Monthly Archives: February 2017

UD&PA Minister in Lawngtlai ah PMAY a hawng

Aizawl: Nimin khan UD&PA Minister Zodintluanga chuan khawpui chhunga cheng mi rethei mahnia chenna in din thei lote tana in sak tanpuina, Pradhan Mantri Awaas Yojana – Housing For All (Urban) chu CYLA Hall, Lawngtlai-ah a hawng.
Zodintluanga chuan UD&PA Department chuan khawpui chhung hmasawnna mai bakah, mi retheite chawikan hna a thawh reng thu leh chumi atan chuan programme hrang hrang pawh duan a nih thu sawiin, chu’ng zinga sawrkar laipui programme pawimawh tak mai PMAY-HFA(U) Lawngtlai khawpuia hawn a ni thei tur chu lawmawm a tih thu a sawi a. PMAY in sak tanpuina chu a dawng tur dik tak chauhvin an dawn theih nan tan an lak tur thu sawiin, “Induhsak bikna a awm lo vang,” a ti a. A vil zui hna pawh uluk taka kalpui a, holam taka hmangte chu an dawn tawh sa chhuhsak bakah, an la lak bak instalment dang pawh pek tawh loh tur a ni tiin, hlawhchham kan phal dawn lo, a ti.
PMAY – Housing For All (Urban) hi thuang hnihin kalpui a ni dawn a. Tuna Lawngtlai khawpui tana hawn tak hi Beneficiary Led Individual House Construction niin, beneficiary-te chu Rs 1,50,000/- theuh pek an ni ang a, chu chu anmahni’n Rs 50,000/- in an lo do ve ang. Tanpuina hi instalment thum 40%, 40% & 20%-in pek tur a ni a. Lawngtlai khawpui chhunga 1st Phase atan hian beneficiary 500 thlan chhuah an ni.
=======

Facebooktwittergoogle_plusredditpinterestlinkedinmail

Mizoram Sawhthing hralh chhuak tan

Aizawl: Mizoram thlai thar hralh chhuah kawnga hmala tura Mizoram Cooperative Apex Bank-in Firm a din Mizoram Agriculture Marketing Solution (MAMSoL)  chuan Bairabi a MAMSoL Mini Trade Center atangin nimin khan sawhthing hralh chhuah an tan a,  Kolasib DC  H. Lalengmawia chuan he sawhthing hralhte hi a vai liam a ni.
Niminah hian Sawhthing quintal 180 chu State pawn ah hralhchhuah nghal a ni a. Heng sawhthing te hi Collection center ah 1kg Rs. 8 in an lei a,  Bairabi ah Rs. 10 a lei a ni. MAMSol hian tun dinhmunah sawhthing lakkhawmna hmun Mizoramah 29 an nei a ni.

Facebooktwittergoogle_plusredditpinterestlinkedinmail

Lo zin

Ni 22.2.2017 (Nilaini) khan Union Minister of State M.Mandaviya chuan zankhat riakin Mizoram a rawn tlawh a, Larsap, Chief Minister leh mi pawimawhte a kawm.

Facebooktwittergoogle_plusredditpinterestlinkedinmail

Thukhawm

Ni 23.2.2017 (Ningani) khan Chief Secretary Lalmalsawma hovin State Level Committee for Standardization & Quality Systems an thukhawm a, mipuiin an thil/bungraw lei chungchangah an chanvo an hriat theihna tura hmalak dan tur an sawi ho.

Facebooktwittergoogle_plusredditpinterestlinkedinmail

Library

Ni hnih awh tur Mizoram State Library, Raja Rammohun Roy Library Foundation Kolkata leh Mizoram Library Association tangho buatsaih  11th State Level Seminar & Library Training Programme for Rural Libraries chu ni 23.2.2017 (Ningani) khan Chanmari YMA Hall ah Art & Culture Minister r.Romawia’n a hawng.

Facebooktwittergoogle_plusredditpinterestlinkedinmail

Hawng

Assembly Speaker Hiphei chuan ni 23.2.2017 (Ningani) khan Tokalo a ni zung chakna hmanga tui pump chhuahna scheme, cheng nuai 207.71/- senga siam chu a hawng.

Facebooktwittergoogle_plusredditpinterestlinkedinmail

Khawmpui

Trained Nurses Association of India, Mizoram Branch chuan March ni 1,2017 chawhma dar 11 hian Synod conference centre ah khawmpui an hmang dawn a, Health Minister Lal Thanzara khuallian a ni ang.

