Monthly Archives: June 2016

Martar

Congress Thalai MPYCC chuan naktuk Thawhtanni chawhma dar 11:30 hian CTI Sesawng ah Martar lungphun champha vawi 19-na an hmang dawn a, Chief Minister Lal Thanhawla leh Transport Minister John Rotluangliana ten an hmanpui ang.

Facebooktwittergoogle_plusredditpinterestlinkedinmail

Tlawh dawn

Committee on Eastimates te chuan July ni 4,2016 khian an chairman Lalrinliana Sailo hovin Aizawl khawpui chhehvela UD&PA Department leh SIPMIU in bawlhhlawh leh thli sawngbawlna an siamte a hmunah an tlawh dawn.

Facebooktwittergoogle_plusredditpinterestlinkedinmail

Chawimawi

Rural Development department chuan BDO hnathawk tha ber ‘Best BDO’ ah Bilkhawthlir BDO ni thin, tunhnaia Chawngte a sawn tak Lalfakzuala a thlang a, ‘Best Project Director’ ah Champhai DRDA Project Director CC Lalchhuangkima te a thlang. Heng MCS Officer te hi MIS report that vang te, a hun taka dilna an thehluh vang te, an hnathawh a that vang leh hna an duan thiam vang te a thlan an ni a, award hi RD Secretary Lalhmingthanga chuan  tunhnaia RD thawktute inhmuhkhawmna neih ah a hlan a ni.

Facebooktwittergoogle_plusredditpinterestlinkedinmail

Tribal Super Star LSZ-a kan hloh; K’u Muanga Quo Vadis?

Mizo i nih chuan Eles Comics, Sudden Muanga leh Laisaizawk’s – pathum zinga 1 tal chu i hria ang; hre lo an awm a nih pawhin intih changkanna thing chi ‘hre lo der’ an ni tho tho ang. Sudden Muanga ziaktu J. Lalsangzuala a boral a\ang khan Sudden Muanga hluttu an tam zia a hriat a. In Pui lamah lawi lovin Lamka ni mahse kan tuar hlawm chu a nih kha. Lungleng mite’n a thlahna thu social media-ah an vawm darh chum chum a; print media ah pawh hmun a luah lian teh e. Linguist ril tak leh intellect a ni tih chu Sudden Muanga siamchhuaktu hian A sulhnu te chu thuhretuah a hmang thei ang a, Zofate’n an pawmpui bawk ang. ‘Character’ atana hming a vuah hrim hrim hian language hlutna a phawk der tawh a, ‘contrast and compare’ antih thin (inletling phuah pawlh) ‘Sudden’ ni si a ‘Muang’ lawi si lai chauh pawh khel ve fe tham a awm. Laisaizawka sulhnu hian hlutna (literary value) a nei sang tial tial dawn a; a tei rei peihna chu thuhran nise ‘satirical comic’ (nuihza/ elhsenna) awmze nei bu pakhat chauh ni lo 95 lai a khawrpum hman a, thangkhat lian  tihchhuah a ni.

