Monthly Archives: October 2016

Tinreng feature : Republic thlanmual hmang nawn dawn

Aizawl: Veng pathum Republic veng, Republic Vengthlang leh Upper Republic veng ten an hman mek Republic thlanmual chu hman nawn (recycling) turin ruahman mek a ni a, hun reilote ah a taka kalpui tan tum a ni.

Zalen thudawn danin thlanmuala thlan upa leh hlui tawhte chu ruhro lachhuakin ft.2 bial a siam thlan ah fel tak a phumin thlanlung pawh system fel tak nen siam tum a ni. He ruahmanna bultan nan hian tunhnaia leimin in a tihchhiat thlan ah kalpui tan a ni a, a dang pawh kalpui chhoh zel tum a niin kumin chhunga bultan theih a nihloh pawhin kumthar ah chuan bultan theih ngei tum a ni.

YMA hruaitute hnen atanga Zalen thudawn danin thlan hlui apiangah hmalak tan a ni dawn a, ruahmanna anga thil kalpui theih anih chuan tuna thlanmual awm mek chu kum 50 dang la hman zui leh theih an beisei tih an sawi.

Thlanmual hman tangkai dan thar chungchangah hian kum 2009 atangin inrawnkhawmna neih tan a ni a, mipui ah pawh inzirtirna neiin thenkhat dodal deuh awm mahse a tlangpuiin mipui lam pawh an hmin viau nia thudawn a ni.

Thlanmual hman nawn hi a taka kalpui anih chuan Republic veng pathumte hi Mizoram ah chuan a ti hmasa ber an ni dawn a. Republic veng hi YMA information mike hmang tangkai hmasa ber nia hriat an ni bawk.

Facebooktwittergoogle_plusredditpinterestlinkedinmail

Gas Distributor ten memo leh booking lem siam tam

Aizawl: Indian Oil Corporation atangin September thla tir khan Aizawla gas distributor 3 te chuan show-cause notice an dawng a. Heng show cause notice-ah te hian gas agency te hian consumer hmingin booking lem, cash memo lem leh delivery lem an siam tih tarlan a ni.

Zalen thudawnna in a tarlan danin gas distributor \henkhat ten mipui hminga gas an book zah mipui hnenah an sem chhuak lo tih chiang taka tarlan a ni a. Indane transparency portal-a a lan danin Aizawl District ah gas distributor 20 an awm a, an zinga 19 chu 5-star distributor rating an nei a. ‘Chumi awmzia chu customer te tana gas an book zawng zawng zaa 85 chu ni hnih chhunga pe fel hman vek ang tihna a ni,’ tiin thulakna dang (Frontier Despatch) chuan a tarlang bawk.

Mizoram Consumer Union chuan gas booking chu mipui te tih tur ni mahse tunah rih chuan Gas distributor ten a hlawmin an kalpui a, an duh duh danin an ti mai \hin niin an sawi a. Food Civil Supplies & Consumer Affairs Department Director R Lalramnghaka chuan online booking chungchanga fel lo a awm an hriat leh hriat loh Zalen palaiin a zawhna chhangin Distributor ten booking an kalpui dana fel lo a awm leh awm loh Department in an hriat pui loh thu a sawi thung.

Online gas booking tih dan hi Aizawl DC Office chuan mipui hriata puanzar tumin an facebook page ‘Aizawl Bawrhsap Pisapui’ ah chiang takin a tarlang a. Mipui te’n awlsam taka an chhawr theih nan Mizo \awngin fel takin a tihdan tur indawt ziah a ni. Indane lama complain theilo harsatna nei tan pawh ‘Aizawl Bawrhsap Pisapui’ facebook page inbox-ah phone number, account number leh booking number thawn mai theih a nih thu page chuan a tarlang bawk.

Facebooktwittergoogle_plusredditpinterestlinkedinmail

Supply in online gas booking ah meeting ko

Aizawl: Food Civil Supplies & Consumer Affairs Department Director R Lalramnghaka chuan LPG online refill booking a taka mipui ten an kalpui theih nan kawng dap char char a nih thu sawiin mipui te zirtir theih dan tur ngaihtuahin November 1, 2016 hian meeting koh anih thu Zalen a hrilh bawk.

