Monthly Archives: August 2017

MPC lawm

MPC Thalai chuan thuchhuah siamin Chief Minister in Minister of State, Dr. BD. Chakma banna a pawm chu lawmawm an ti tak zet tih an sawi a. “Tun chinah chuan Chakma te Minister chanvo pek chu sawi loh, MLA Candidate atan pawh ticket pe ngai tawhlo turin MPC Thalaite chuan Chief Minister Lalthanhawla kan phut a ni,” an ti bawk.

Facebooktwittergoogle_plusredditpinterestlinkedinmail

Workshop

Ni hnih awh tur thisen pek kawnga chak zawka hnathawh dan zirhona workshop chu naktip Thawhlehni chawhma dar 10 hian Assembly Conference Hall-ah Lal Tharzara, Health Minister in a hawng dawn.

Facebooktwittergoogle_plusredditpinterestlinkedinmail

Survey nei dawn

Sawrkar laipui chuan state leh UT tinah ruihtheih hmangsual awm zat zirchianna a nei dawn a, Mizoram leh Tripura a he hna thawk tur hian Mizoram Social Defence & Rehabilitation Board te thlan an ni a. Survey atanga an thil hmuhchhuah hi kumin kumtawp lamah peihfel hman tum a ni.

Facebooktwittergoogle_plusredditpinterestlinkedinmail

Lawmman dawng

Rural Development Minister R. Lalzirliana kaihhruaina hnuaiah Zirtawpni khan PMKSY – WDC ( IWMP) Annual Review Meeting cum Product Exibition neih a, District hrang hrangten an beneficiary te kutchhuak pholanga inelna neihah Mamit District chuan Best District Award On Exibition of PMKSY – WDC ( IWMP) Product a dawng a, he lawmman hian chawimawina thuziak, trophy leh tangkafaiin Rs 10, 000/- a keng tel a ni.

Facebooktwittergoogle_plusredditpinterestlinkedinmail

The Week That Was (August 27, 2017)

Minister zin
Higher & Technical Education Minister R. Romawia leh H & TE Secretary Benjamina te chu ni 21.8.2017 (Thawhtanni) khan New Delhi ah Union Health Minister J.P. Nadda hmu turin an zin a, MBBS zirna Mizoram quota tipung leh turin an ngen dawn a ni.

Mal din tum
MNF party President Zormthanga chuan ni 21.8.2017 (Thawhtanni) khan an party office ah thu sawiin kum 2018 MLA inthlan pui an hmachhawn turah party dang thawpui lova an mal din tur thu a sawi.

MP lungawilo
Ni 21.8.2017 (Thawhtanni) khan Mizoram MP pahnih CL Ruala leh Ronald Sapa Tlau te chuan MBBS zirna tur Mizoram quota tihtlem anih chungchangah lungawilovin Union Health Minister Jaggat Nadda hmu turin an kal a, Minister hi a lo zin lai anih avangin hemi chungchang khawihtu Joint Secy. Arun Singha an hmu.

Puang
Mizorama eptu party pathum MNF, ZNP leh MPC party te chuan nakum Mizoram MLA inthlanpui loawm turah Chakma Candidate an neih dawn loh thu an sawi.

College hawng
Ni 22.8.2017 (Thawhlehni) khan Seventh Day Tlang-ah Chief Minister Lal Thanhawla chuan Helen Lowry College of Arts & Commerce(HLC) a hawng a, HLC hi Mizoram University, Tanhril hnuaiah a inziak lut a ni.

Tanpuina hlan
Aizawl West I bialtu MLA K.Sangthuama chuan ni 22.8.2017 (Thawhlehni) khan a bial chhung Sairang tuilian tuartu mi 238 te hnenah a MLA fund atangin tanpuina pawisa fai a sem.

Dist phut
Darlawn District Demand Committee chuan ni 22.8.2017 (Thawhlehni) khan Aizawl Press Club ah Press mite kawmin district an neih hma chu an beih tur thu an sawi.