Facebooktwittergoogle_plusredditpinterestlinkedinmail

Hmanpui

Aizawl District Child Protection Unit leh CARE World Vision tangkawp chuan Zirtawpni khan MSCPS Conference Hall, Laipuitlang ah Aizawl District chhunga khua/veng hrang hranga Child protection committee te chu naupang humhim kawnga hmalak dan tur an sawipui a, naupang humhalhna dan te an hrilh bawk.

Facebooktwittergoogle_plusredditpinterestlinkedinmail

Thisen pe

Nimin khan Bethlehem Branch KTP-in an branch din champha leh KTP Day pualin Aizawl Civil Hospital tan thisen unit 54 an pe a,Thanglailung Students Union, Aizawl ten unit 14 an pe bawk. Nimin vek khan Tuikual South Branch KTP-in an Rising Day pualin Synod Hospital tan thisen unit 19 an pe bawk.

Facebooktwittergoogle_plusredditpinterestlinkedinmail

The Week That Was (Feb. 26 2017)

State Day
Ni 20.2.2017 (Thawhtanni) kha Mizoram State Day vawi 30-na a ni a, Union Home Minister Rajnath Singh chuan CM Lal Thanhawla chu lehkha thawnin Mizoram mipuite chu State Day chibai bukin duhsakna a hlan.

Cultural Day
Ni 20.2.2017 (ThawhtannI) khan Mizo Cultural Organization General Assembly leh Cultural Day chu Zarkawt YMA Recreation Centre ah hman a ni.

Ruat thar
Zoram Nationalist Party Extended Political Affairs Committee chuan Julie Lallianzuali w/o C.Lalbiakliana (L) Zarkawt chu ZNP Treasurer atan a ruat.

Hawng
UD&PA Minister Zodintluanga chuan ni 21.2.2017 (Thawhlehni) khan Lal Thanhawla Auditorium-ah in sakna tur scheme thar ‘Pradhan Mantri Awas Yojana- Housing For All’ a hawng.

Museum Week
February ni 21-24,2017 chhunga hman tur Museum Week chu Thawhlehni khan hman tan a ni. Museum Week chhung hian nitin chawhma dar 10 atanga tlai dar 4 thleng mipui tan Museum chu en man awm lovin an hawng a ni.

Thukhawm
Ni 21.2.2017 (Thawhlehni) khan Serchhip DC Conference Hall ah Serchhip District Development Co-ordination and Monitoring Committee (DDCMC) chu an Chairman CL Ruala, MP Lok Sabha leh Co-Chairman Ronald Sapa Tlau, MP Rajya Sabha hovin an thukhawm a. Nikum October – December 2016 chhunga District chhunga hmalakna hrang hrang an thlir ho bakah Meeting hmasaa rorelte umzui dan an en ho.

Kawngzawh
Mizoram CSS Hindi Teacher Association member te chuan February ni 28,2017 hma ngei a an thla 10 hlawh lak leh leh Mizoram sawrkar hnuaia a ngheta dah ngiatin ni 22.2.2017 (Nilaini) khan Chanmari atanga Vanapa hall thleng kawng an zawh.

Thingking Day
Mizoram Bharat Scouts & Guides chuan ni 22.2.2017 (Nilaini) khan World Thinking Day chu Millennium Centre, Courtyard-ah an hmang.

Workshop
Ni 22.2.2017 (Nilaini) khan I&PR Conference Hall -ah Revised National Tuberculosis Control Program Mizoram buatsaihin Sensitisation Workshop on Technical & Operational Guidelines of RNTCP 2016 neih a ni.

Bank hawng
Chief Minister Pu Lal Thanhawla chuan ni 22.2.2017 (Nilaini) khan Mizoram Cooperative Apex Bank, New Secretariat Branch Building a hawng.

Kawng dang
Undivided Zemabawk Joint NGO chuan NH-54 Zembawk – Tuiruial chhe rei lutuk leh lei boruak khu nasa lutuk avanga harsatna an tawh mek sut kian ngiatin ni 23.2.2017 (Ningani) atang khan Road Block an siam a, zing dar 7 atanga tlai dar 3 thleng road block hi neih tum a ni.

Facebooktwittergoogle_plusredditpinterestlinkedinmail

Login

Lost your password?