FCS&CA Director chuan Interactive Voice Response System (IVRS) hmanga booking chungchang sawiin, “Mizo \awng rawn dah tel turin kan ti a, mahse an rawn dah thei lo a, Mizo mipui tam tak sap \awng leh vai \awng thiam lo kan ni a. Mahni a booking tih vek tawh tur ti ila, a thiam ho ta chauh a lo thleng dawn a ni,” tiin a sawi a.

Consumer te in \heuha gas dahna tur dan (home delivery) chung changa Zalen palai zawhna chhangin, “Tlang ram chhengchhia kan ni a, danah awm mahse kan ram angah chuan a tih ve hleihtheih loh a ni. Tun hmaa department-in a lo siam pui tawh tuna kan sem chhuah mek dan hi keini tlangram tana \ha ber tura ngaih a la nih avangin kan la hmang mek zel a ni,” a ti.

R. Lalramnghaka chuan mipui te zirtir dan tur ngaihtuah turin November 1, 2016 hian meeting koh a ni dawn a. Hetah hian Zoram Indane LC, YMA, Zoram Indane bial chhunga Consumer Union te leh LPG Distributor hrang hrangte an tel dawn niin a sawi.

Facebooktwittergoogle_plusredditpinterestlinkedinmail

Bike ambulance awl

Aizawl Civil Hospital Emergency Department hnuaia Bike Ambulance te chu tunlaiin a awl hle.

Zalen palai zawhna chhangin Dr LC Liana, Head of Department, Emergency Department chuan tunlaiin Bike Ambulance Service te an tlan tam lo tih a sawi a, “Phone a ko an tam chuan an tlan a, phone tu an awm lem loh chuan an awl mai \hin a, tunlai hian an tlan tam lo hle a ni,” a ti.

Bike Ambulance hi rikrum thila 102 dial-a koh mai theih an ni a. Tunah hian bike pali leh a khalhtu paramedic duty paruk an awm mek a, casualty a\anga operate anih avangin casualty be pawp pawhin a koh theih reng tiin Head of Department chuan a sawi bawk.

Facebooktwittergoogle_plusredditpinterestlinkedinmail

MZU hmeichhe hostel hawng

Aizawl: Nimin khan Union MoS for Human Resource Development, Dr Mahendra Nath Pandey chuan MZU hotel thar a hawng.

Cheng nuai 578.36 senga sak Mizoram University a hmeichhe hostel thar “Senhri Hall of Residence” tia vuah  Hostel thar hi University Grant Commission (UGC) atanga sum hmuh hmanga sak niin, mi 100 lenna a ni a, kum 2014 November thla khan a sak hna hi tan niin, kumin July ni 31 khan zawh fel a ni. Nimina hawn tak Hostel nen hian MZU ah Hostel 9, mipa 5 leh hmeichhia 4 a awm ta a ni.

Facebooktwittergoogle_plusredditpinterestlinkedinmail

IGNOU in zirlai tharte lawmlut

Aizawl: Indira Gandhi National Open University (IGNOU) chuan nimin khan Central YMA Hall, Tuikhuahtlang ah Govt. Aizawl College leh CYMA Special Study Centre a zirlai tharte lawmluhna an nei.

Lawmluhna inkhawma khuallian Dr. SR Zonunthara, Director IGNOU Regional Centre chuan mi tam takin IGNOU chu an hmang tangkai tih a sawi a. IGNOU chuan adopted village ah Reiek an thlang tih sawiin zirna chhunzawm theilo (drop out) zawng zawngte chu an phak ang tawk tawk zirna pek leh an tum niin a sawi bawk. Khual zahawm Central YMA President Lalbiakzuala chuan tunlai khawvel chu a lian leh sek dinchhuahna ni lovin a thiam leh tumruhte dinchhuahna a ni tiin hlawhtling tur chuan tih hram hram a ngai niin a sawi.

GAC ah hian kumin ah zirlai 1715 leh CYMA Special Study Centre ah zirlai 28 an awm mek a ni. IGNOU ah hian zirlaite admission fee chu peklet (re-imburse) thin a ni a, zirlaibu pawh a thlawna pek an ni.

Tunah hian academic programme 227 neiin zirlai maktaduai 2.81 an awm mek a. Kumtin tum hnih June leh December ah te exam neih thin a ni.

