Monthly Archives: August 2015

Kumin chhungin Internet hmanga tui bill pektir hman tum

Aizawl: Internet hmanga mipui ten tui bill an pek theih dan tur PHE leh ICT ten an buaipui mek a, kumin chhungin tih hlawhtlin tum a ni.

Zalen palaiin ICT Secretary C.Lalhmachhuana hnen atanga thu a dawn danin ICT Department lam chuan software an peih tawh a, PHE in customer te data lakhawmin computer ah dahluh mek a ni a, hei hi peihfel anih hun chuan Internet hmangin bill a pek theih dawn tih a sawi. ICT Secretary chuan, “Internet hmanga tui bill pek theihna hi mipui remchanna atan liau liaua ruahman a ni a, a duh tan chuan a pangngai angin counter ah a la pek theih tho dawn a ni,” a ti. ICT Secretary chuan tui bill zat leh tui haw hun tur pawh sms hmanga consumer te hriattir tum anih thu a sawi a. Power & Electricity department pawhin PHE ang hian ruahmanna siam ve thei se a duh thu a sawi bawk.

Facebooktwittergoogle_plusredditpinterestlinkedinmail

Naupang 2 rawng taka thattu man

Aizawl: Zirtawpni kalta a Maria Vanlalhmangaihi (3) leh a u Mary Lalremruati (6), Kawldingliana fanu Chhingchhip Venghlun thattu a puh Lalchhantluanga (18) s/o Malsawmi chu nizan dar 7 rikhma deuh khan Chhingchhip Venghlun a in 1 atangin man a ni a, mipui kut a tuar nual a, he chanchin buatsaih lai hian Police kutah a awm tawh.
Zalen thudawn danin Maria leh Mary te nu leh pa te hi Tuikum bula lo ah an riak a, an fanu upa ber dawttu Priscilla Vanlaltleipuii (18) hovin inah hian an awm a. Vanlaltleipuii hi a nu leh pa pui tura a feh duh avangin a naute hi a pu te ina awm turin a hrilh a, tlaia a feh haw chuan a hmuh mai loh avangin leh a pu te inah hian an kal bawk si loh avangin chhung leh khat inpunin an zawng a. Khawtlang an pun hnu zan dar 8:30 velah an unau ruang hi an kawmthlangah hmuh a ni a, a u zawk Mary hi ruak vekin an hmu a, a nau zawk Maria hi cement bag ruakah dah a niin an pahnih hian hliam nasa tak an tuar ve ve a ni.

He thilthleng hi Police hriattir nghal a niin Serchhip SP leh a hoten Chhingchhip khua hi an thutchilh nghal a, thil awmdan enfiahin pawik hawihtu man tumin theihtawp an chhuah nghal. He tualthihna ah hian Lalchhantluanga (18) s/o Malsawmi, Chhingchhip chu rinhlelh a ni a, a thawmhnaw thenkhat chu pawikhawihna hmunah hian hmuh a ni. Vanduaina tawk naupang pahnih te ruang hi nimin khan Chhingchhip damdawi inah post mortem a ni a, nizan khan vui an ni.

Mizoram State Child Protection Society, Serchhip district a Probation Officer chuan tualthattu a puh hi nu leh pa kar loa piang, a pa in a duhloh leh a pu in a enkawl a ni a, a enkawltu a pu hi a thih vangin ramhnuai leh hmun remchang laiah a riak mai mai thin niin a sawi a. Tun hnai thla 2/1-ah kum 18 hi a tling chauh niin a sawi bawk.

Facebooktwittergoogle_plusredditpinterestlinkedinmail

Nakuma siam vawiin a zawrh

Aizawl; Damdawi chi khat na chhawkna atana ei tur ni awm tak ‘Flame’ chu April 2016-a siam anga ziah ni si zawrh chhuah a nih tawh thu Social Media lamah a darh chiam mai a, ngaihven a hlawh hle a. He damdawi hi vishal pharmaceuticals company siam chhuah angin damdawi kawmah hian a in ziak a ni.

He thil chungchangah hian Mizoram state drugs controller’s hotute chuan damdawi lem nia ngaih theih ‘Flame’ chungchang chu report an dawn tawh thu Zalen an hrilh a, a zuar chhuaktute an zawn mek thu an sawi a. ‘Flame’ zuar chhuaktu damdawi dawr emaw mimal ang hria chuan Mizoram state drugs controller-ah a rang lama report vat turin mipui an ngen thu an sawi.

