Monthly Archives: January 2017

Week khar

College of Veterinary Sciences & Animal Husbandry, Selesih ten January ni 23-28,2017 chhunga Annual College Week vawi 17-na an neih chu nimin khan an khar a, a kharna inkhawm ah hian Lt.Gen. Dr. AK Mishra, Vice Chancellor ICFAI University chu khuallian a ni.

CVS&AH College Week ah hian item 39 ah inelna neih a ni a, tunah hian India ram hmun hrang hrang atangin zirlai 327, Faculty 51 leh non teaching staff 109 an awm mek a ni.

Facebooktwittergoogle_plusredditpinterestlinkedinmail

PUC in Civil Service coaching siam dawn

Aizawl: Pachhunga University College (PUC) chuan thla thum awh tur Civil Service coaching chu February a\anga April chhungin a siam dawn a, mi 200 chuangin dilna an thehlut tawh niin Coordinator chuan Zalen palai a hrilh.

PUC in Civil Service Coaching a siam tur hi College hrang hranga UGC sponsored free coaching nen a inan loh thu sawiin Coordinator leh Economics Department a Assistant Professor ni bawk R. Zothanmawia chuan, “College in fund a pe dawn a, Principal \hahnemngaihna avangin a hmaa kan lo dawn tawh UGC College with Potential for Excellence Scheme hnuaia Rs nuai 150 chu hman \hen a ni ang a, zirlai ten fee an chawi bawk ang,” tiin Zalen palai a hrilh a. “Lut duh an tam a, selection kan nei a, kan zirlai te pawh 6th semester zirlai te chauh dil kan phal a, kal \ha duh tur chi an ni em tih chu semester danga an performance a\ang tein uluk takin kan en,” tiin Coordinator chuan Zalen palai a hrilh bawk.

R. Zothanmawia chuan Zalen palai zawhna chhangin zirtirtu tur chu hmun hrang hranga mi chhawr an ni dawn tih sawiin, “Mizoram chhung hmun hrang hranga zirtirtu leh kan college chhunga mi ten an zirtir ang a, coaching danga zirtirtu ni mek te pawh an lo kal dawn” a ti. Thudawn danin coaching hi PUC campus chhungah February a\anga April, 2017 chhungin neih a ni ang a. College chhunga zirlai leh pawn lam mi a duh apiang ten January 31, 2017 thleng an dil thei dawn a ni. Course Fee hi PUC zirlai tan Rs 300 leh pawn lam mi tan Rs 500 niin Zalen thudawnna chuan a tarlang bawk.

Facebooktwittergoogle_plusredditpinterestlinkedinmail

MPCC lawm

Aizawl: Mizoram Pradesh Congress Committee chuan New Delhi a cham mek School Education Minister H. Rohluna leh Par.Secretary Joseph Lalhimpuia ten SSA sum Rs. nuai 7228 an nawr chhuak chu lawmawm an tih thu an sawi.

Nimina thuchhuah an siamah MPCC chuan January ni 10,2017 a Parliamentary Secretary in a pisa thuthar lakhawmtute a kawmnaah, “Sawrkar hotuten Central-ah sanction release tura nawr rengin, tunah hian Rs. 71 crore hmuh mai kan beisei mek a ni,” tiin a lo sawi tawh a. Hei vang hian MPCC chuan Mizoram SSA sum cheng nuai 7228 lai mai Ministry of Human Resources Development atanga Minister leh Par. Secretary in an nawr chhuak hi Minister te thawhrim rah liau liau a ni, an ti a. SSA sum, state sawrkarin a lo do let ve tur, State Matching Share (SMS)-ah Mizoram sawrkar chuan harsatna a nei ngai lo nia sawiin SSA sum harsatna chu sawrkar laipui atanga sum release a muanchan thin vang zawk a ni, an ti.

Facebooktwittergoogle_plusredditpinterestlinkedinmail

Inhlanna

Mizoram Journalists Association chuan naktip Thawhlehni (31.1.2017) chhun dar 12 hian Aizawl Press Club ah kumthar inhlantharna hun leh member thar lakluhna hun an hmang dawn.