Facebooktwittergoogle_plusredditpinterestlinkedinmail

MNF in sut turin sawrkar phut

Aizawl: MNF Party chuan State Transport Authority in eizawn nana lirthei hman theih hun chhung a bithliah chu mi rethei leh harsa te hmuhsitna a ni tiin sut leh turin sawrkar an phut.

Nimin khan Aizawl Press Club ah MNF Vigilance Department chuan thuthar lakhawmtute kawmin an chairman R.Tlanghmingthanga chuan sawrkar in eizawn nana hman lirthei chi hrang hrang Bus, taxi, Two wheeler, 3 wheeler, Maxi cab leh Bus te hman theih hun chhunga bithliah chu an party chuan a dodal tih a sawi a. “Motor chu eng anga fit leh tling pawh nise sawrkar kum bithliah a tlin tawh chuan KM tlemte chauh la tlan pawh nise tihluihnaa thlak ngei ngei tur a ni a. Sawrkarin kum 15 atan road tax a la sauh sauh a, Motor hi eizawn nan kum 8 emaw kum 10 bak a hman tlak loh sawrkarin a ti leh si hi rorelna mak leh runthlak ber, lirtheia eizawngtute rawkna dik tak a ni,” a ti a. An party chuan kum bithliah awm lovin MVI lamin a fit an tih chhung chu tlantir nise an duh tih a sawi.

Taxi intlanchhawk tir an ni pawh mihring dikna chanvo palzutnaah an party chuan an ngai tih R.Tlanghmingthanga chuan a sawi bawk a. “Tuna sawrkar thuchhuah ang chuan Taxi leitu leh khalhtute chuan kum 10 chhung chhiah engkim pe vek si khan kum 6 leh thla 8 chiah an tlan dawn tihna a ni a. Hei hi lirtheia eizawngte rahbehna leh diriamna dik tak a ni a, MNF Party chuan siam tha vat turin sawrkar kan phut a ni,” a ti bawk.
%%%%%%

Facebooktwittergoogle_plusredditpinterestlinkedinmail

Ukil te nuar chhunzawm zel; Sawrkarin hma la

Aizawl: Mi rethei tana ding thin Ukil (Defence Counsel) ten an lawmman chungchanga an thilphut tih hlawhtlin nan nawrh an la chhunzawm zel avang in Court chuan thubuai engemaw zat a ngaihtuah thei lo a. Ukil te thilphut hi tih hlawhtlin tumin sawrkar chuan hma a la mek.

Mizoram Bar Association Secretary leh Defence Counsel ni mek C.Zoramchhana’n Zalen a hrilh danin tuna a nawrh chhan chu hlawh tihsan lam ni lovin fee mumal tak siam an phut vang zawk a ni tih a sawi a. “Kum 2013 khan sawrkar chuan ni khata Rs.715 hlawh turin notification a tichhuak a, hetia Ukil senior leh junior pawh ang khat veka hrutrual hi a thalo nia kan hriat avangin siamtha turin kan ngen a. Law department pawhin kan ngenna hi ngai pawi mawhin August ni 4,2014 khan Ukil te chu chi thum ah thenin kum 7-15 service te chu nikhata Rs 600, kum 15-20 te ni khatah Rs. 900 leh kum 20 chunglam te ni khat ah Rs. 1500 hlawh turin an remti a. Mahse he ruahmanna hi vawi eng emaw zat ti hlawhtling tura kan ngen hnuah pawh tih hlawhtlin anih tak loh avangin kan nuar ta a ni,” a ti.

MBA Secretary chuan Ukil te chi 3 a then (3 tier rate) chu sawrkar tan senso a tlem zawk dawn nia sawiin, “Defence Counsel tam ber (90%) vel hi kum 7-15 inkar service an ni a, mi tlemte kum 15-20 service an awm a, kum 20 chunglam phei chu mi 2 chauh an awm a, heng mite phei chu an ding tam tawhlo hle a. Pawisa senbelh tur a an ngai hi a diklo a ni,” a ti a. An nawrh vangin Session Court a case 70% vel chu a kal theilo niin a sawi bawk.

Defence Counsel te thilphut chu tih hlawhtlin tumin sawrkarin hma a la mek tih Law Secretary Marli Vankung chuan Zalen a hrilh a. “Sawrkar thutlukna loawm tawh anih avangin a hlawhtlin theihnan hma kan la mek a, sum senso ngai zat turte kan chhut mek a ni,” a ti.