Peng thut teh ang. 50 BC-100 AD inkar kha Europe Thlang lam ram te tan hun chhinchhiah tlak a ni a, ‘barbarians’ leh Rom Sawrkar an indo bur bur a,  Rom Sawrkar insawhngheh leh ‘tunlai’ zawka ngaihtuahna mihringin a hman tan chhoh hunlai a ni a, Rom sawrkar kha Civilized (tunlai mi/hmasawn mi) khawvel intannaah pawm a ni hial a. Hemi history leh a kaihhnawih dangte hrul hian mi 2- Rene Goscinny (thu ziaktu) leh Albert Uderzo (lemziaktu) te chuan 1961 khan Gaul tlangval, pumrua lian lo tak  ‘The Adventures of Asterix’ chanchin chu comic ah an tichhuak a, a kawppui atan dul kiar zet mai ‘Obelix’ an chhawpchhuak tel bawk a. Rom Sawrkar chu hnawlin khawte reuh te ah  Gauls pasatha te chu an khaw Lal Vitalstatistix hovin an inkulh a; ramhmul daktawr Getafix-a chuan ‘chakna thahrui pe thei’ a siam chhuak thiam a, Gaul pasaltha te’n an han lem sek a, ‘khawvel piah lam’ atanga tha hrui chak pek ang maiin Rom sipai te chu an sawp hrep thei a ni. Gauls ho hi an awm tak taka comic-a an landan erawh an ni vek lo. Tuna France ram hmun thenkhat chu an luah thin a ni. History leh phuahchawp inpawlh ‘satirical comic’ a ni a, a hunlaia mi challang Juluis Ceaser, Brutus, Octavius leh midangte pawh ‘character’-a siamin fiamthu thawh nan Uderzo te thian dun chuan an channawi ta thin a. Asterix a bu hi series 36 a awma, tawng 100 laia lehlin niin copy Nuai 3500 hralh a ni tawh. Lamka-ah inkhuar ta sela Goscinny te pahnih (2) hian engchen nge an thlen ang le?

Sudden Muanga leh Asterix-a bu hian in anna tam tak a nei a, thil thleng tawh te, suangtuahna ram a tak anga sawngbawlna a ni ber a, mahse awmze nei tak si an ni. Fiamthu bu angin pawnlawi ah lang mahse ‘a hun laia thil thleng’ lan tirna a ni a. Hemi tehfungah phei chuan Laisaizawk’s hi a filawr zawk mahna. Gaul pasaltha te chanchin-ah hian thil thleng tak tak ni lemlo, hmehbel theih si a tam a, Sudden Muanga erawh ram darthlalang ni pha hial a ni. Mizoram-in a hun tawn ang apiang chu fiamthu elhsen rawngkai comic ah LSZ-a chuan a vawm khawm ta thin a; inven nan a kawm (cover) ah pawh ….. ‘chaw tak khuk pui chi a ni leu’ tiin tarlan a nih thin kha. Writer te zingah caricature (lemziak thiam) ni kawp an tam lo khawp ang, Mafaa hi lemziahah chuan a ‘nil’ ve khawp ang. Uderzo a te angin comical takin ziak lo mahse Saizawks-a chungnunna chu 1977 a Sudden Muanga bu hmasa ber a tihchhuah atangin a hmuh theih a, a thu leh a lem a into delh nghal a. Stencil ah a lem a ziaka, Remington Steele type writer hmangin voice box ah a thu a la khung thlap thei zui; delete ve theih hek loh correction fluid litre engzah tak a hun chhung khan hmang ral ang maw? Cyclostyle-a her a ni a, stencil cut a thler dawn chiang; ziah nawn; chhut nawn a tam a taima ve tak chu a ni hrim hrim, chilh khawm ringawt pawh hna hautak a ni a, hetiang comic ziak midang khawvel hian a kawl emaw chu?

Sap ziakmi Oliver Strange an cowboy thawnthu a ziah, Mizoa lehlin tak Sudden-(a) rim nam chu a ni ngei a, a ziaktu hian a tirah chuan fiamthu comic angin kal tir a tuma, mahse Zoram khawvel – Eiru te ram leh Sawrkar tana hnawk;, Kohhran anga inepna lian tak awm sawichhuah ngam chi loh te; khawtlang rilru puthmang diklo kawk chhuaka an insiam that theihna turin in enletna dawhsan atan Mizo Superman Ku Muanga chu a pian tir ta a ni. Selna na tak tak tarlan a nih dawn avangin a character chu mipuiin an huat loh a ngai a, hmelchhe zet mai, tawng thei mahse nuihtiza bawk si nungchang te character 1 ah a dah khawm a ni ber a, uchuak khawpin tawngkam na tak sawi mahse a hmelchhiatna chuan a khuh hneh ema, a huat theih loh.

