Monthly Archives: August 2016

Ram dang cigarette nuai 32 hu man tawh

Aizawl: National Tobacco Control Society (Mizoram), CID (Crime), Taxation Department leh Legal Metrology Department tangkawp ten May 2016 atanga beihpui an thlak kal zelah ramdang siam cigarette Rs. 32,61,810 hu an man tawh.

Legal Metrology thawktute hnen atanga Zalen thudawn danin heng cigarette an man te hi Zokhawthar leh Moreh kaltlanga Mizoram ah lakluh an ni tlangpui tih an sawi a. Ramdang siam cigarette te hi Aizawl district ah packet 92801, Lunglei ah 3870, Saiha ah 804, Kolasib ah 1580, Lawngtlai ah 631, Champhai ah 7000 leh Serchhip district ah 2014, a vaiin packet 108727 an man tawh tih an sawi. Legal Metrology thawktute chuan heng ramdang siamah hian danin a phut hrang hrang a siamtu hming leh address, a generic hming, a rih zawng leh tam lam, siam hun thla leh kum, a man zat/ hralh theihna sang ber (MRP) te tarlan a nihloh bakah a hlauhawmzia tarlanna (health warning) pawh a awm lova, a awm chhun ah pawh danin a phut ang 85% a tlinloh vanga man an nih thu Zalen an hrilh.

Ram dang siam cigarette kawltu an man te hi Rs. 1000 atanga Rs. 5000 thleng chawitir theih an nih bakah lungin tan tir theih an ni a, mahse tun dinhmunah chuan a hming maiin hremna hi kalpui hrih a ni. Legal Metrology ten cigarette an man te hi tihral tura buaipui mek a niin hun remchang hmasa berah incinerator a hal emaw tuia leih huh a ni ang.

Facebooktwittergoogle_plusredditpinterestlinkedinmail

Thukhawm

Thawhlehni khan Chief Minister hovin Mizoram Bharat Scouts & Guides chuan Chief Minister’s Banquet Hall-ah State Council meeting an nei a, Vice President atan mi 3- Boichhingpuii, Laldingliani leh Tintlunga Hniahlum te an thlang.

Facebooktwittergoogle_plusredditpinterestlinkedinmail

Gas phur chhuah

Mualkhang gas driver association nia inchhal ten Mualkhang atanga gas phurchhuak tur an dan chu Central YMA, Police leh IOC te hmalakna in chhuah an ni a, a pangngai angin kalpui leh a ni.

Facebooktwittergoogle_plusredditpinterestlinkedinmail

NEM thukhawm

Ningani khan MNF thuneitu sang National Executive Meeting chu Vanapa hall ah an thukhawm a, Congress sorkar-in zu a zawrh titawp tura nawrnan kawngzawh nise an tih bakah Congress sawrkarin school tan hun a sawn hma chu MNF in sawrkarna a chan chuan a hun pangngaiah sawn leh an tum tih resolution an siam.

Facebooktwittergoogle_plusredditpinterestlinkedinmail

Thulh

Sawrkar laipuiin Mizo pasaltha Khuangchera chawimawi a tum chu MZP leh MSU te doldalna avangin thulh a ni. Pasaltha Khuangchera hi sawrkar laipui chuan India zalen nana beitu a ni tiin Freedom fighter ah puan a tum a, he hun hmanpui tur hian Union MoS for Rialway Rajen Gohain pawh Aizawl ah a lokal a, mahse zirlai pawlte ngenna avangin chawimawina hun hman a tum chu a thulh a. Zirtawpni khan Ailawng khua ah kalin Khuangchera thlanah hian pangpar a dah a, zahna lan tirin chibai a buk bawk a ni.

Facebooktwittergoogle_plusredditpinterestlinkedinmail

CM leh Police

Ningani khan Chief Minister Lal Thanhawla hovin G.S Arya Mess, Police Headquarters ah a vawikhatna atan ‘Chief Minister’s Conference -2016 with Mizoram Police Officers’ neih a ni a. Home Minister R Lalzirliana, Parliamentary Secretary Lt.Col. Z.S.Zuala (Rtd) bakah Mizoram hmun hrang hranga Police Officer thahnem tak an tel.

Facebooktwittergoogle_plusredditpinterestlinkedinmail

Thisen pe

Nimin khan Bethlehem North Branch KTP te chuan a mamawh apiangte hman atan Synod Hospital-ah thisen Unit 39 an pe a, Republic Vengthlang Branch KTP ten Aizawl Civil Hospital ah unit 46 leh Lunglei Rahsi Veng Bial PYD ten Lunglei Civil Hospital-ah unit 22 an pe bawk.

Facebooktwittergoogle_plusredditpinterestlinkedinmail

I-Day parade tur thi

Govt. Hrangchhuana High School a Class X?zirlai Esther Lalvenpuii (14) Zawlnuam Borai veng, tuna Ramhluna North a mi inluaha khawsa mek chu Ningani zing kara Independence parade an zir laiin luhaiin a tlu a Aizawl Civil Hospital panpui a niin nimin chhun dar 12:30 khan a boral. A ruang hi nimin tlai dar 5 khan an khua Zawlnuam ah vui tura lak a ni.

Facebooktwittergoogle_plusredditpinterestlinkedinmail

Tuitla ruang hmu

Nimin zing dar 9:30 vel khan Tlawng luia tlahlum Andrew Lalherliana (35) Hunthar veng ruang chu Sihhmui leh Lengpui inkar kai, a tlakna atanga metre 400 vel Lawngtan li ah hmuh a ni a, nimin vek khan vui nghal a ni. Andrew Lalherliana hi August ni 2, 2016 tlai lam dar 3 vel khan a lendeng chu chesualin Tlawng lui ah hian a tla a ni.

Facebooktwittergoogle_plusredditpinterestlinkedinmail

Handloom day

Directorate of Commerce & Industries leh Weaver Service Centre tangkawp chuan August ni 8,2016 hian Vanapa hall ah 2nd National Handloom Day an hmang dawn a, C&I Minister H.Rohluna khuallian a ni ang.

Facebooktwittergoogle_plusredditpinterestlinkedinmail

Login

Lost your password?