Facebooktwittergoogle_plusredditpinterestlinkedinmail

Thisen pe

Nimin khan ITI Veng bial KTP ten Aizawl Civil Hospital a damlo a mamawh apiangte hman atan thisen unit 51 an pe a, MSU Sub-Hqrs Tlungvel in unit 22 an pe bawk. Nimin vek khan Saron Veng Presbyterian Kohhran in an Kohhran Golden jubilee lawm nan Synod Hospital a hman turin thisen unit 42 an pe a. Lunglei Chanmari Bial TKP-in Lunglei Civil Hospital tan unit 13 an pe bawk.

Facebooktwittergoogle_plusredditpinterestlinkedinmail

Feature : JIO

Nikuma Reliance Jio rawn chhuak in a nghawng tih theih turin Mobile Network company dangte chuan offer tha tak tak an rawn siam thar ve tan ta a. Heng company dangte hian a free vek chuan pechhuak chiah lo mahse an sim card hmangtu te tana hamthatna tur hrang hrang an rawn siam thar a ni.

Kan sim card hman reng thin te thlakin a free-a 4G internet hman theihna tur Reliance Jio chu kan book sup sup mai a, hmang pawh an tam ta hle a ni. Reliance chuan mobile network company te zinga chungnun ber tumin tan a la reng a, hetih lai hian company dang te pawhin an customer hloh bik tum lovin hamthatna (offer) thar hrang hrang an lo siam chho zel a. Loh theih lohin man tlawm zawka 4G network hman theihna tur an rawn duang ta hlawm a, nitin nuna internet a pawimawh tawh em avangin keini mipuite tan chuan thu lawmawm tak a tih loh theih lovang.

Company hrang hrang ten 4G offer an rawn duan dan hi i han thlir dawn teh ang. Vodafone hian Rs 50 hnuailamin 1GB 4G chu an hralh chhuak thei dawn a, Rs 1499 man thunin 35GB a lut a, hei hi 1GB ah Rs 43 ang vel a ni. Rs 999 man thunin 22GB a lut a, hetah ve thung hian 1GB man chu Rs 50 ang zel a ni. Hei hi 4G man sang zual pahnih an ni a, GB khat zel hisap erawh chuan a man a san poh leh a tlawm zawk a ni. A man a tlem telh telh hian GB khat man hi a pung zel a, Rs 147 hi GB khat man to na ber a ni a. Rs 147 hian 1GB a thun theih ni. Vodafone hian Rs 16 mana recharge in ‘super hour’ an tih, darkar khat chhung duhtawka internet hman theihna tur an siam tel bawk a ni.

Idea ah ve thung chuan Rs 348 mana recharge in 1GB a free in an nei tel thei ang a, 4G handset thar hmangtu ten hemi man tho a an recharge chuan 3GB data an neih belh dawn a ni. Hei hi ni 28 chhung a dam ang a, he offer hian kum khat chhung a awh ang a, he offer dawng tur hian vawi 13 a recharge theih dawn a ni. Hei bakah hian post paid hmangtu te tan pawh hamthatna hrang hrang a awm bawk a ni.

Airtel ah ve thung chuan Rs 345 man thunin 4GB data a lut ang a, hetiang hian kum khat chhungin vawi 13 a recharge theih dawn a ni. Rs 345 hi 1GB man ang vel niin 3GB hi free nia thudawn a ni a. Mizoram Airtel erawh chuan thuthar an la neih loh thu Zalen palai an hrilh a ni. Heng bakah hian company dang pawhin hma an la ve zel a ni.
Reliance Jio rawn chhuah vang hian Aizawla top up zuar hrang hrangte chuan an top up hralh a tlem sawt thu an sawi a. Dawr pakhat nghak tu chuan an top up hralh a tlakhniam thu sawiin, “A tlahniam nasa em em a, ni khata hralh tur Rs 5000 man vel kan thun tir thin kha tunah chuan Rs. 3000 man vel chauh kan thuntir tawh, pawisa note thar thlak in a lo nghawng bawk nen company hrang hrang top up kan hralhna hi a tlahniam vek a ni,” a ti. Dawrkai thenkhat chuan a tlakhniam tho laiin a tlakhniamna a nasa lutuk lo a ni, an ti a. Mission Venga top up zuar pakhat chuan an hralh tlem phah thu sawiin, “A tir lam kha chuan kan hralhna a tlahniam em em a, tunlai hian a ziaawm ve tan a ni,” a ti.