Senior Judge pakhat chuan Ukil te nawrh vang leh Ukil tel lova thubuai ngaihtuah theih a nih loh avangin nidang aiin Court a thubuai ngaihtuah a tlem deuh tih Zalen a hrilh bawk.

Facebooktwittergoogle_plusredditpinterestlinkedinmail

National Trekking & Caving Expedition nei dawn

Aizawl: Youth Hostel Association of India (YHAI) chuan November 1-15, 2016 chhungin National Trekking & Caving Expedition – 2016 Mizoram a buatsaih dawn a, India ram hmun hrang hrang a\angin YHAI member te an lo kal dawn.
YHAI: Mizoram State Branch Secretary Lalchuangliana chuan Mizorama Expedition vawi kua an neihna na tur a ni tih sawiin, “Mizoram pawn atangin mi tam tak an lo kal \hin a, nuam an ti \hin hle a ni. Tourism promote nan pawh a \ha hle a ni,” a ti. Tunah hian online hmangin mi 80 dawn an in register tawh a, offline in office ah in register an awm nual tawh bawk niin Branch Secretary chuan a sawi a, YHAI member te tan chauh ni mahse tel ve duh an chuan awlsam takin member ah a inpek theih a, October 29, 2016 thleng Sports and Youth Services ah a la inziah luh theih niin a sawi bawk.
He expedition-ah hian Vaipuanpho, Ailawng, Hawlhhah, Nghalchawm leh Sihhmui ah te trekking an nei dawn a. Hlawhtling taka tel tluan te chu certificate pek \hin an ni. Tunah hian India ram state pakua atangin in register an awm tawh a, Maharashtra atangin an tam deuh ber \hin niin YHAI Mizoram State Secretary chuan a sawi bawk.
%%%%%

Facebooktwittergoogle_plusredditpinterestlinkedinmail

2018-ah Tuirial bawlhhlawh paihna khar dawn

Aizawl: Aizawl khawpui bawlhhlawh sawngbawlna hmun tur New Engineered Sanitary Landfill siam hna thawh mek a ni a, he hna hi zawh anih hun chuan hmundangah bawlhhlawh paih phal a ni dawn lova, tuna Aizawl khawpui bawlhhlawh paihna Tuirial dumping ground pawh kum 2018 ah chuan thenfai a, khar nghal tum a ni.

Mizoram State Sanitation Task Force chu Zirtawpni khan UD&PA Secretary Dr. Vanlalramsanga hovin an thukhawm a, bawlhhlawh paihna changkang leh changtlung zawk siam tura hmalak mek chungchang an sawiho. Er. Valbuanga, Program Director, SIPMIU chuan bawlhhlawh te thianghlim taka sawngbawlna hmun tur New Engineered Sanitary Landfill chu chak taka hnathawh kalpui mek anih thu hrilhfiahin, Aizawl khawpuia in tinah bawlhhlawh te hi a tawihthei leh tawihtheilo a thliarhranna tur chhungkaw 71438 hnenah Dustbin pahnih theuh sem a nih tawh thu leh Awareness pawh February 2016 khan zawhfel anih tawh thu a sawi a. Hemi bawhzuina tur hian November thla atangin House to House campaign neih tan nghal ani leh mek a ni tih sawi bawkin, bawlhhlawh thliarhran sa te lakkhawmna tur Colour coded Garbage Vehicle (407 LPK Truck) 54 nos. pawh kum 2017 chhunga hman theih turin Contracter pawh letter of Acceptance neih tawh anih thu leh bawlhhlawh te thianghlim taka sawngbawlna tur hmun New Engineered Sanitary Landfill contract Agreement pawh July ni 1, 2016 khan sign anih thu a sawi.

New Engineered Sanitary Landfill-ah hian bawlhhlawh tawihthei atanga leitha siamna hmun nitin ton 22 sawngbawlna Vermi Compost Plant leh nitin ton 50 sawngbawlna Mechanical Compost Plant hna hi thawh mek a ni a. Bawlhhlawh tawihtheilo te nitin ton 74 sawngbawlna hmun Dry Waste Resource Centre pahnih Aizawl tlak lam Industrial Growth Centre-ah siam mek a ni.

Facebooktwittergoogle_plusredditpinterestlinkedinmail

Login

Lost your password?