Bank nuar
Bank hnathawk Union 9 te inzawm khawm, United Forum of Bank Unions te chuan Central Labour Commissioner nena an in dawrna a hlawhchham avangin ni 22.8.2017 (Thawhlehni) khan rampum huap nawrh an buatsaih a, Mizoram ah pawh Public Sector Bank hnathawk ten nawrh hi zawm ve in SBI Main office kawtah lungawilohna an lantir.

MZP lungawilo
MZP chuan ni 22.8.2017 (Thawhlehni) khan thuchhuah siamin Central Pool Quota-a Mizoram state MBBS seat kum dang aia tlem Union Ministry of Health & Family Welfare in a pe chu an hrethiam lo hle a, hei hi central sorkarin Mizote min hmuhsitna-ah MZP chuan a ngai a ni, an ti.

Thehlut
MPC President Lalhmangaiha Sailo chuan August 22, 2017 (Thawhlehni) khan Joint Parliamentary Committee (JPC) Chairman Satyapal Singh MP Office-ah kalin Citizenship Amendment Bill, 2016 an duhlohna Memorundum a thehlut.

Pekbelh dawn
H&TE MinisterR.Romawia chuan ni 23.8.2017 (Nilaini) khan Health Secretary C.K. Mishra hmuin Mizoram in Central Pool atang a MBBS/BDS tun kuma a hmuh tlem tak a sawipui a, Secretary hian Dental seat pali pek belh leh MBBS seat a awm thei ang ang an pek tur thu a lo hrilh.

Thuziak tar
Mizoram Traffic Police leh Mizoram State Tobacco Control Society (MSTC) hnuai a Anti Tobacco Squad Aizawl Dist. te chuan ni 23.8.2017 (Nilaini) khan sumdawnna lirthei hrang hrangah dan in meizuk a phallohna thuziak an tar.

Crime meeting
Mizoram Police Northern Range leh Southern Range hnuaia dan leh thupek kenkawhna leh hmasawnna hrang hrang te thlirhona Crime Review meeting chu ni 24.8.2017 (Ningani) khan Police Headquarter, Arya Mess Khatla ah neih a ni a, nikum January-July aiin kumin ah thubuai ziahluh 69 in a tlem tih tarlan a ni.

CM in hawng
Ni 24.8.2017 (Ningani) khan Chief Minister Lal Thanhawla’n Lunglei Convention Centre-ah All Mizoram armers Union (AMFU) leh CISR-NEIST, Jorhat te thawhhona “Aroma and Phyto Pharmaceutical Mission” a hawng.

Pawm
Dr. BD Chakma in Minister of State atanga a banna chu Governor Lt. Gen. Nirbhay Sharma chuan ni 24.8.2017 (Ningani) khan a pawmsak a ni.

Facebooktwittergoogle_plusredditpinterestlinkedinmail

Aizawlah SA hotu

Aizawl;?Khawvel huapa Salvation Army hotu lu ber dawttu leh General thachhangdawltu, Commissioner Brian Peddle Chief of the Staff, International Headquarters, London chuan Zirtawpni atanga khan Mizoram a rawn tlawh a, naktuk thleng Aizawlah a cham ang.

A cham chhungin nimin khan Ramhlun Corps-ah Territorial Officer Council a neihpui a, nizana Tawngtai inkhawmah Bethlehem Corps-ah hun a hmang thung.

Vawiin chawhma hian Aizawl Temple-ah Territorial Commander Commissioner Lalzamlova leh Territorial President of Women’s Ministries Commissioner Nu-i te dahnghehna (Installation) a nei ang a, chawhnuah Local Officer thlan chhuahte nen an inkawm ang. Zana Chhandamna inkhawmah Bazar Corpsah hun a hmang thung dawn a ni
Chief of the Staff hi a nupui, Commissioner Rosalie Peddle, World Secretary for Women’s Ministries-in tawiawm tura tih a ni a; mahse, Nilaini zan khan a pa in Canada-ah a thihsan a, a rawn kal ve thei ta lo va, tawngtaipui turin Kohhran mite a sawm a ni.

