Monthly Archives: January 2016

Kumthar thingpui

Mizoram journalists Association member te chuan January ni 20,2016 chhun dar 12 hian Aizawl Press Club ah kumthar atana inhlantharna leh thingpui inhona hun an hmang dawn.

Facebooktwittergoogle_plusredditpinterestlinkedinmail

SDMA din thar

Mizoram Larsap chuan State Disaster Manegement Authority for Mizoram a din thar a, chairman ah Chief Minister, Vice chairmen ah DMM&R Minister niin Chief Secretary chu Chief Executive Officer a ni ang a, Member engemaw zat an awm bawk.

Facebooktwittergoogle_plusredditpinterestlinkedinmail

NVD hmang dawn

January ni 25,2015 hian Vanapa Hall-ah National Voters Day hman tum a ni a, khuallian atan Larsap Lt.Gen. Nirbhay Sharma beisei a ni. Kumin National Voters Day thupui atan hian ‘Inclusive and qualitation electoral participation’ tih hman a ni dawn a, NVD ah hian Larsap hian BLO hnathawk tha thlanchhuah te hnenah lawmman a hlan ang a, EPIC nei thar te hnenah Voters ID a sem bawk ang.

National Voters Day hi kum 2011 atang khan hman tan a ni a, tun hi tum 6 hmanna tur a niin Election Commission of India din champha a ni.

Facebooktwittergoogle_plusredditpinterestlinkedinmail

SIPMIU in sem ; SIPMIU in veng 25 ah bawlhhlawh bawm pe

Aizawl khawpui a lo fai a, a lo thianghlim zawk nan SIPMIU chuan Aizawl veng 25 ah bawlhhlawh bawm chi hnih, tawi thei leh tawih theilo dahna tur bawm pechhuakin veng 58 ah pek leh an tum.

Facebooktwittergoogle_plusredditpinterestlinkedinmail

Thukhawm dawn

Mizoram Legislative Assembly peng pakhat, PAC chu naktip Thawhlehni chawhma dar 11 hian Assembly Committee Room-ah an chairman hovin an thukhawm ang.

Facebooktwittergoogle_plusredditpinterestlinkedinmail

Tihniam

Zirtawp zanlai atangin petrol litre ah paise 32 leh diesel litre ah paise 85 in tihhniam a ni a, Aizawl a rate thar chu petrol Rs. 56.02; diesel Rs. 42.06 a ni ang.

Facebooktwittergoogle_plusredditpinterestlinkedinmail

Sawn

Rajiv Gandhi Stadium, Mualpui chu I-League Football Tournament a awm avangin January ni 29 – February ni 1, 2016 ah a hmun ngaia neih turin sawn hlat a ni.

Facebooktwittergoogle_plusredditpinterestlinkedinmail

MCS boral

DM&R Department a Joint Director hna chelh mek Dr. PC Lalawmpuia (46) chu January ni 14,2016 chawhma dar 11:30 khan cancer vangin a boral a, Zirtawpni khan Durtlang thlanmualah vuiliam a ni.

Facebooktwittergoogle_plusredditpinterestlinkedinmail

Wifi inuaithluktir lo ila

Aizawl Municipal Corporation Chairman chuan hrui thlun ngai loa phone emaw computer atanga internet hman theih dan ‘wifi’ chu tunlai hian an buaipui mek thu media mite a hrilh a. Khawlai teihawi pahin a thlawna internet-a thil tih tur leh pawimawh neite tan chuan AMC sawrkar thar ruahmanna hi a samkhai sawt a rinawm.

Tunah hian hmun thenkhatah wifi hi enchhin mek a ni a, hmun dang pawh la tihlehna tur hual a ni tawh a ni. Wifi awmna leh a chheh vel hmun engnge maw zah chu a huam dawn a, a hmang duhte chuan helai hnaih hi panin a thlawnin internet an hmang tawh mai dawn a ni.

