn

Mizoram Legislative Assembly hnuaia comtt. peng pakhat, Comtt. on Estimate chu Sept. ni 1, 2014 chawhma dar 11 hian Assembly Sectt. Annexe Building Comtt. Room-ah an Chairman, Lalrinliana Sailo hovin an thukhawm ang. Mizoram Legislative Assembly hnuaia Comt. peng pakhat, Subject Comtt.–II pawh Sept. ni 3 chawhma dar 11 khian Assembly Secretariat Annexe Comtt. Room-ah an thukhawm ang.

Facebooktwittergoogle_plusredditpinterestlinkedinmail

Heroin man

Mizoram Excise & Narcotics Department (END), Anti-Narcotics Squad te chuan nimin tlai dar 3 khan World Bank road, ITI vengah M.Thangi w/o Laldinglura, Zokhawthar kut atangin heroin gram 11.5 an man.Heroin te hi penicillin bur 28-ah dah a ni a, Tiau atanga a rawn lak, Aizawl-a hralh tur niin a neitu hian a sawi.

Facebooktwittergoogle_plusredditpinterestlinkedinmail

YWCA in khawmpui hmang

Aizawl; Young Women Christian Association of Aizawl chuan Zirtawpni khan Engineers Club Babutlang ah general body meeting an nei a, kum 2014-2016 chhunga an pawl hruaitu tur an thlang nghal.

Meeting hi an pawl president Lalrosangi Zama’n a kaihruai a, YWCA of Aizawl founder president Lalrosangi hnenah chawimawina hlan a ni. An pawl general secretary Liansangluri’n kum 2012-2014 chhunga an hmalakna hrang hrang report a pe a, resolution an siam zingah model constitution duan chu pawm a ni a, Edenthar veng huamchhung Hawngtial rama YWCA ram sawrkarin thildang atana a hmansak aia sawrkarin ram a pek tur chu chak zawka zawn nise an ti.

Kum 1986-a din YWCA of Aizawl hmalakna lian ber hi HIV hrik kai te enkawl leh a darhzau zel loh nana hma lak a ni a. Hemi atan hian project neiin Mizoram hmun hrang hrang an tuam a ni. Hmeichhia te dinhmun chawikan leh dinhmun tleu te tuamhlawm kawngah te hma an lak bakah, mi harsa te tanpuiin ‘Luanchhuah Programme’ te an nei thin a ni.

YWCA HRUAITUTE
President-
PC Laltlanmawii,
Vice President –
Lalhmingliani Hmar, General Secretary – Lucy Sailo
Secretaries –
Juliet Lalremruati leh Zothansangi,
Asst. Treasurer-
Jubilee E Muanzova.

Facebooktwittergoogle_plusredditpinterestlinkedinmail

Luangmual-ah tu tih hriat loh-ten In hungna bang tichhia

Aizawl; Nizan hmasa dar 11 vel khan mi tu tih hriat loh 20 atanga 30 inkar bawr velin Luangmuala Albina Thangkhuma IFS retd (L) in hungna bang tichhiain an tukverh leh motor an suasam a, he thil titute hi Police ten an chhui mek.

Zonuam Outpost atanga ZALEN thudawn danin zan dar 11 velah mi tutih hriat loh te hi Albina Thangkhuma in bulah hian kalkawmin an in hungna bang, leirawhchan a siam chu an chhu chhia a, leirawhchan hmang hian in hi tawngin tukverh darthlalang 99 an tihchhiat bakah an motor pawh an ti hmelhem nual a, Albina Thangkhuma nupui chuan a chalah hliam te nau a tuar bawk. He thil thleng hi an hriat ve leh Zonuam Police te chuan buaina thlenna hmun hi an pan nghal a, mahse an thlen meuh chuan tumah hmuh an nei tawh lo.
Thudawn danin, Albina Thangkhuma (L) In chhehvel hmun thenkhat hi Luangmual khawtlangin tun hma atanga Basketball court atana anlo ruahman tawh leh vantlang ram anga an ngaih a ni a, nikum lamah pawh buaina engemaw chu an lo tawk tawh a ni.