Facebooktwittergoogle_plusredditpinterestlinkedinmail

Thalaite pualin mission seminar buatsaih

Aizawl;?Interserve (India) chuan Synod Mission Board hriatpuiin Nilaini khan Synod Conference Centre-ah thalaite pual Mission Seminar a buatsaih.

Seminar hi session li-ah thenin Session khatnaah ‘What on Earth am I doing?’ tih zirho a ni a, Session hnihnaah ‘What’s getting in my way?’ Session thumnaah ‘Wholistic Mission,’ leh Session li-naah ‘My Compass’ tihte an zirho va, zawhna leh chhanna hun hman a ni bawk.

He seminar-ah hian Interserve (India), Pune lam atangin an hruaitute Cyril Georgeson te, Binu Varghese te leh Pu John Lalremruata te an lokal a, Aizawl Theological College leh Misssionary Training College te, khawpui chhung Bial KTP hrang hrangte leh mi sawm bikte an tel a ni.

Interserve India hi NGO niin tanpui ngaite tanpuitu leh Kristian mission lamah pawh tangkai tak a ni.

Facebooktwittergoogle_plusredditpinterestlinkedinmail

Kohhran hruaitute training

Aizawl;?Mizoram Synod, Family Guidance & Counselling Centre-in Kohhran hruaitute puala August 9, 2017 atanga Synod Conference Centre-a Church Leaders’ Intensive Residential Pastoral Care & Counselling Training vawi 27-na a buatsaih chu Thawhlehni zan khan ‘Final Evaluation & Graduation Service’ neiin khar a ni.
Training kharna hi Rev. P.C.Pachhunga, Exe. Secretary i/c FG&CC-in a kaihhruai a, Rev. Lalzuithanga, Synod Moderator-in training chhuakte hnenah Certificate semin thuchah a sawi. Counselling Training-ah hian Kohhran aiawh 27 an tel a ni a. He hunah hian training chhuakten training an hlawkpui dan a lema an ziak chu entirin an hrilhfiah a, Upa H.Lalmuanpuia, New Serchhip chuan training chhuakte aiawhin thu a sawi.
Synod Moderator chuan training chhuakte fuihna sawiin an thil zirte chu tangkai taka hman tum turin a fuih a. “Lal Isuan, riangvaite hnena Chanchin Tha hril tura min tih angin he hna hi keini pawhin kan chhunzawm zel a ngai a ni,” a ti a. “Kan ram hi a dam lo va, siamthat ngai a tam hle, hetah hian Kohhran hruaituten siamthat hna kan thawh loh chuan thawktu tur dang an awm lo. Kan ram damna chu thil dangah ni lovin, Chanchin Thaah chiah a awm a ni,” a ti bawk.
FG&CC hian Pastor-te pualin Pastoral Care & Counselling Training hi vawi 26 buatsaih tawhin, Pastor 440 training a neihpui tawh a. Church Leader-te puala kum 2002 atanga training a neihpui tawhah, tun tuma mite nen hian Kohhran hruaitu 558 Training pek an ni tawh bawk a ni.
Synod hian Counselling Centre paruk – Mission Veng, Bawngkawn, Vaivakawn leh Champhai, Kolasib leh Serchhipah te a nei a. Heng Counselling Centre parukah hian tun thlenga pantu (Client) an neih tawh zat chu mi 19,039 an ni.
&&&&

Facebooktwittergoogle_plusredditpinterestlinkedinmail

Ka Huang (August 27, 2017)