Ram hnufual, hmun kilkhawr leh connectivity chhe takin a nawr kal tawng tawng ram kan ni nachungin ram chhunga cheng mipuite erawh hi chu Information/ Communication Technology lamah an mikhual lo hle a. Chhungkaw tam zawkah ‘ICT device’ a awm deuh vek a, smart phone phei chu mi cheng tam zawkin kan hum deuh vek awm e. AIR leh TV te chuan vawiin thlengin mipui hrilhhriat hna an la thawk a, mi tam takin an la chhawr hle a, hun engngemaw chhung chu medium hman lar bel pawl a la nih chhoh zel a rinawm.

Khawthlang khawpuiah te pawh mipui hman tangkai turin wifi hi a thlawnin khawlaiah chhawp chhuah a nihna a rei tawh a, mipui lamin an tangkai pui a.Wifi awm lohna hmunah chuan Internet hman man chawi a ngaih thin avangin zirlaite leh zirbing mite tan harsatna a awm thin a, mahse wifi bunna hmunah chuan an chhawr tangkai hle a, kawng lehlamah erawh chuan suahsual rawngbawl nan te pawh hman a ni tawh thin a ni.

Ram rethei tan phei chuan khawlaia wifi dah hi malsawmna a ni thei hial ang a, kan khawpuiah ngei pawh chhawr tangkaina tur a tam thei hle ang. Kawng lehlam thlir erawh chuan hemi let thawk pawhin a chhe zawngin nghawng a nei thei hial awm e.

Thiamna a sang a, inkawmhlimna hmanrua a danglam zel a, computer tluk zeta phone chak an awm tak hnu phei chuan changkanna kan tih hian tawpin tai a nei hlei thei dawn ta lo emaw tih mai tur a ni. IT lama thiamna hi a zung lam aiin a lerah kan thuai nasa ta mah mahin a lang a. Mi thenkhatin computer aiin phone an tangkaipui tawh zawk a, kalna apiangah in ah buai luk luk ngai tawh lovin ipteah an ak bo tawh mai thin a. Hetih rual hian phone a social media bih ngur ngur tam tak chu ‘internet khawih thiam lo Facebook chiah thiam,’ niah an inchhal thung bawk.
Ni tina khawvel mipui maktaduai 100 tel tak meuhin an khawih rawn Facebook neitupa Zukerberg chuan kum kalta khan kar khata lehkhabu chhiar zawh ziah a intiam a, a intiamna hi a hlen chhuak a, tunah hian kumin 2016 hi km 365 tlantlin kumah hmangin ni tin a tlan ngat ngat a. Chutih laiin mipuite chuan chinlem nei lovin A siamchhuah internet-a inkawmna chu hna thawk hman mang lovin an buaipui thung a ni.

Khawpui wifi pumhlum a nghahhlelh awm rualin a zung ni loa ler atanga buaipui tawk vel kan nih avang hian hmasawnna awm lem lo sawrkar sum tihektuah a tang thei tih kan hriat a pawimawh khawp mai. IT dan hriatna lamah kan la hniam hle a, dan pawh awm lo mah se, ‘mahni chhiat leh tha hriatna’ hmangin Danin a khap chintawk awm vel hi chu mipangngai tan chuan thil har ni theiin a lang lo.

Engpawh nise AMC hmalakna hi a fakawm viau a mipui lamin dan zawm leh hriat belh tumin tha thar khawh tum ila. A chhiara chhiar chu engti kawng mahin a ena en chi chuan an tluk tak tak thei lo ang.

