Monthly Archives: September 2017

Mi bo vui

Aizawl: August 31, 2017 atanga chin hriat loha bo R.Lalremtluanga (38) s/o R.Lalhlira (L) Chaltlang chu Mizo dana ni 7 zawn a nih hnuah hmuh a nih loh avangin a huhoa zawn hna chu tihtawp niin nimin tlai dar 3 khan Chaltlang YMA Hall-ah a thlahna hun hman a ni. Thudawn danin R.Lalremtluanga hi mi phak chiah lo deuh a ni a, a nupuiin pasal dang a neihsan avangin a buai zual niin an sawi.

Facebooktwittergoogle_plusredditpinterestlinkedinmail

Tanpuina hlan

Nimin khan Music Domain Mizoram (MDM) chuan Kelsih-ah Fun Day hmangin, Kelsih-a chhungkaw pathum hnenah Kelsih Branch YMA kaltlangin tanpuina Rs. 5000/- theuh an hlan.

Facebooktwittergoogle_plusredditpinterestlinkedinmail

Thisen pe

Nimin khan Central KTP blood donation calendar angin Chanmari West branch KTP-in Aizawl Civil Hospital a damlo mamawhte tan thisen unit 54 an pe, thisen petute mipa 48 leh hmeichhia 6 an ni. Chanmari bial KTP (Chanmatiri leh Laipuitlang) ten Chanmari Kohhran Hall-ah Synod Hospital tan unit 32 an pe a, a petute hi mipa 28 leh hmeichhia 4 an ni.

Facebooktwittergoogle_plusredditpinterestlinkedinmail

Seminar

Mizo thu leh hlaa mi chhuanawm pathum Rev. Dr. Zairema, C.Rokhuma leh R.Zuala te piancham kum 100-na pualin September 25 & 26, 2017 (Thawhtanni leh Thawhlehni) hian Synod Conference Centre leh Pachhunga College ah te National seminar neih a ni dawn. Seminar hi Department of Mizo (Mizoram University), All India Tribal Literary Forum leh Ramnika Foundation, Hqrs. New Delhi tangkawp buatsaih a neih tur a ni a, naktuk a tanna Synod Conference Centre-ah hian Finance Minister Lalsawta khuallian a ni ang. Seminar ni hnihna hi Pachhunga University College Seminar Hall-ah chhunzawm tur a ni a, seminar neih chhung hian Rev.Dr. Zairema, C.Rokhuma leh R.Zuala te chanchin leh an thuziak te zirho a ni dawn a ni.

Facebooktwittergoogle_plusredditpinterestlinkedinmail

The Week That Was (Sept. 24, 2017)

Thuthlung ziak
Ni 18.9.2017 (Thawhtanni) khan PHE E-in-C pisa ah PHE Department leh CYMA chuan tuihna humhalh leh a awmsa tih pun kawnga thawhdunna thuthlung an ziak a. PHE Department aiawhin Engineer-in-Chief Lalmuanzova chuan hming ziakin CYMA aiawhin CYMA President Lalbiakzuala chuan hming a ziak bawk a ni.

Complaint
Zodintluanga s/o Rothangpuia, Tuikual chuan ni 18.9.2017 (Thawhtanni) khan MNF party chanchinbu Hruaitu Arsi Editor Lalthanzuala Hnamte, Khatla South leh Publisher M.C. Lalrinthanga, Khatla South-te chungah Hruaitu Arsi chanchinbu dt. 01.09.2017 chhuaka “Lalthanhawla’n CBI a hlau” tih thupui hmanga thuchhuah avangin Magistrate First Class, Aizawl hnenah ‘Criminal Complaint’ a thehlut.

CM in hawng
Chief Minister Lal Thanhawla chuan ni 19.9.2017 (Nilaini) khan New Secretariat Complex-ah Irrigation & Water Resources Department(I&WRD) Office Building thar a hawng.

Lawmpui
September ni 3-9, 2017 chhunga Gold Coast, Australia-a Commonwealth Weightlifting Championship neiha India aiawha a tel Jeremy Lalrinnunga leh Zakhuma ten Youth 56Kg category-a Gold Medal leh Silver Medal an dawn lawmpuina leh anmahni chawimawina hun chu ni 19.9.2017 (Nilaini) khan Sports & Youth Services Minister Zodintluanga pisa-ah neih a ni.

Rally
Ni 19.9.2017 (Nilaini) zing khan Indian Society on Tobacco & Health Mizoram Chapter, Mizoram State Tobacco Control Society leh TATA Trust hnuaia Center for Microfinance and Livelihoods tangkawpin an buatsaih No Tobacco Rally chu Health Minister Lal Thanzara’n Millenium Center kawtah a vailiam. Rally hi Vanapa Hall kawt thleng neih a ni.

MNYF in hal
Ni 19.9.2017 (Nilaini) khan MNF Thalai te chuan dik lo taka cheng nuai tam tak siam nan a hman nia sawi, Zo-Carbon Industry Sakawrtuichhun-a mi chu a hmun ah tlawhin sawrkar in a kalpui dan diklo nia an hriat lekha copy an hal.