PHAWT AW? Zozam Times (25/8/17) phek 3-naah khan PL Liandinga’n kan tupa, Vanhnuailiana Sailo (Chawngthu eksen ni mah ila, Vanhnuailiana Sailo, Lungleng Lal Khamliana Sailo thlah te hi kan tu te an ni vek tlat a nia, chhan tha tak a nei) min rawn phone a, ka pu, i chanchin a ziak a tih min rawn hrilh a, PL Liandinga te hi mi tin aia tam hriat a ni tih hre mah ila, kei ve tehlul hi min hriat dan tur ka hre si lo, thenawmah ka tlana Zozam Times chu ka va la ve a, ka hmai dung sei sei nen ka thlalak a tarah chuan ka bial hnur mai ! PL Liandinga’n min hria tih ka hriat hian ka lawm em em em em a ni ! Amaherawhchu Arunachal kal awma min ziak kha a hai palh a niang NEF (North East Frontier Agency) nen Arunachal-ah chuan ka va kal ve lo. A enga pawh chu ni se, Ka chhiatna lai leh fel lohna lai, ka nuna tam zawk daih hi a thailang duh lo a, ka lawm khawp a sin.

Awle, zawm leh tawh ang. Kum 1944 chu a lo thar ta a, kum 15 thuak thuak, harh zet zet mai kan ni. January thla chuan ka pa, Sialsuka MAV Sikul hmasa ber va din tura an transfer chu ka va pan a, Sialsuk lal fapa Thangliana ka zui a, a ni 2-naah chawhmain kan thleng a. Kan in chu Chaihte tlanga di in, a chhuat dep bawhtahah ka va thleng ve ta a. Ka nu chauh hmeichhe hnathawk thei awmchhin a ni. Ka chhang chhang hmeichhia chu kum 10 chauh a la ni. Tui chawi a ngai a, um 2 a khirh ve \hin. Ka chhang mipa nen. Chu chu ka pui ve \hin a, khirh chu a buaithlak tiin paikawngin um 5/6 ka phur ve hlut \hin a. Chu chu an LP Teacher chuan a lo hmu em ni tehreng – a sikulah a lo puang vel a ni awm a, “Nangniho hi em phurh ka zak, a hmeichhe hnate inti vel, khi en rawh u Pu Pasena fapa, Chhuanliana khi Pawl sarih Shillong-a pass ngat a nih khi, a nu a chhawk a, paikawngin zawh tawkin tuium ngatin a nih khi tui a chawi,” te a lo ti ve \hin a ni awm e! Ka hriat hnu chuan ka zak hnuhnawh a!!

