Monthly Archives: July 2015

SAAB thu dawn

July ni 29,2015 chawhnu dar 1 hian Traffic Manegement Committee chu an chairman R.Lalzirliana, Home Minister hovin a pisa ah an thukhawm dawn. July ni 31 chawhma dar 11:30 khian State Audit Advisory Board chu Principal Accountant General Office ah an thukhawm ang.

Facebooktwittergoogle_plusredditpinterestlinkedinmail

Fortnight

Health Department chuan July ni 27 atanga August ni 8 inkar chhung hian Intensified Diarrhoea Control Fortnight an hmang dawn a, he fortnight hi naktuk chawhnu dar 1:30 hian Aijal Club ah Health Minister Lal Thanzara’n a hawng dawn a, a hawnna hunah hian AMC Chairman CT Zakhuma chu khual zahawm a ni ang. Kumin fortnight thupui atan hian ‘Zero childhood death due to Diarrhoea’ tih chu hman a ni. Chhinchhiah danin khawvel puma naupang kum 5 hnuailam thihna 11% chu kawthalo vang nia hriat a ni.

Facebooktwittergoogle_plusredditpinterestlinkedinmail

Thisen pe

Nimin khan Chaltlang Branch YMA chuan a din champha vawi 68 na lawmna atan Aizawl Civil Hospital a hman turin thisen unit 90an pe a, thisen petute hi mipa 85 leh hmeichhia 5 an ni.Chaltlang Branch YMA hi kum 1947 July ni 20 a din a ni a, tun ah hian member 3141 awmin mipa 1896 leh hmeichhia 1245 bakah Life member 29 an awm mek.

Facebooktwittergoogle_plusredditpinterestlinkedinmail

Ruang chhar

Aizawl; Nimin zing dar 9 vel khan LB Chhetri garrage, Dinthar vengah Akshay Kumar Gurung (22) s/o Jeevan Kumar Gurung (OC) Sairang P/S) ruang chhar a ni.

A ruang bulah hian inchiuna hmanrua hmuh anih vangin drugs OD a thi anih an ring.

Nimin chawhnu khan Hortoki bul, Tlawng lui ah hmeichhe kum 30 mi vel ruang chhar a ni a, he chanchin buatsaih lai thleng hian tunge tih hriat a ni hrih lo.

Facebooktwittergoogle_plusredditpinterestlinkedinmail

Nitin inhlawhchawp enkawlna Nuai 100 pe

Aizawl: Mizoram Building and other construction Workers Welfare Board hnuai ah tanpuina hrang hrang cheng Nuai 58 hu pek tawh niin thu dawnna chuan a tarlang.

Zalen thudawn danin Mizoram Labour Mizoram Building and other Construction Workers Welfare Board hi mumal takin 2012 atang khan mumal taka kalpui tan a ni a, labour inziak lut hi tun dinhmun ah mi 21,634 awmin nitin inhlawhfa te chuan dan angin tanpuina chi hrang hrang an dawng tawh niin thulakna chuan a sawi.

Tanpuina sem tam ber hi fate lehkha zir tanpuina niin, 2012-13 chhung khan mi 2,409 hnen ah Rs Nuai 59 chuang pekchhuah a ni a. 2013-14 mi 13,00 hnenah Rs Nuai 44 pek niin Board atangin thu dawn a ni bawk.

Building and other construction Workers Welfare Board-a inziaklut labour leh an chhungte tan dam-dawi In senso mi 201 hnenah Rs Nuai chuang hret Board chuan a pe tawh niin kan thudawnna chuan a tarlang a. Hnathawhna a chetsualna vanga rualbanlo mi 1 hnenah Rs 30,000 pein, thawkchhuaktu thi chhungkua 67 hnen ah Rs nuai 20 dawn pek niin thudawnna chuan a tarlang bawk. Nau nei 9 hnen ah Rs 18,000 leh an fate HSSLC pass thar lawmman mi 2 hnenah Rs 20,000 pek a nih thu dawn a ni bawk a ni.

Facebooktwittergoogle_plusredditpinterestlinkedinmail

Hnatlangin : VVK & Bazar Bungkawn kawng

Aizawl: Nimin Vaivakawn Local Council huaihawtin Vaivakawn leh Bazaar Bungkawng inkar kawng chhe lai chu hnatlanga thawm that a ni.

Kawng chhelai siam that nan hian Vaivakawn Local Council, Vaivakawn Taxi Welfare leh a bulhnaia chengte’n sum an thawh khawmin PWD ten boulder an thawh a ni. Vaivakawn Local Council hruaitute chuan helai kawng hi siam turin PWD chuan kumin work schedule-ah dah tho mahse hnathawh theih hun chhunga thawh hman a ni dawn loa a lan avangin kawng chhe lai siam that hna hi hnatlangin an thawk ta mai tih an sawi.

Republic Veng Local Council pawhin chuan an veng chhunga AH & Vety Department ram min mai hlauh thawn awma awm mek chu nimin khan hna tlangin an thianfai a ni.

Aizawl District Disaster Management Authority-in leimin hlauhawm avanga siamtha tura AH & Vety department ram, Republic veng huamchhunga mi chu department lamin hma an lak mai loh avang in Republic Veng Local Council huaihawtin nimin khan hnatlangin kut thlak a ni.

Republic Veng Local Council hruaitute chuan Vety compound chhungah hian tuihawk luankawr a awm mumal loh avangin leimin vanga chhiatna thleng mai thei dinhmunah a ding mek tih sawiin thil awmdan Aizawl District Disaster Management Authority hnenah an thlen leh a, an ni hian a hmuna an enfiah hnuah Vety department chu hma la turin a hriattir a, hei hi bawhzui a nih mai loh avangin khawtlang huapin hma an la ta niin an sawi a. An hmalakna chu vanduaina lo thleng thei laka inven dan a taka lantirnaah an inngai tih sawiin, department chhawk zangkhai naah ngaiin hnatlang an ko niin kan thudawnna chuan a sawi a ni.