Facebooktwittergoogle_plusredditpinterestlinkedinmail

Press mite’n Serchhip district-a NLUP hlawhtlinpuitute tlawh

Aizawl; Aizawl chanchinbumi thenkhat chuan Baktawng, Serchhip leh Thenzawl-a hmalakna thenkhat tlawhin Baktawng Tlangnuam a furniture workshop leh bel chhunga (siam) eizawng chhung kaw khat ve ve an tlawh a. Heng mite hian NLUP avanga bultanna tur leh hmanraw leina an nei chu an lawm hle tih sawiin an sum lakluh pawh nasa takin a pun phah tih an sawi bawk.

Serchhip ah hian furniture leh ar vulh hlawhtling te tlawhin Serchhip Ramthlun venga carpentry trade thlangtu tawngtheilo Rohnuna chuan Press mite rilru a khawih hle. Rohnuna (tawngtheilo) hian NLUP sum a dawn hmangin khawl thar a lei a, anmahni in hnuaiah workshop siamin furniture chi hrang hrang a siam a, thla khatah Rs. 25,000 vel a lalut thin a ni. Amah hi kut themthiam tak a ni a, midangte siam theihloh Serchhip DC thutthleng tur pawh a siamsak niin an sawi. Thenzawl ah hian puantah hlawhtling leh carpentry a hlawhtlingte an tlawh bawk a, heng mite pawh hian NLUP avanga an sum lakluh a pun thu leh sawrkara an lawmthu an lo sawi vek a ni.
Press mite chuan NLUP chhawr tangkaitu te hian anmahni bakah mi 3/4 te an chhawr tel vek avangin chhung kaw 5/6 eizawnna an siamsak zel tih leh rilru nei tak tak te chuan NLUP hi eizawn bultan nan an hmang ngei tih an hmu a ni.

Media mite hi ni 2 thangin Zirtawpni zan khan Aizawl-ah an lo kir leh a ni.

Facebooktwittergoogle_plusredditpinterestlinkedinmail

MZU-ah Remna khawmpui

Aizawl; ‘Building Nations of Peace: Our Shared Responsibility’ tih thupui hmangin Peace Leadership Conference chu Mizoram University te chuan an hmunah an huaihawt.

Conference hi School of Economics, Management and Information Science, Mizoram University leh Universal Peace Federation of India tang kawpin an buatsaih a ni a. A hawnna hunah hian Secretary General, UPF-India Krishna Adhikari chuan thupui a sawi hawng a, Dr. Chung Sik Yong, Chairman, UDF – Asia chuan thu a sawi a. Prof. Lianzela, MZU chuan Mizorama remna leh muanna a lo awm dan te, mi tam takin an nunna an chan thute sawiin hun a hmang leh a, Dr. Robert S. Kittel, Director of Education, UPF-Asia in “Peace Principles” tih thupui a hmangin thu a sawi leh bawk.

Zirtawpnia neih tak conference-ah hian Dr. Chung Sik Yong, Chairman of Universal Peace Federation, Asia chuan Prof. R. Lalthantluanga, Vice Chancellor, Mizoram University chu “Ambassador of Peace” nihna a hlan a. Vice Chancellor hian remna leh muanna a lo awm zel theihna turin mimal tin te an pawimawh thu sawiin kan awmna hmun theuhah, kan chhungkuaah, kan khawtlangah, kan ramah mimal tin ten mawh kan phur theuh a ni, a ti.

Facebooktwittergoogle_plusredditpinterestlinkedinmail

Press mite’n Serchhip district-a NLUP hlawhtlinpuitute tlawh

Aizawl; Aizawl chanchinbumi thenkhat chuan Baktawng, Serchhip leh Thenzawl-a hmalakna thenkhat tlawhin Baktawng Tlangnuam a furniture workshop leh bel chhunga (siam) eizawng chhung kaw khat ve ve an tlawh a. Heng mite hian NLUP avanga bultanna tur leh hmanraw leina an nei chu an lawm hle tih sawiin an sum lakluh pawh nasa takin a pun phah tih an sawi bawk.