K’u Muanga ah hian Mizozia tam tak a pai a, ‘miin cheng 2000 nei se zu in nachang hre si lo se a tan engnge sawt ang’ a tih te hian khatih hunlaia val thlunglu mawl inrenna chang hre lo a sawina a ni a. Mizo te a tlangpuiin thiamthil ngah zul thiam bik nei si lo ti ve thei zul, tei rei peih si lo te an ni a. Sawhthing hmun a siama, Hrangeka te’n an ruksak atangin kungfu a zir phaha, pistol pawh ‘a puak sa in a pai’ ta tah tah a, hlemhletna do turin a chuang chhuaka Khawnuam Sherrif a nih meuh chuan mipui chanai ei ruksak dan te, rawngbawltu zu dawm thei mai bakah eiruk thawhlawm a tam vanga rawngbawltua Kohhranin a hman, a sual tih sim duh si lovin Kohhran mipui te mit a tikham a, an tui loh phah a kaw dang an hreuh dan te tarlan a ni. Hrangeka piangthar thusawi chak’ Hall-a sawi khapsak a nih hnuah khawlaia puan in kaih a thuken danglam a sermon nasat lai kha Kohhrana mipui zia pholanna chiang tak a ni. Zofate chuan Kohhran Upa leh Pastor te an hmu ro a, Pawl chhuak te’n kohhran thar an dina, kil tinah Biak In a inhung ta fer fur a ni. Issue No 45-54 inkar kha Holy War tiin LSZ-a hian a vuah a. Pawl dang te chu tangkhawmin ‘Allies Party’ an din a, Hrangeka Pawl chu an beih rawn ta a. WW II laia Allies – U.S., Britain, France, USSR, Australia tangkhawm Allies Party leh Axis tih inphuaha tangho Germany, Italy, Japan leh a dangte. Tawngkam thar chher chhuah hi thil namai lo tak a ni a, a hmangtu mipui tam tak hneh tur chuan lam tawi fel, lam awlsam danglam a nih a ngai a, tum loh deuha slang hring chhuak a awm thei. ‘Kal ngial ang’ tih tawngkam a lar lai khan K’u Muanga tawngkam ‘Nguar ang’ tih chuan a rawn luah lan ti tih a. ‘Gui gui’ ama bungraw zing ami tho a ni a, a ri atangin K’u Muanga pumrua cher tak mai intheh vel dan tur mithlaah a awm thei mai tlat a ni. Character dang Darringaia, Linda, Judy, Pu Kapa, Hleizuama, Pu Gos, Pu Phunga, Shabito leh a pawlte khawsa zia chuan tualchhung politic leh Central inzawmnate a pholang a, politic-a Kohhran rawngbawltute in rawlh thatlohna awm thei pholanna a ni tel a; K’u Muanga’n a ruka a chhas a tihte erawh sawi tam ngai lo ah ngai ang. Lalsangzuala a fam ni khan Zofate chuan Arsi eng pakhat ziakmi te tan a mi hlu tak kan chan a tih theih a, amah ang kha Zofate hian kan nei tawh kher lo ang. RIP Laisaizawk.

Facebooktwittergoogle_plusredditpinterestlinkedinmail

Kolasib district HIV pung chak

Aizawl: Kumdang aiin kumin 2016 hian Kolasib district ah HIV kai thar an tam a, a kaithar tam ber hi hriau thianghlim lo hman vang nia thudawn a ni.

Kumin May thla thleng khan Kolasib ah hian mi 1351 te thisen endik tawh ah HIV kai thar mi 78 finfiah an ni tawh a, nikum 2015 khan mi 80 hmuhchhuah an niin kum 2014 ah mi 60 hmuhchhuah an ni. Thudawn danin HIV hi kum 2015 atang khan a darh chak thut a; hniam lam a la pan lo. Kum 2 kalta velah kha chuan kum 25 chung lam zingah sex vanga kai an tam ber a; mahse tunah chuan kum 24 hnuai lam zingah damdawi rui \hin, inchiuna hriau inhman \awm vanga kai an tam ber tawh a ni. Hei hi a chhan ni theia lang chu Heroin (No 4) tam lutuk vangah mi thenkhat chuan an ngai. May thla chhung ringawtin mi 16 kai thar hmuh chhuah belh an awm a ni.