Lalsawma, Joint Director (Food & Drugs), chuan damdawi reng reng chu a siam chhuah hun dik lo a awm chuan man nghal theih a nih thu sawiin’Flame’ pawh chu zuar chhuaktu an hmuh chhuah hunah an man nghal vek tur thu a sawi a. Kum 2015 kum chanve kan hmang awrh chauha 2016-a siam chhuah nia in ziak zawrh chhuah chu dan in a phal loh thu a sawi bawk a ni.

Doctor thenkhat ten Zalen an hrilh danin tunlai hian damdawi lem a tam hle a, company mumal lo siam chhuah man tlawm zawka zawrh chhuah pawh a awm nual nia an hriat thu te an sawi a. Mipuite pawh doctor chawh chauh damdawi rin tlak chauh ei tura an duh thu sawiin, damdawi lem lakah fimkhur turin an chah bawk.
Hetihlai hian damdawi zuar thenkhat Zalen palaiin a kawmte chuan ‘Flame’ chu an zawrh loh thu sawiin, social media atanga an hriat ve mai thu an sawi thung a ni.

Facebooktwittergoogle_plusredditpinterestlinkedinmail

MHCS: 2014 -15 ah vbc.12 pe chhuak – 50% Hepatitis C & Cancer in a ei

Aizawl: Kum 2014-2015 chhung khan Mizoram Health Care Scheme atangin damlo te inenkawlna senso Rs. 123,532,722/- pekchhuah a ni a, heng zinga a chanve deuhthawh Rs. 60,879,793/- hi Hepatitis C leh Cancer enkawlna senso a ni.

Kum kalta 2014-2015 chhung khan Health Department chuan Mizoram Health Care Scheme hnuaiah MR Bill 8209 dawngin heng zingah 365 hnawl a ni a, bill pawm 7843 atanga damlo inenkawlna senso an peklet chu Rs.123,532,722/- a tling a. RSBY hnuaiah bill 29039 dawngin 1513 chu hnawl a ni a, bill pawm 23359 atangin Rs. 124,364,182/- chu pekchhuah a ni tawh a, tunah hian bill 3607 chu buaipui mekin an buaipui zat hi Rs. 20,102,720/- a tling. MHCS bikah hian Hepatitis C ah Rs. 37,027,363/- pekchhuah a ni a, Cancer damlo inenkawlna atan Rs. 25,609,621/- pekchhuah a ni bawk. MHCS dilna lut 7262 (Rs. 89,513,622/-) hi Mizoram chhunga inenkawlna senso niin a dang 581 (Rs.34,019,100/) hi Mizoram pawna inenkawlna senso a ni.

Health Care Society thawktute chuan MR bill an dawn te chu ni 21 chhungin an peihfel hman tih sawiin mahse chegue sign tu leh thil dang tih ngai a awm vangin an duh angin an pechhuak hma theilo tih an sawi a. Kum 2014-15 sum pawh hi tunkar chhung khan an peihfel thei chauh a, a chhan Zalen zawhna chhangin MHCS thawktute chuan, “March 2015 tawp thlenga damlo te inenkawlna hi bill theih a ni a, damlo thenkhat damdawiin ah enkawl mek te nghah an ngai a, thenkhat chu May thla ah te damdawiin atanga chhuah tir chauh an ni a, heng mite hi nghah an ngaih avangin kan peih har a ni,” tiin an sawi.

MHCS chuan Finance department lamin sum pekchhuah kawngah harsatna an siamlo tih sawiin,”Finance lam chuan rang takin an peih a, mahse bill nghah kan neih bakah kan department lamah thawktute damlohna avangin duh angin kan peih hma thei lo a ni,” an ti bawk.

MHCS ah hian nikum chhung khan BPL chhungkua 50020 leh APL chhungkua 16017 an inziaklut a, kumin 2015-2016 atan enrollment hi tih leh mek a ni a, June 2015 thleng atan hun hawn a niin district atanga a la luh kimloh avangin enrollment ti zat chiah hi hriattheih a la ni lo a ni. Health Care scheme ah hian category 3 awmin Rs.500 a enrollment ti ten nuai khat, Rs.750 in nuai 2 leh Rs.1000 a enrollment ti in nuai 3 thleng an bill thei a ni.