U Vanan Sailam zoa kawlhawk chânpuiah min sawm a, silai mal 12 bore, 32 “barrel” ‘Knock About an tih hi kan nei a, hawrawppui meuhin NOT ENGLISH MAKE tih hi an chhu kuau lehnghal! Silai hi, châk hle mah ila, ka pain ramvahpui a phal lo, kan naupan avangin. Chu — kum 15 chauh ka nih chu. Mahse, U Vana avang chuan a phal ta a, kan kal dun ta a. Sailam zoah chuan kawngchhaka rah tlan chu chang turin min hrilh a. Changel karah ka \hu kak mai a. Kawlhawk 1 hi a lo kai a, kan tin vang vang a, kan hmet a, a tlawlh a (Indopui lai khan kartuut (cartridge) a vang nawalh cape kan siam chawp a, kan hmang mai \hin. A tlawlh ta si. Ka ui em em, dawbawl SG (mu sep 15 awm chi) chu ka thun sauh sauh a, ka’n hmet leh maia leh… a ri dur mai a, ka maimichhing (maimitchhing tih hi dikin ka ring lo – Maimi-chhing hi dikin ka ring ve tlat) nasa ni tur a ni, ka kah chu ka hmu lo, a tlak nghal chuan changel hna deng tur a ni. A lo han invawrh deuh em ni, changel hna chu a rawn deng ta a, ka chhuk a, a lo dak uak mai a, a thi teuh lo mai. Kumtintuai ka sat a, a lua ka vuak chuan a keh ang a, tar tur ka nei dawn si lo, a nghawnga ka vuak leh a thi mai si lo. Ka ching ka ching a, a thi ve ta mai. Ahna tur iptepui ka nei si lo, kokia ka put pawhin a hmuiin lei a thleng si. Silaia ka phuar beh chuan Sakei ka tawhin?…. ka buai nasa. Silaiah ka phuar ta nge nge, LG khawl thun ka thun a, sakei ka hmuh thut leh kah mai nan. Min hruaitu U Vana pawh ka hre chang tawh lo. Kan in thlen ka châk ber. Sialsuk Bangla Vengah Pu Hrangchina (James Dokhuma pa) ka tawk a, min chhuh a, “Keiman ka pu thleng ang,” a tia, kan in thlengin min chhawk a, ka hlim teh a sin. Silai ka hmeh puah hmasak berah Kawlhawk ka kap thla ve ngat a nia. Ram vah nuam ka tia, Tuidum kamah Beltur rah tla tlan sahdal kan kam a, Varung a awk duh phian, a bula thingvut leh dawkek, kawlrit tih vel, tuklo nen, a awk duh phian. Khrismas dawnah Aizawlah ka phei leh a, YLA (Young Lushai Association) Mission Veng Branch kan nia, Khrismas carol hla kan zir \hin a, Biak in Vestry-ah. Kha – a chhan chiah ka hre ta lo, zana kan hla zir kha tlangval upa lam deuh khan, keini mipa tleirawl rual chu biak in kawtah min hau chiam mai a, “YLA a\angin kan bân ang che u,” te a tia, kan lungawi lo nasa ta mai a, keimahni zawk kan vang ta vek mai a le… kan tleirawlpui hmeichhe lam pawh khan min vuipui em ni tehreng, an bâng ve ta vek mai a, YLA a ding thei ta ikhaw lo mai a. Mission Veng (lai) chuan YLA kan nei ta lo vang vang mai a ni. Keini \halai rual chuan M|P (Mission Veng \halai pawl) kan din ve thung a, keimahni aia naupang lam chu kan ni ta vek mai a, kan phur em em mai lehnghal a. Drama kha kan zir nasa \hin. Mission Vengin YLA a neih leh chu YMA tih hnu, khi Mission Venga Van\huama, lawng sipai bâng khian 1960 hnu lama a din \hat leh chauh niin ka hre ta.

Thakthing Veng lam nulahoin, Lianzova, an hnute an lo dehtir chiam mai a ni awm a, “Nuam deuh asin,” a ti mai a, chuta \ang chuan min duh e, duh lo e, tleirawl kan rual vel hnute deh kan ching ta mai. Inkhawm bâng, kan rualpui hi, kan thlur ta \hin a, tleirawl chak deuh chu umpha thei mai hek lo i, an inah te kan tlan lut rual titih \hawt zel mai a, kan hah thei sia, kan thaw he-hu zel mai \hin nia. Kan thikthute kha a chhe lo angreng, Mission Veng tleirawl hmel\ha deuh phei kha chu… envelope pakhatah a love letter turte kha palite kan thun mai, kan inthik lo em maw ni tehreng. A hmel\ha sia, tlangval pawhin an ngaizawng khawp mai. Mahse, tlangval kha a duk bik si lo, kan rual vel bawr bak kha chu a ngaihsak bik lo.

Tunah chuan hei kum 73 zet a ni ta reng mai, ka tleirawlpuite ho chuan chatuan ram an pan vek tawh. Nu pakhat chauh a la damin ka hria. Lehkhathiam deuh a nei a; mahse, a thihsan tawh. A hmel\ha ka tih avangin ka thlek nasa lutuk a, barbed wire ka malpui vei lamin ka sut phah a, hei zungchal chen zet chu a la ser nia. Min ngaizawng ve miah lo thlir nan chuan thisen seng tam tak niin ka inhria. Lung a leng thlawn mai zawng a nih hi. Ngaihtuahna kan la nei angreng si. Tunah lah tlangval laia chhe sa tawh nih nak alaiin TAR CHHIA kan ni ta mai si, rilru a tak si lo.