Facebooktwittergoogle_plusredditpinterestlinkedinmail

Dr. Hrekima titi (Jan. 17, 2016)

Thil tenawm tak ka hriat chu hei hi a ni : Duh zawng kar chhuah nana inawhhluma mi vau chingte hi.
&&&&&&

INVAUNA TENAWM
Nula mangang pakhatin min rawn bia a. “Ka bialpa hi then ka duh. A chhan chu a tam mai. Mahse then ka tum hian intihhlumah min vau zel bawk si a, keimah vanga a intihhlum chuan ka inthiam thei dawn si lo a..” a rawn ti a.
A va zahthlak tehlul em! Invauna tenawm tak a ni, mi dang kar nan intihhluma invau hi. Nula leh tlangval inngaizawng zingah a awm zeuh zeuh. “Min then chuan ka intihlum ang..min neih duh loh chuan ka inthat ang,” an ti a ni awm e. A luck loh thlak ve haih haih khawp mai!

Chu nula chu heti hian ka hrilh. “E, then i duh anih phawt chuan then rawh. A intihhlum leh hlum loh chu ama thu ni se. Invaubehtir hauh suh. A rawn vau leh che chuan, “ I thu thu alawm. Ka duh tawh lo che a ni mai. Inthahah chuan min vau suh. Min vau chhuak chuang lo ang. I thih pawhin i thu a nia, ka inthiam lo hran lo ang. Mahse thi lo la ka duh a, intihlum lo la ka duh khawp mai. I rilru a na anih chuan rilru daktawr pan ve mai rawh” tiin lo chhang la, ka number hi lo pe nghal bawk la, ka puih a duh chuan ka lo pui dawn nia” tiin.

Mahni intihhlum hi a poi hle a, thil runthlak tak a ni. Ven kan duh a, tumah hi intihlum lo se kan duh a, kan inzirtir hlawm mek a. Chumi remchanga laa mi vau beh nana hman erawh hi chu a zahthlak hle thung. Verther taka mi rilru kar behna emotional blackmail tenawm tak a ni.

Kan bialnu / bialpain min duh tawh loh chuan min duh tawh lo a ni mai. Sawi tur pawh a awm lo. Sawi duh kan la neih talh pawhin, “E, a nih chu. Ka ngai viau ang che ang a, ka lung pawh a leng hle ang, mahse min ngaihtuah suh, ka dam khawchhuak thei ang,” tih mai tur a ni. Miin min duh leh duh loh hi an thu a ni ve alawm. Ngaihdan an nei ve a, duhdan an nei ve a. Zahsak tur a ni.

Nula kan va try a, min lo duh lohte hian tlawmah lak chiam tur pawh a ni lo. Inthaha vau beh hmangaihna chu chen pawh a chakawmzui vak chuang em ni? Mi hian min duh chuan keimah ka nih avangin, ka vau leh kar beh vang ni loin min duh mai se. Ama rilru puakchhuaka zalen taka duhthlanna siama min hmangaih hi a hlu ber. Kar beh chawp hmagaihna lem chuan nun tuihal a fah tak tak chuang lo. Nun a hlim famkim tak tak chuang ngai lo.
Hetianga inkar bet innei zui ta, a kar bettu awmkhauh zawkin, ‘min hmangih vanga min nei pawh i ni lo’ tia a awm nem zawk a tihduhdah zui leh lawi site pawh ka hria maw le! A sual thlak mai mai a nia!

An tel lo pawn kan awm thei a, kan dam khawchhuak thei tih an hriatte hian an mang a ang ru letling zawk thei a nia! I can live with or without you tih hla tlarte hi a mawi asin! An tel lo hian kan nung thei lo tak tak emawte an tih ngat phei chuan tuemaw chu kan chungah an inluling zui reng mai dawn asin!

Mi duh lo chung leh remchang lo na nan na kar kar hi chu i ching lo teh ang u. Intihhluma invau phei hi chu invauna tenawm tak a ni. Thih chak khawpa kan rilru a na a nih chuan min pui theitu tur tuemaw pan ve mai tur a ni ngai e. Tenawm taka invau beh avanga kan vau chhuah hi a hlu tak tak chuang ngai lo e!

Facebooktwittergoogle_plusredditpinterestlinkedinmail

Login

Lost your password?