Facebooktwittergoogle_plusredditpinterestlinkedinmail

Smart city atan Aizawl rawt

Aizawl: Zirtawpni khan State Level High Powered Committee for Smart Cities Mission in Mizoram (HPSC) chu an chairman Lalmalsawma, Chief Secretary hovin an thu khawm a, Central in smart city atana tehfung a siam atanga tling awm chhun, Aizawl khawpui chu Smart City project kalpuina hmun atan an rawt.
HPSC meeting Zirtawpni a neih ah chuan Smart City Project thawhna tura Central in a chanve ve ve a sum senso intum sem tur a tih lai chu zirchian phawt tha a ti a. Central Sawrkar in ruahmanna a siam dan chuan Smart City project hi Centrally Sponsored Scheme (CSS) hnuai ah central-state 50:50 Funding hmanga thawh niin a tum ber chu khawpui felfai buatsaih a ni a, he khawpui ah hian tui leh electric supply hnianghnar taka sem, bawlhlawh leh hnawmhnawk awmze neia chinfel, mirethei te chenna tur buatsaih sak, Information technology hman tangkai, khawpui chhung leh boruak vawn thianghlim, zirna hmun leh damdawiin tha din bakah thil tangkai tak tak ruahmanna te a tel a ni. Mizoram chhunga Smart City Mission Director atan hian Secretary, UD&PA chu ruat a ni a. Mizoram in he project hi a kalpui thei a nih chuan Central puihna he Mission atan hian kum 5 chhung kumtin Rs. 100 Crore ang hu a dawng ziah dawn a chhut a ni.
Smart Cities Mission khuh hawnna hi June 25, 2015 khan New Delhi ah neih a ni a, he hunah hian UD&PA Minister Zodintluanga leh Chief Secretary Lalmalsawma te bakah UD&PA Department hotulu te pawh an tel a ni.
%%%%%%%%%%%%

Facebooktwittergoogle_plusredditpinterestlinkedinmail

Grape qtls 112981 thar

Aizawl: Horticulture Department chhinchhiah danin nikum 2014 chhung khan Champhai district ah Grape quintals 112981 thar a ni a, kum hmasa 2013 a thar 106196 aiin quintals 6785 in a tam zawk.

Nikuma Grape tharchhuah quintals 112981 atang hian quintals 13000 chu Champhai Winery ah um a ni a, Hnahlan Winery ah quintals 1800 chuang deuh um a ni bawk a. Nikum chhung vek khan Champhai leh Hnahlan Winery hian Grape tui (wine) litres 139266 an siamchhuak bawk. Kumin ah hian Horticulture department ten grape that theihna tura bawlhlo engemaw zat an pek avangin kum hmasa lam ai khan thar tam zawk tura beisei a ni.

Hetih lai hian Mizoram ah zu zawrh anih tak avangin kumdang aiin Grape tui ‘Zawlaidi’ leh Zo Wine’ te chu hralh a har hle a, Winery atanga siamchhuah te pawh tlemte chauh hralh anih avangin Winery thawktute lu a hai hle a. Sawrkarin Winery atangin zu chikhat ‘Brandy’ siamchhuah phal se an duh hle tih kan palai an hrilh.

Facebooktwittergoogle_plusredditpinterestlinkedinmail

Agri Dept in power tiller 1300 chuang sem tawh

Aizawl: Agriculture Department chuan loneitu ten an leilet a hna an thawhna turin leilehna khawl ‘Power Tiller’ 1323 chu a man tlawm (subsidy) in a pe tawh.
Agriculture Department hian kum 2009-2010 atang khan Power Tiller hi man tlawm zawkin loneitute hnenah hian a pe chhuak tan a, kum 2009 atanga 2012-2013 thleng khan power tiller 1 zelah Rs. 90,000 a tum sak a, a bak hi loneitu ten an pe ve thin a. Mahse kuin 2014-2015 ah erawh chuan department hian Rs. 75,000 a tumsak a. Loneitute hian Power Tiller hi authorised dealer 3- Rony Enterprise, Chaltlang Dawrkawn; Johnson Diesel Sales & Services, Dawrpui leh Elysian Enterprise Ramhlun North atang te in an duhna berah an la thei a, an rate erawh a dang hret hret a, mahse a tlangpuiin Rs. 1,50,000 man bawr vel a ni tlangpui.
Agriculture Department thawktute chuan Power Tiller chu loneitu ten an tangkaipui hle nia an hriat thu Zalen an hrilh a. “Ran a van tawh bakah hnathawh a ti awlsam a. Power Tiller hi subsidy hian pechhuak ta lo ila chuan Mizoram buh thar hi nasa takin a tlahniam thei dawn a ni,” an ti bawk a ni.
%%%%%%%%%