Kum    Test    HIV    %       punna rate
2011    2742    46    1.67%    NA
2012    2576    39    1.51%         -0.16
2013    3007    56    1.86%    0.35
2014    2075    60    0.28%         -0.62
2015    2638    80    3.03%    2.75
2016    1351    78    5.77%    3.02

(Thla 5 chhung)
Tun ang zela a pun chuan kumin chhunga kaithar punna rate hi  6.4% a tling chho hial thei a ni.

Facebooktwittergoogle_plusredditpinterestlinkedinmail

Peace rally nei

Aizawl: Mizoramin remna hmuh kum 30 tlin lawmna chikhat atan nimin zing khan Central YMA bultumin Remna kawngzawh ‘Peace Rally’ neih a ni a, Aizawl khawpui hmun hrang hranga YMA member te chu Lammual ah an pungkhawm.

Lammual a inkhawm tawi neih hi Central YMA Finance Secretary Lalrochuanga Pachuau in a kaihruai a, Remna ni chu tute emaw hmingthatna leh hming hliauna tura lawm an nih loh thu sawiin a hlut em avanga lawm an ni tih a sawi.

Kalkhawmte hian “Remna hi a hlu a, Mizoramah remna leh muanna a awm zel theih nan theihtawp ka chhuah anga, remna leh muanna tichhe thei zawnga hmalakna reng reng ka do tlat ang” tiin thutiam (pledge) an sawi rual.

Remna Ni hi June ni 30,2016 hian Lammual ah ropui taka lawm tum a ni a, khuallian atana beisei Prime Minister in a telpui theih dawn leh dawn loh a la chiang lo.

Facebooktwittergoogle_plusredditpinterestlinkedinmail

Chiahpuam sem a hnai ?

Aizawl: Chiahpuam Depositors Association hruaitute chuan Chiahpuam sum chu High Court in a semdan ruahmanna an neih te thehlut turin Aizawl DC leh Finance lam te a hriattir a, list pawm tlak tak a awm chuan sem mai theih a beiseiawm niin Zalen an hrilh a ni.

Nimin khan Chiahpuam Depositors te hi Vanapa Hall-ah an inhmukhawm a, Chiahpuam sum hmanga inhmun lo ram lei, tuna luah mek te chu an luahman Court ah pe tur leh an pek loh chuan hmalak an tum thu te, Court chu pawisa awmsa te sem thuai anih theihnana hmalak pui tura ngenna resolution an pass a ni.

Chiahpuam Depositors hruaitute sawi danin ni 11.2.2016 a Chiahpuam sum Bank a awm zat chu Rs. 13,29,78,639 a ni a, hei bakah hian in dinglai 25 leh ram ruak 15 awmin sum dah nia insawi mi 5072 an awm mek nia thudawn a ni.

Facebooktwittergoogle_plusredditpinterestlinkedinmail

Free wifi tan hnai

Aizawl: Aizawl Municipal Corporation a sawrkarna chang mek MNF in an Manifesto a an tarlan ‘Free Wifi’ chu bawhzui zel a ni a, tunkar chhung hian Tender Notice chhuah hman tum a ni.

Zalen thudawn danin AMC hian Aizawl khawpui hmun thlanbik leh lunlai deuh nia hriat hmun 9 ah free wifi hi bun an tum a, heng an duhna hmunte pawh hi tihfel thawkhat a ni. Ruahman dan chuan tunkar chho hian Tender Notice chhuahin a buaipuitu tur thlan a ni ang a, reilote ah hna tan theih beisei a ni. Wifi chak zawng tur leh a bunna (dahna) hmun tur hi AMC lam chuan ruahmanna nei tawh mahse a thawktu tur te nen sawiho leh phawt a la ngaih dawn avangin tihchian a la har deuh nia thudawn a ni.