Facebooktwittergoogle_plusredditpinterestlinkedinmail

Zemawi tello thiam na ropui lo – Zira

Aizawl: Home Minister R.Lalzirliana chuan, “Zemawi tello thiamna chu a ropui lo a, hnam ti mualphotu a ni fo thin a ni,” a ti.

Nimin Armed veng Branch YMA in an veng YMA Hall a Central YMA buatsaih Football intihsiaka an champion an lawmna ah he thu hi sawiin Home Minister chuan, “Mitin hi kan nihna kan in hriatchian a, kan thawhchhuah mila ei leh in bakah incheina thlenga kan tih thin a pawimawh a ni,” a ti a. “Politician zingah kan hmui thudik lo sawina atana hmang kan tam hle a, hei hi a tlo ngai lo a ni,” a ti bawk a ni.

Home Minister chuan incheina atan chuan hmui atangin thudik, mit atangin lainatna, kut ah thilphalna, hmai ah hlim hmel leh thinlungah hmangaihna lan chhuah tir tul a tih thu a sawi. Khual zahawm Finance Minister leh bialtu MLA ni bawk Lalsawta chuan Mizote chu hmasawn zel tur kan ni tiin kan thiamna leh theihna te thamral tir lova hmasawn zel tum turin thalaite a chah bawk.

Facebooktwittergoogle_plusredditpinterestlinkedinmail

Kuminah TB kaihhnawih thi 13 awm

Aizawl: Kumin January thla atanga June thla tawp thleng khan Mizoram ah TB (Tuberculosis) enkawl lai mek thi 13 an awm a, nikum 2014 chhungin mi 74 thi an awm bawk.

Mizoram State TB Control thawktute chuan mitthi te hi TB vei an enkawl zinga mi an ni tih kan palai an hrilh a, an thihpui hi cancer te, HIV te a ni tiin an enkawl mek te an nih vangin thi angin an chhinchhiah mai tih an sawi bawk.
Mizoram State TB Control Society chhinchhiah danin kumin ah mi hrang hrang 5216 exam atangin mi 1133 chuan TB an vei tih hmuhchhuah a ni a, heng zinga 86.50% chu tihdam an ni. Nikum 2014 chhung khan mi 9111 enfiah atangin mi 1993 te chuan TB an vei tih hmuhchhuah a ni a, heng zinga 91% chu tihdam an ni.

Kum 2015 January- June chhunga District a TB vei enfiah leh hmuhchhuah zat District Exam zat Hmuhchhuah
Aizawl 2016 662
Champhai 712 61
Kolasib 334 67
Lawngtlai 273 54
Lunglei 994 129
Mamit 237 46
Saiha 390 69
Serchhip 260 45
Total 5216 1133

Facebooktwittergoogle_plusredditpinterestlinkedinmail

Selection exam phal a ni lo : Mahima

Aizawl: Nimin khan Tuipuiral Zirlai Pawl (TZP) chuan I&PR Auditorium-ah Fresher’s Social an hmang a, he huna khuallian Joseph Lalhimpuia, Parliamentary Secretary, School Education chuan, “Board Exam-ah sikul thenkhat in selection an nei thin hi phal loh a ni a, zirlai admission leh monthly fee engkim chawi te chuan school hmingin Board exam hi an hmachhawn vek tur a ni,” a ti.

Joseph Lalhimpuia chuan, kum 2015 chhung ngeiin Mizoram sorkar hnuaia zirtirtute chu training pek vek an tum thu a sawi a, zirtirtu ni tur in Degree neih san ngawt piah lamah zirtirna kawngah thiam bik an nih a ngai a ni a ti a. Hna dang tam tak chu Graduate nih hnua dila hmuh theih nghal a nih rualin zirtirtu ni tur erawh chuan graduate hnu ah zir belh tur tam tak a la awm a, zirtirtute pawimawh zia leh hlut zia a ti lang a ni a ti. Mizo thalai phaia lehkha zirte’n nasa taka lehkha an zir leh hlawhtlin tuma tih tak zetna rilru an pu anga Mizoram chhunga zirlaite chu tih tak zeta zir turin a chah bawk.

Tuipuiral Zirlai Pawl buatsaiha Fresher’s Social hun hi Lalsailova, Vice President in kaihruaiin, TZP huam chhunga zirlai titha te an chawimawi bawk.

Facebooktwittergoogle_plusredditpinterestlinkedinmail

PROPHECY tana guitar perhtu Laltlankima a thi

Prophecy bassist pawh lo ni tawh thin — Laltlankima chu nimin khan a thi. Kum 26 a upa a ni.

tlan

Valpuia tia a thiante’n an koh, Laltlankima hi Mizo rock music khawvelah chuan a mikhual lem lo. Prophecy band member a nih lai hian NIT, Silchar-ah te an band-in first runner-up lawmman an dawn theihna atan hian a lo thlawhhlawk tawh hle a. The Scavenger Rock Idol-ah pawh khan pahnihna dinhmun a lo luah pui tawh nghe nghe.
Hei mai bakah, Mizo band zinga ram pawn lama tawnhriat ngah tak Boomarang band in Vietnam khawpui Hanoi-a an perform tum khan a kal ve tawh bawk. Mizoram chhung bakah ram pawn lamah pawh tawnhriat a nei teuh tawh bawk a ni.

Facebooktwittergoogle_plusredditpinterestlinkedinmail

Login

Lost your password?