Facebooktwittergoogle_plusredditpinterestlinkedinmail

Champhai Fisheries kuthnu tlawh

Aizawl: Fisheries Minister Dr. BD Chakma chuan Champhai a Fisheries Department hmunhma leh mimal sangha dil, department atanga hamthatna hmu engemawzat tlawhin a enfiah.
Minister chuan sangha khawitu te chu an hmalak dan leh harsatna te a zawt a. Champhai kuthnathawktute chu taima a tih thu sawiin, tharchhuah hlawk tak nei zel tur chuan Department mithiamte thu ngaih pawimawh a tul tih a sawi. Minister hian sangha dil, sangha chaw siam chhuahna tur Feed Mill Plant sak mek chu Zirtawpni khan a enfiah bakah Fisheries Department residential complex a tlawh bawk.
Fisheries Department tarlan danin Champhai District pumah sangha khawitu mi 1451 awm in, an sangha khawina dil zau lamg belh khawm chu hectare 348.90 niin 2013-14 chhung khan sangha tharchhuah zat chu 878.72 quintal a ni. NLUP hnuaiah 1st Phase atanga 4th Phase thleng Champhai District ahsangha khawi beneficiary 489 an awm a ni.
Minister hi Fisheries Department Secretary Lalthlamuana leh Joint Director SP Singh ten an tawiawm a ni.
%%%%%%%

Facebooktwittergoogle_plusredditpinterestlinkedinmail

Champhai Fisheries kuthnu tlawh

Aizawl: Fisheries Minister Dr. BD Chakma chuan Champhai a Fisheries Department hmunhma leh mimal sangha dil, department atanga hamthatna hmu engemawzat tlawhin a enfiah.

Minister chuan sangha khawitu te chu an hmalak dan leh harsatna te a zawt a. Champhai kuthnathawktute chu taima a tih thu sawiin, tharchhuah hlawk tak nei zel tur chuan Department mithiamte thu ngaih pawimawh a tul tih a sawi. Minister hian sangha dil, sangha chaw siam chhuahna tur Feed Mill Plant sak mek chu Zirtawpni khan a enfiah bakah Fisheries Department residential complex a tlawh bawk.

Fisheries Department tarlan danin Champhai District pumah sangha khawitu mi 1451 awm in, an sangha khawina dil zau lamg belh khawm chu hectare 348.90 niin 2013-14 chhung khan sangha tharchhuah zat chu 878.72 quintal a ni. NLUP hnuaiah 1st Phase atanga 4th Phase thleng Champhai District ahsangha khawi beneficiary 489 an awm a ni.
Minister hi Fisheries Department Secretary Lalthlamuana leh Joint Director SP Singh ten an tawiawm a ni.
%%%%%%%

Facebooktwittergoogle_plusredditpinterestlinkedinmail

NET chhiat vangin register thei lo

Aizawl: District Transport Office, Aizawl a Internet chu a chhiat avangin lirthei nei thar ten an lirthei an register thei lo a, an buai hle.
Zalen thudawn danin DTO Office internet hi July 14,2015 atang khan a thatloh avangin Delhi nen an inthlunzawm thei lo a, nitin lirthei 100 bawr vel in register duh an awm reng avangin harsatna an tawk ta a ni. Mi thenkhat chuan kalphung hlui ang khan motor hi register leh se, internet that hnuah dan pangngai angin kalpui a, thun that leh ni mai se an duh thu kan palai an hrilh. DTO Office hian driving license erawh an pechhuak reng thung.

Facebooktwittergoogle_plusredditpinterestlinkedinmail

Login

Lost your password?