Facebooktwittergoogle_plusredditpinterestlinkedinmail

Mizoram in AMRUT ah vbc.36 hmu

Aizawl: Kum 2015-2016 chhung khan Mizoram chuan Atal Mission for Rejuvenation and Urban Transformation (AMRUT) atan sawrkar laipui atangin vaibelchhe 36.50 a hmu a, sum lokalte hi tui luankawr siam nan a tam ber chu hman tum a ni.

Nimin khan UD&PA department hotute chuan Aizawl Press Club ah chanchinbumite kawmin AMRUT chungchang hi an hrilhfiah a, UD&PA Director Zorammuana chuan AMRUT Mission in a tum ber chu khawpui chhunga chengte nitin mamawh phuhruk leh changkan zelna tur atana mamawh buatsaih a ni tih a sawi a. India ram khawpui 500 atangin mihring nuai 1 chenna leh state tin khawpui te chu mission atan thlan an ni a, kum 2019-2020 thleng kalpui tur a ni. AMRUT hnuaiah hian tui intur thianghlim, bawlhhlawh sawngbawlna, tui luankawr tha, kawng tha leh boruak thianghlim siam te chu ngaihpawimawh a ni ang.

UD&PA hotute chuan AMRUT sum hmuh dan hi a tirah central leh state ten 50:50 intumsem tura tih a niin hemi hmang hian project siam a ni a, mahse hmarchhak state te tan 90:10 ah thlak leh anih avangin project siamthat leh a ngai a, chuvangin a tak takin hnathawh a la awmlo a, hna tan thuai tum a ni, an ti. UD&PA Director Zorammuana chuan, “Aizawla leimin leh harsatna thleng tam ber hi tui luankawr mumalloh vang a ni a, chuvangin helamah hian hman tam deuh kan tum a ni,” a ti.

2015-16 atan AMRUT sum hi central in vbc 36.50 a rawn tum a, Mizoram tum ve vbc.4.056 nen a vaiin 40.556 a ni a, sum hi 20:40:40 a pekchhuah tur niin 1st installment vbc.7.30 chu Mizoram in a dawng tawh. Kum 2016-2017 atan central atangin vbc.42 beisei a ni a, Mizoram in a tum ve tur vbc, 4(10%) nen vbc.46 vel beisei a ni.

Facebooktwittergoogle_plusredditpinterestlinkedinmail

STA July meeting-ah 2 wheeler taxi permit

Aizawl: July 2016 chhung hian State Transport Authority chu an thutkhawm hnaih bawr vel ah two wheeler taxi leh auto rickshaw dilna permit pekchhuah an tum niin thudawn a ni.

Zalen palaiin a biak naah Transport Director Remmawia chuan department lamin Aizawl khawpui chhunga two wheeler leh Aizawl chhehvela auto rickshaw service tir tumin hma a la mek nia sawiin mahse thutawp siamtu tur chu State Transport Authority a ni tih a sawi a, STA in a remtih chuan service tir tum a ni tih a sawi.

Transport department in ruahmanna a siam dan chuan two wheeler taxi hi a tlanchhuah tirh km 1 ah a chuanman hi Rs.10 a ni ang a, a hnu zelah Rs.5 a ni ang. Auto rickshaw hi a tlanchhuah tirh km khat ah Rs.20 a ni ang a, a hnu zelah km tinin Rs.10 a ni thung ang. Auto rickshaw hi Aizawl dai, chhim ah Melthum/ Saikhama-kawn thleng, Hmar lamah Durtlang Leitan, khawthlang lamah Chhangurkawn leh khawchhakah Thuampui thleng service tir phal a ni dawn a, khawpui ah chuan luh phal a ni lo ang.

Two wheeler taxi hi engzat chiah nge permit pekchhuah tur bithliah a la awm lo a, stand an neih dawn leh dawn loh pawh tihchian a la ni lo bawk.

Facebooktwittergoogle_plusredditpinterestlinkedinmail

Login

Lost your password?