Monthly Archives: December 2014

Tuipui lei dawh a chim; 1 thi

Aizawl; Nimin chhun dar 12:15 vel khan Tuipui Darzo kai lei dawh mek chu a chim a, lei hian mi 14 chim hnanin mi 10 an hliam a, hliam zinga mi Fateh Mohammed (52) Matia Buru, Kolkata Garden Rich chu Hnahthial damdawi in panpui a nih laiin a boral a, hliam zinga pakhat Kalim Uddin (46) chu he thu buatsaih lai hian nikhaw hrelovin a la awm bawk.

Zalen thudawn danin lei hi a tlangpui thirzai lian kilhbehna chuan a zawh loh avanga pit a chim ta a ni a, helai hmuna hnathawk mek mi 12 vel leh civil mi 2 chim hnanin mi 10 an hliam a ni. A hmuna hnathawkte sawi danin lei chim lai hi chhun thingpui an in dawn lai a ni a, hnathawk thenkhat chuan thingpui in turin lei hi an kalsan hman tawh a, hnathawk laklawh lai mi 10 vel bakah helai hmuna hnathawkte vengtu Police duty Head Constable F. Lalsawia (57) MRP leh lei ena kal Lalzauva Sailo (40) S/o Sangliana Sailo Tuipui D chu lei hian a chim hnan ta a ni. Lei hi dawh zawh tep tawh niin thingzai pawh mihring kalkai theih chuan phah vek tawh a ni a. Thingzai 100 vel chiah kilhbeh hmabak an nei tawh a ni.

Tuipui D lei dawh hna hi S.Guha Niyogi & Associates, Kol-kata in an thawk a, lei sei zawng hi 200 meters niin Rs. Nuai 260 aia tam senna tur a ni. December ni 20,2014 a zawh hman tumin ngawrh takin hna hi thawh a ni.

Hliam zinga 5 chu leidawh hnathawktu Kolkata ami an ni a, a dang Lalzauva Sailo Tui– pui D Congress Unit Presi -dent, hnathawka in hlawh 2, R.Malsawma (45) S/o R. Kapkima Tuipui D leh Lalduhzuala Reiek bakah H/C F.Lalsawia te an ni. Hliamte hi Hnahthial damdawi inah lak phawt an ni a, Aizawl leh Lunglei lama thawn an awm bawk.

Facebooktwittergoogle_plusredditpinterestlinkedinmail

Congress in NLUP hlawhchham na chiah sawi tur an hria: MNF

Aizawl; MNF Party chuan Congress Party chu NLUP hlawhchhamna bak sawi tur an nei lo ah an puh.

Congress Party in NLUP chungchangah Mizoram opposition party ten central sorkarah an hêk nia thuchhuah an siam chu sawifiahin MNF chuan NLUP hi a tir atangin Congress ah Rs. 2/- peka cheng nuai khat dawng tura inzirtirin ru-sum an thlak a, an inzawrhna hretute chu Zoram mipuite kan nih avangin, a hrang a hraia zuk hêk kher an ngai lem lo va, mipui sum ni si, party bil ta anga an hmang erawh a dik loh thu sawi hi chu, khua leh tuite tih tur a ni, an ti. NLUP chu PM Special package ni lovin Plan sum ami a ni tih an sawi nawn a, hei hi Finance Minister P.Chidambaram leh Ministry of Finance a Addl. Secretary Anjuly Chib Dugghal ngei pawhin an sawichiang a. Synod in a zirchianna ah pawh NLUP dawngtu 99.256% chu Congress party an ni an ti bawk a.

NLUP hlawtlin leh hlawhchham thu pawh sawrkar hnathawkte ni lo vin, a petu leh dawngtu, congress party chu engkima mawhphurtu a ni an ti a. NLUP atan hian cheng vaibelchhe 2800/- hman zawh tep a ni tawh tih sawiin mipui huap lo, congress party induhsakna uchuak tak leh central sorkar sum a thlawna luangral hnem lutuk chungchang hi opposition te chuan tih tawp tir mai tura hma an lak ho hi a hun viau tawh zawk a ni, an ti bawk.

Zirtawpni kalta khan Bhavan ah Congress President Lal Thanhawla chuan eptu party 5 President Zoramthanga, Lalduhoma, Lalhmangaiha Sailo, Lalhluna leh PP Thawlla ten kumin July ni 26 khan NLUP chu titawp turin Prime Minister hnenah point 13 ziakin an thlen a, an hekna hi MNF President chuan a bawhzui niin a sawi.