Mobile network company hrang hrangte hi an intlansiak mup mup reng a. Thenkhatin dan zawm famkim lova an hmuh te chu dan angin an khing a. Hnehtu nih tumin, chungnun ber tumin mahni company tana tha ber turin an thawk suau suau reng a. Hetih lai hian keini mipui te chuan pheichham man ang hiala in ngaiin lawm takin a thlawnin internet kan lo hmang ve mek zel bawk.

Facebooktwittergoogle_plusredditpinterestlinkedinmail

Inthiar chhuak turin thurawn pe

Aizawl: Nimin khan UD&PA Minister Zodintluanga leh sorkar mi pawimawh te’n Upper Khatla MG Road-a Bible House kawt lei khi leh a thlang chiah State Convention Centre sak mek chhaka lei khikna hmun chu an tlawh a, lei a khik belh zel avang leh hlauhawma a lan avangin tuna Bible House building bungraw rit zualpui chu thiarchhuak tura tih an ni.

Thudawn danin Bible House kawt lei khi hi nikum December 6 khan a intan a, lirnghin avanga lo khi tanin tunhnai lirnghing leh a thlanga State Convention Centre sakna tura lei laih hnuah a khik zau belh a, ni hnih kalta lawka leikhi hnawhna pawh a rawn kau leh tawh a ni. Tunah hian Bible House ah hian chhungkaw pathum Upa C Thangnghilh -lova, Lalramtana (Driver) leh H. Thangchawia (chowkidar) te an cheng mek a, an vai hian Bible Society of India a thawk an ni.

Addl. DC Aizawl  Lalhmunsanga chuan January 10, 2017 khan joint inspection neih a lo ni tawh tih sawiin building tih zan a ngaih thu leh a thlanga hna thawh mek chu tichak a, retaining wall siam thuai tura tih a ni a, traffic divert pawh tih tawh a ni tih Zalen palai a hrilh a. Thudawn danin District Disaster Management Authority, Aizawl DC Office chuan ruahmanna a lo siam ang a, tunah rih chuan bungraw rit zualpui thiarchhuah phawt a ni dawn a ni.

Facebooktwittergoogle_plusredditpinterestlinkedinmail

SSA hnathawk hlawh pek thuai theih nan hma kan la dawn – Ruatkima

Aizawl: MNF General Secretary leh MLA ni bawk Lalruatkima chuan, “SSA zirtirtu te hlawh tur hi SSA account ah a awm vek tawh a, zirtirtu ten tun thla chhung ngeia hlawh an lak theihnan hma kan la dawn a ni,” a ti.

Nimin khan Aizawl Press Club ah chanchinbumite kawmin Lalruatkima MLA chuan Mizoram SSA Mission hnuaia sum hman tur Rs 1441.31 lakhs chu Govt. of India chuan ni 29.09.2016 khan rawn pein ni 6.10.2016-ah State Project Director chuan sawrkarah proposed expenditure siamin, UPST leh PST-te thla hnih hlawh tur (Aug –Sept. 2016) Rs.1041.50 lakhs leh thawktu dangte thla khat hlawh tur atan Rs.342.4 lakhs leh State & District Office administrative cost atan Rs.57.41 lakhs avaiin Rs 1441.31 lakhs-a dil niin a sawi a. “UPS leh PS zirtirtu tan thla 2 hlawh a dil lai hian SSA thawktu dangte hlawh tur thla 1 an dilna chhan chu SSA Bank Account a sum awmsa atanga pek tum a nih thu Note-ah a inziah vang a ni a. Sawrkar laipuiin sum a rawn pek ang leh SPD in sum hmanna tur a ruahman angin ni 2.11.2016 khan Finance Department-chuan Rs.1441.31 lakhs hman an phalna an pe a, mahse thla khat (July) hlawh chauh SSA a thawktute hian an la ta a, engvanga August thla hlawh hi pelo nge an ni tih kan zawt a ni,” tiin media te a hrilh.