Facebooktwittergoogle_plusredditpinterestlinkedinmail

Dr. Hrekima titi (August 27, 2017)

Nupa mangang an lo tlan fo! An hrin loh fa duat, an hmangaih em em si chu tute emawin he thu hi an lo hrilh thin a..
&&&&

“AN FA PAWH I NI LO”
Hmanah Thenawm Ninawm tih thupui hmangin heti hian ka Titi tawh : Fa nei thei lo thenkhatin mi fa an la a. Pathian remruat remchang tak a ni a. Fa lak tak tak, an nu leh paten an la hrilh loh, hrilh pawh an tum tho, hun remchang leh a hun dik ngaihtuaha an buai ruk em em laia lo tikhawlhkham thinte an awm! Thenawm ninawm bengvarin, “An fa tak i ni hleinem..” an lo tih hmanhmawh avanga chhungkaw buai ka hmu fo. Thil hre thei ber nih chak, engemaw sawi chhuaktu nihte hi kan chak a ni awm asin! Kan chhungkua a nghawng pawi dawn lem loh avanga duh duh sawi mai maite hi a pawi thin.
Ka’n titi zui leh deuh teh ang. Miin fa an neih loh avangin tu fa emaw an la a, inhmangaih tawna hlim em ema an awmho laiin mi thenkhatin an chhungkaw boruak kan lo tihchhiat pui pek thin a nih chu! An fa chuan ‘lak’ a ni tih inhre lo se, inhmangaih takin awm kumkhua se an duh tehlul vei nen maw! Mahse thudik puangtu nih hi ropui riauin kan hria ni maw! Thudik zawng zawng hi puan vek kher a ngai lo tih hre leh bawk si lo!
Naupang baihvai thenkhat, nu leh pa thihsan emaw, chhungkaw harsatna eng emaw avanga enkawltu tur mumal nei lote chu mi thenkhatin an fa atan an la bawk a. Hmangaihna mawi lutuk a ni. Intihhmuh atan pawh a tha. “Naupang pakhat i lak avangin khawvel a danglam lo a ni thei. Mahse, naupang tan erawh a khawvel a danglam vek thei thung ang,” tia thahnemngai em ema mi thahnemngaite an au laiin, chu khawvel danglam mek lo chawkbuai zawnga tawngkam thlahdah thin, intifing si, mawl si kan awm thin hi a pawi a ni.
Kan inrawlh lohna tura inrawlh hi kan tam lutuk a. Vantlang leh ram tan, thenawmte leh mi dang tana thil tha tur zawkah thahnemngaia kan lo inrawlh ve a nih lem loh hi chuan ngawih hi a finthlak fo. Mi huat hlawhna tur a nih dawn pawhin a chhan a that phawt chuan tawng hun a awm ngai e. Chutiang ni lem lo, mi chhungkaw boruak tichhe zawnga lo inrawlh ve fo mai hi thenawm ninawm nihna mai a ni!
Miin fa an lak hian hlauhthawn lian tak an nei sa a. An fa chu thudik hrilh pawh an duh. Mahse hrilh hun tur te, hrilh dan turte an thiam mai rih loh vangin an nghak a. Hmangaihtuin an hmangaihte rilru hliam lo thei ang ber tura tihdan tur an ngaihtuah ve reuh reuh laia mi rilru tina zawng a, “An fa pawh i ni lo,” lo tih ve thawr zel mai hi chu sim a hun tak zet!
Mi fate hi lo hmangaihpui harsa kan ti a nih pawhin an rilru lo va hliam kher a ngai lo. Kan lo duatpui thei lo a nih pawhin lo va sawisak kher tur a ni lo. Mi chhungkua kan tanpui thei lo a nih pawhin lo va chawhbuai kher a tul lo e. Miin, “Kan fa a ni e,” an tih chuan, “An fa pawh i ni lo,” tiin bengvar lo chhuah duh lem lo teh ang u. An fa lak hi an fa dik tak an ni asin!

Facebooktwittergoogle_plusredditpinterestlinkedinmail

Login

Lost your password?