Facebooktwittergoogle_plusredditpinterestlinkedinmail

MPC Thalaiin hleih neia kalah AMC ngai

Aizawl; Mizoram People Conference Party Thalai te chuan Aizawl Municipal Council chu hleihnei taka rorel ah an ngai tih sawiin a tul chuan AMC sawrkar atanga an Councillor te inhnuhdawhtir thlenga hmalak an rel.

Zalen palaiin a biak naah MPC Thalai President Lalthazova chuan AMC chu hleih nei leh MPC party te rawnna neilo deuh nia an hriat thu a sawi a. An demand zinga pakhat ‘khawpui chhung atanga Maxicab stand sawn chhuah sut leh’ chu AMC in a tih hlawhtlin tan avang leh an thilphut dangte pawh ngaihtuahsak a tum avangin meeting neia sawiho that leh an tum niin a sawi.

MPC Thalai President chuan an Councillor te nen engkim inrawn tlanga thil ti thin an ni tih a sawi bawk.MPC Senior Vice President Vanlalhlana chuan tuna thalaite thil sawi chu party pui pawhin an lo sawiho tawh tih a sawi a. “AMC hi hleih nei lova kal tura beisei a ni a, mahse tun sawrkar hi chu a dinna a la rei lova, work order pawh an la pechhuak vak lo niin a lang,” a ti.

December ni 11, 2014 a MPC thalai Gen. Hqrs. Executive meeting chuan Aizawl Municipal Council (AMC) hmalaknate an thlirho a, AMC sum che vel leh kal danahte hleih neihna nasa tak a awm chho mek nia hriain an Councillor pahnih C. Lalsawivunga leh Lalruatsanga te chu inhnukdawk tura nawr nise tih an rel a ni.

Facebooktwittergoogle_plusredditpinterestlinkedinmail

ASEP in Vaki 3 chhuah zalen

Aizawl; Nimin chhun khan ASEP General Headquarters chuan Maubawk daiah Vaki pathum an chhuah zalen a, heng vaki te hi ASEP Facebook group member Rebek Lalbiaknungi’n thahnemngaihna avanga mi khawi lai a lo dil te an ni a, Vaki hi MJA Vice President Zonunsanga Khiangte chuan a chhuah zalen a ni.

Vaki chhuah zalen tu MJA Vice President Zonunsanga Khiangte chuan, “Kan ram nungcha hlu tak takte hi kan humhalh tlat a tul tawh a, kan zavaia kan tan tlan theuh a pawimawh tak zet zet a. Kan nunhluite kalsan a, nungcha humhalh duhtu kan pung zel hi a lawmawm a, vawiina vaki chhuah zalenna pawh hi tha ka tiin, midangte thinlungah a tha zawngin rahtha a chhuah ngei ngei ang tih ka beisei tlat a ni,” a ti. ASEP President K. Lalmuansanga pawhin, “Nungcha khawi, vulh, lei leh hralh reng reng hi The Wildlife (Protection) Act, 1972 chuan a khap tlat a, tumahin kan vulhin kan khawi tur a ni lo a, dan bawhchhia kan ni. Nungchate hi ramhnuaia awm tura Siamtu’n a siam ang tak hian an awmna tur dik taka an awm hi a tha ber a, mahni ina lo duat tum hi duatna dik lo leh an tan chuan hremna ang hial a ni thei a. Ramhnuaiah zalen taka awmtir hi humhalh dan tha ber a ni,” a ti ve bawk.

Facebooktwittergoogle_plusredditpinterestlinkedinmail

Sangthankima Award 2 dawn TNT ah lawm

Aizawl; Nimin chawhnu dar 1 khan TNT Hall, Muanna veng ah TNT hotupa Dr.Sangthankima’n Mother Teresa Memorial International Award for Social Justice 2014 leh Mizo Award 2014 a dawn lawmna hun hman a ni. Award lawmna hun hi Sangzela Tlau chuan kaihruaiin Dr. C.Biakmawia, Deputy Speaker R.Lalrinawma leh Vanglaini Editor K.Sapdanga ten thu an sawi.

Mother Teresa Memorial International Award a dawn chungchangah Dr.Sangthankima chuan Award a dawn theih chhan chu,”Pathian in tih tur min pek te ka tih vang chauh a ni,” a ti a. Mizo Award a dawng pawh a phulo a tih thu sawiin “Pathian in heng chawimawina dawng tura min hruaina hi a makin a ropui ka ti hle a ni,” a ti bawk.