Serchhip ah hian furniture leh ar vulh hlawhtling te tlawhin Serchhip Ramthlun venga carpentry trade thlangtu tawngtheilo Rohnuna chuan Press mite rilru a khawih hle. Rohnuna (tawngtheilo) hian NLUP sum a dawn hmangin khawl thar a lei a, anmahni in hnuaiah workshop siamin furniture chi hrang hrang a siam a, thla khatah Rs. 25,000 vel a lalut thin a ni. Amah hi kut themthiam tak a ni a, midangte siam theihloh Serchhip DC thutthleng tur pawh a siamsak niin an sawi. Thenzawl ah hian puantah hlawhtling leh carpentry a hlawhtlingte an tlawh bawk a, heng mite pawh hian NLUP avanga an sum lakluh a pun thu leh sawrkara an lawmthu an lo sawi vek a ni.

Press mite chuan NLUP chhawr tangkaitu te hian anmahni bakah mi 3/4 te an chhawr tel vek avangin chhung kaw 5/6 eizawnna an siamsak zel tih leh rilru nei tak tak te chuan NLUP hi eizawn bultan nan an hmang ngei tih an hmu a ni.
Media mite hi ni 2 thangin Zirtawpni zan khan Aizawl-ah an lo kir leh a ni.

Facebooktwittergoogle_plusredditpinterestlinkedinmail

SA Games-ah Rinpuia

South Asian Games (SAG) SAF Games tih thin), Islamabad, Pakistan a August 29, 2014-a khelh zawh takah India ram aiawha khel Lalrinpuia, Maubawk chu Under 18 Table Tennis singles-ah a champion a, team-ah India team chu Gold a lakpui bawk.

Petroleum Sports Promotion Board-a awm mek leh BPCL sponsor ni bawk hian India tan U-18 ah a khel a, singles-ah a champion mai bakah a team mate Utkarsh Gupta, Delhi leh Sabhey, Delhi ten nen team-ah an champion bawk. SA Games-ah hian Afghanistan, Bangladesh, Bhutan, India, Maldives, Nepal, Pakistan leh Sri Lanka te an tel thin a ni.

Facebooktwittergoogle_plusredditpinterestlinkedinmail

Mizoram Champion Isak-a leh Thansangi; A pumpuiah Mission Vengthlang

Mizoram table Tennis Association chuan an hall thar lawmna ni pah fawmin Mizoram Ranking Championships 2014 chu August 26-29 chhung khan an hall thar Kawltheihuan, Mission Veng-ah an buatsaih a, a pumpuiah Mission Vengthlang Table Tennis Club chu an champion a, Isak C.Lasawmliana (PHE) chu mipa champion niin Women’s singles champion chu Lalthansangi Sailo (SHSS) a ni. Zote chu Mens Team champion niin hmeichhe lamah Mizoram Police an champion thung.