Lalruatkima chuan Mizoram sawrkar-in SSA zirtirtu thla khat hlawh a kawlsa vek tawh chu a rang thei ang bera pe turin MNF chuan sawrkar a phut tih sawiin, “Sum hi khawiah nge a awm tih sawichiang tur leh zirtirtu harsa tak takte hlawh hi vawi khat mah chheprelh sak tawh lo turin kan phut a ni,” a ti bawk.

Facebooktwittergoogle_plusredditpinterestlinkedinmail

Manipur-ah Oil trip hnih phur leh dawn

Aizawl: Central YMA hriatpuina in vawiin hian Churachandpur (Manipur) ah petrol trip 1 leh diesel trip 1 thawn leh a ni dawn a, Oil hi mipui mamawh dan a zirin thawn zel tum a ni.

Central YMA General Secretary Lalhmachhuana hnen atanga Zalen thudawn danin Manipur a Zohnahthlakte tan hian petrol trip 2 leh diesel trip 2 thawnchhoh a ni tawh a, hengte hi mipui hnenah rualkhai taka sem a ni a. Manipur ah petrol litre 1 Rs. 120 a an hralh laiin Rs. 90 leh diesel pawh litre ah Rs 100 a an hralh laiin Rs. 80 in an hralh niin a sawi a. Petrol leh diesel chu Mizoram chanpual tur phurhchhuah an phallo nia sawiin Silchar atanga lak chauh an remtih bakah fimkhur takin seal nen ngei an kaltir thin tih a sawi.

Central YMA General Secretary chuan dan lova petrol leh diesel te Manipur ah phurluh anihloh nan Keifang, Darlawn, Zohmun, Vervek, Hnahlan, Ngopa, Ngur leh Sesawng khua ah te duty an indah tih a sawi a, heng hmunah te hian uluk taka duty ani tiin mipuiin an ngenna an zahsak avanga lawmawm a tih thu a sawi a. Mahse hetih lai hian engemaw hun remchang melha kallui an awmpalh awm thei nia sawiin hetiang a ruka kallui man an awm chuan YMA chu a tawp thlengin a kal dawn tih Zalen a hrilh a. YMA duty te thingpui lumna atan Ngopa leh Darlawn ah Rs. 5000 ve ve leh hmundangah Rs. 4000 theuh an pe niin a sawi. Lalhmachhuana chuan an ngenna ngai pawi mawh lova Manipur a kal tum motor 10 chuang chu an tirhaw tawh tih sawiin heng zinga a luhlul zual 2 chu an la hreng mek niin a sawi .

Facebooktwittergoogle_plusredditpinterestlinkedinmail

Pawisa note hlui thleng theih tawp

Aizawl: Sawrkar laipuiin Rs. 500 leh Rs. 1000 note a tih thih, Bank a thleng theih hun chhung a bithliah laia thleng hmanlo te chu a thleng theih tawh dawn lo niin RBI thawktu ten Zalen an hrilh.

Reserve Bank of India thawktute hnen atanga Zalen thudawn danin sawrkar laipuiin pawisa thleng theih hun chhung a bithliah November ni 9,2016 atanga December ni 30,2016 inkar chhunga thleng hmanlo te tan chuan tihngaihna a awm tawh lo a. Mahse pawisa thleng huntiam chhunga India mi, ramdanga zinbo te tan chuan January ni 2,2017 atanga March ni 31,2017 tleng khawpui thlanbik Mumbai, New Delhi, Kolkata, Chennai leh Nagpur ah te thleng theih dawn niin an sawi.

RBI thawktute chuan Mizoram ah pawisa note a thleng tha nia sawiin Bank lam pawhin harsatna an tawklo niin an sawi a. An harsatna tawh ber chu pawisa note te a thleng tlem a, Rs. 2000 note a tam a, a nawi awmlo chuan harsatna a thlen niin  Zalen an hrilh.

Mi thenkhat ten Rs. 1000 note siamthar tur nia an sawi chu engmah an hriat veloh thu RBI thawktute chuan Zalen an hrilh bawk.

Facebooktwittergoogle_plusredditpinterestlinkedinmail

Login

Lost your password?