Dr.Sangthankima hi Upa Lalruma Sailo leh Suilianmawii Hrahsel fa 9 zinga 3-na niin October ni 18, 1960 khan Tlangsam khua ah a piang a, zirna lamah pawl V thleng a zir. Kum 20 a tlinin Pathian ringtu nghet tak a ni a, a mihringpui harsatna chi hrang hrang a vanga thlarau leh taksa chhandamna an chan theih nan a nun pum chu hmang tur in a in pe a ni. November ni 14,1988 ah zungawlvei pakhat chu Champhai dai ah puchhuak in chhandam-na thu chu a hrilh tan ta a, hei hi TNT rawngbawlna bul intannna chu a lo ni ta a ni.

Tun dinhmunah TNT Zuangtui ah hian thawktu mi 57 tiamin mi 1276 an khawsa mek a, home an neihna hmun dang Calvary Home Kolasib ah 40, Lunglei ah 95 leh Mazuia Memorial Home Champhai ah 63 an awm mek bawk.

Facebooktwittergoogle_plusredditpinterestlinkedinmail

SAWRKARIN?MCS TE A siksawi

Mizoram sawrkar chuan MCS Officer thenkhatte awmna hetiang hian a siksawi.

Hming Post chelh mek Post thar
Rothuama DyController P&S Addl.DC Lunglei
Rita Lalnunmawii Pachuau U/S, SAD Dy.Secy. Finance
R.Vanlalsawta SDO(C) Khawzawl Addl. DC Champhai
Beila Khithie PD, DRDA Lawngtlai Addl. DC Saiha
John LT Sanga Addl. DC Saiha Secretary cum DO, SHDC
Lalrohlua U/S, DP&AR A hna ngai bakah U/S, SAD

Facebooktwittergoogle_plusredditpinterestlinkedinmail

Kut : Tuirialah motor tang nasa

Aizawl; December ni 10-12 inkar chhunga Thalfavang Kut, Tuirial Airfield-a neihah Zirtawpni khan traffic jam vangin mi eng emaw zatin a hmun an thleng thei lo a, mi tam tak chu beidawngin an haw hial a ni.
A hmuna Zalen palai sawi dan chuan motor 300 chuang inhnawh tawt leh truck lian chhe bawk chuan lirthei che vel a tibuai nasa a. Zan dar 8-ah pawh hmun thenkhat ah chuan lirthei a che thei lo a ni.
Traffic SP Lallianmawia chuan theih-tawpin an inbuatsaih chungin an hriat phak baka harsatna – BSF motor chhia leh motor kang pakhat a awm vangin an tawk ta tih Zalen-in a biaknaah a sawi a. “Officer 1-in duty a ho a, kan tih tur chu kan ti a, zing atanga zanlai thlengin an duty a ni,” tiin a sawi bawk.
Tourism Director Vabeiha Hlychho chuan traffic jam chhan chu an hre ve lo tih sawiin Traffic lam mawhphurhna a ni tih Zalen a hrilh a. Nakum lamah neih chhunzawm an tum thu a sawi bawk.

Facebooktwittergoogle_plusredditpinterestlinkedinmail

Maxi-cab te ‘stand’ ngai atangin chhuak hrih dawn

Aizawl; Naktuk December ni 15 atanga Maxicab te Aizawl khaw dai atanga chhuahtir tawh tura tih chu Zirtawpni a Aizawl Municipal Council thukhawm chuan a pangngaia kal tir leh an rel.

AMC a Executive Councillor W.Chhuanawma hnen atanga Zalen thudawn danin AMC Board thukhawm chuan Maxicab te Aizawl khaw pawn atanga chhuak tura lo tih tawh chu Kristian te hunpui pawimawh Krismas a hnaih avangin sawn hlat hrih nise tiin an rel niin a sawi a. Ruahmanna hmasa, Aizawl khawdai atanga Maxicab te chhuahtir chu an la sawn lo tih sawiin, “Maxicab stand thar tur hi sawn mawl tawp lovin zin veivakte inthiarna tur leh pawimawh dangte siam phawt kan tum a, February 2015 ral hma ngeiin sawnchhuah theih kan beisei a ni,” a ti.

Facebooktwittergoogle_plusredditpinterestlinkedinmail

Hnatlangpui

Dinthar Branch YMA chuan December ni 19 (Zirtawpni) hian nilengin Dinthar thlanmualah ‘Hmangaih kaltate puala hnatlangpui’ neih an tum a, hemi ni hian Dinthar thlanmuala chhungte lo phum tawh te chu tel ngei turin an sawm a, hemi ni hian thlan chei duh tan pawh chei nghal tur a ni.

Facebooktwittergoogle_plusredditpinterestlinkedinmail

Pension dawn

Fisheries Department Director MA Razi leh Social Welfare Department a Joint Secretary hna chelh mek NH Mazumder te chu tun thla tawp hian pension in an chhuak dawn.

Facebooktwittergoogle_plusredditpinterestlinkedinmail

Login

Lost your password?