He intihsiaknaah hian District Association leh club hrang hrang 20 telin category 16-ah inelna hi buatsaih a ni a, kum 50 chunglam pawh player 5 an inlan a ni. Mens singles category chu player inlan an tamna ber niin mi 56 te pakhatna nih an inchuh a, Womens Singles-ah hian mi 18 an inlan bawk. Team inelna bikah mipa lam team 19 an tel a, hmeichhe team 6 an inel bawk a, player panga inelna category hnih awmin Womens Singles leh Senior Veteran Above 50-ah player panga ve ve an tel. August 29, 2014 Chawhnu dar 3:30 khan khualian Pi. Lalmawipuii, Account Officer Mizoram State Sports Council chuan lawmman semna te neiin khar na hun hman a ni.
Category hrang hrang a result chu :
1. Cadet Boys Singles
1st Thangsiansanga (MSVT)
2nd Robert Pachuau (MSVT)
2. Cadet Girls Singles
1st Malsawmtluangi (MSVT)
2nd Rohluzuali (Lunglei )
3. Sub-Junior Boys Singles
1st F.Malsawmtluanga LDTTA
2nd P.C. Lalchhanhima Thingsul T T Club
4. Sub-Junior Girls Singles
1st Malsawmtluangi (MSVT)
2nd Lalnunsangi (LDTTA)
5. Junior Boys Singles
1st Lalruatsanga (MSVT)
2nd H.C.Lalnunmawia (SHSS)
6. Junior Girls Singles
1st Lalthansangi (SHSS)
2ndLalthafamkimi (ZOTE)
7. Youth Boy’s Singles
1st B.Lalruatpuia (SDTTA)
2nd Lalruatsanga (MSVT)
8. Youth Girls Singles
1st Lalthansangi Sailo (SHSS)
2nd Lalrampari ( MRP)
9. Men’s Singles
1st Isak C.Lasawmliana (PHE)
2nd Lalruatfela (PHE)
10. Women’s Singles
1st Lalthansangi Sailo (SHSS)
2nd Lalmuanawmi (MRP)
11. Men’s above 35 Singles
1st Basanta Meisnam(Zote )
2nd Zothanpuia (Zote)
12. Women’s above 35 Singles
1st Lalchhuanawmi (Zote)
2nd Caroline Laldinsangi (LP)
13. Veteran Above 45
1st Sailoliana Sailo (MSVT) 2nd David C. Zoliana (MSVT)
14. Senior Veteran Above 50
1st P.C.Lalrinpuia(SHSS)
2nd K.Lalbiakvela (MSVT)
15. Men’s Team
1st Zote (Lion)Sporting Club
1. David Zodinpuia
2. C.Lalmuanpuia
3. C. Vanlalruata
2nd Zote (Panthers) Sporting Club
1. Basanta Meisnam
2. Zothanpuia
3. Andrew L. Sailo
16. Women’s Team
1st Mizoram Police TT Club
H.Lalrinmawii & Lalmuanawmi
2nd Zote Sporting Club
Lalrinmawii & Lalchhuanawmi
Overall Champion
1st – Mission Vengthlang T.T. Club ( G-5, S-4 )
2nd – Synod Higher Secondary School (G-4, S-1)
Tun tumah hian Annual Ranking 2013 a Men’s leh Women’s Category a No. 1 Chawimawina Citation leh pawisa fai pek ani bawk.
Men’s – Tv. C.Lalmuanpuia (Zote)
Women’s – Nl. Lalthansangi Sailo (SHSS)
MTTA-in lawmthu sawi

Mizoram Table Tennis chuan an pualin Kawltheihuan, Mission Veng, Revenue Office hlui thinah khan hall thar a nei ta a. Hetiang nei thei tura theih tawpa beitu zawng zawng te chungah MTTA chuan lawmthu a sawi tak meuh meuh a ni. A bikin Mizoram Sorkar, kan Chief Minister, Sports Minister leh Mizoram State Sports Council (MSSC) te chungah lawmthu an sawi a, an hmalakna avanga Table Tennis pual bik hall an nei ta hi kan lawm hle. Tin, MTTA a kan hruaitu hmasa ten nasa takin hall an neih theihna turin an beina te a, avanga hall tha tak kan nei thei ta hi an thawrim na vang liau liau a nih thu an sawi. An adviser Pu J.Lalhmachhuana’n a hmunhma an neih theihna tur te, sak a nih theih nan te theih tawp a chhuah naah a,neitu rilru puin a sak hna a thawk bawk a vangin an lawm hle bawk.

He hall thar hi a dung 70ft. a vang 40ft.a ni a, playing ground hi 34x50ft a zau a ni. Hall-ah hian Table Tennis khelhna tur bika siam synthetic floor carpet leh Table Tennis Board thar 6 Sports Minister Zodintluanga chuan a pe bawk a. Practice nan nan board 6 leh tournament khelh nan board 4 hun theih a ni a, changing room 2 leh office room 1 a awm bawk.

Facebooktwittergoogle_plusredditpinterestlinkedinmail

Login

Lost your password?