Exhibition
I&PR Department leh Mizoram Art Development Society tangkawp chuan ni 19.9.2017 (Nilaini) khan MADS Annual Art Exhibition 2017 chu Assembly House Annexe Building garage-ah an nei.

Puang thar
Mizoram sorkar chuan ni 19.9.2017 (Nilaini) khan thuchhuah siamin kum 2018 Mizoram sawrkar Holiday list a lo siam tawh chu tidanglam hretin Missionary Day Jan 11, YMA Day June 15 leh MHIP Day July ni 6 te chu holiday list ah a telh leh.

Enfiah tum
Ni 19.9.2017 (Nilaini) a Mizo Students’ Union extended OB thukhawm chuan Myanmar atanga Mizoram kal tlanga kuhva rah sumdawnna khawih hnamdang te’n an bungrua an kalpui danah thil fel lo tam tak a in phumru ni in an hria a, he thil hi a tul ang a enfiah a sawrkarah hmala tura thlen an tum thu an sawi.

HIV
Mizoram State Aids Control Society chhinchhiah danin kum 1990 atanga kumin March thla thleng khan Mizorama thisen endik tawh 605119 atangin HIV hrik pai 14,632 hmuchhuah a ni tawh.

Inbia
Mizoram sawrkar leh Lalhmingthanga Sinate kaihhruai HPC (D) phel leh lam aiawhte chu remna kawng zawngin ni 21.9.2017 (Ningani) khan State Guest house Chaltlang-ah inbiakna an nei.

Ban phut
BJP Mizoram Pradesh chuan ni 21.9.2017 (Ningani) khan Mizoram Governor hnenah Sept. ni 19 a Political Adviser to Chief Minister-a atana ruat Lalrinmawia Ralte MLA chu a nihna atanga bantir turin lehkha an thehlut.

Faina
State Level Cleanliness Week Committee chu ni 21.9.2017 (Ningani) khan an Chairman Zodintluanga, UD&PA Minister hovin a pisaah an thukhawm a, faina hapta hman dan tur an rel.

Kawng sawiho
Ni 21.9.2017 (Ningani) khan Mizoram PWD hotute chu Principal Secretary kaihhruaina in Engineer-In-Chief, Conference Hall ah PWD enkawl kawng siamthat mek leh hmalak zel dan tur an sawiho.

Inkawm
Development of North Eastern Region (DoNER) Minister Dr. Jitendra Singh chuan ni 21.9.2017 (Ningani) khan Governor Lt. Gen. Nirbhay Sharma chu a chenna Raj Bhavan-ah a kawm.

Facebooktwittergoogle_plusredditpinterestlinkedinmail

Ruihhlovah intihsiakna

Aizawl; KTP Rorel inkhawm 2017-in a lo rel tawh angin Central KTP chuan Ruihhlo leh a kaihhnawih chungchanga inzirtirna intihsiakna a buatsaih dawn.

Rorel inkhawmah khan Thurel No. 6-aah dah a ni a, hemi bawhzui nan hian intihsiakna hi buatsaih a ni dawn a. Mobile Video Clip (second 90-a sei) insiamsiak a ni dawn a. He intihsiak bakah hian district khawpui tinah Two Wheeler Rally buatsaih a tum bawk a, hemi chungchangah hian Talk Show pawh neih tum a ni.

Facebooktwittergoogle_plusredditpinterestlinkedinmail

Human Trafficking pual tawngtai

Aizawl: Vawiin hi Salvation Army India Eastern Territory Calendar of Events-a tarlan angin India Eastern Territory chhunga Corps leh Society hrang hrangah mihringa sumdawnna tuarte puala tawngtaina ni, ‘International Day of Prayer for Victims of Human Trafficking’ hman a ni dawn.

Social Services Department chuan Corps leh Society hrang hrangte chu mihring hmanga sumdawnna tuar mekte tana tawngtaina urhsun taka nei turin leh mihring hmanga sumdawnna kawnga khawtlang kan him theihna tu a zirtirna uar lehzual zawk a nei tura ngenin a beisei a ni.

Facebooktwittergoogle_plusredditpinterestlinkedinmail

Thawhlehni atang Praise On

Aizawl; Mizoram Synod hnuaia Information & Publicity Committee-in Central KTP Committee hriatpuina nena KTP Branch-te tana group zai intihsiakna, Praise On 2017 a buatsaih chu Thawhlehni chhun atang hian Khatla Kohhran Hall-ah intihsiakna neih a ni dawn ta a, Nilainni chawhnuah Audition Round hi zawh hman tum a ni.

Praise On 2017-ah hian group pakhatah member 3 atanga 8 thleng an awm thei a. KTP Branch pakhat atangin group pakhat aia tam tel theih a ni bawk a, branch hrang hrang atang group 70 an tel dawn a ni.

Kar kal ta Zirtawpni zan khan Khatla Kohhran Hall-ah Praise On 2017 hi Synod Moderator Rev. Lalzuithanga’n Pathian hnenah a hlan a ni.

Facebooktwittergoogle_plusredditpinterestlinkedinmail

PYD pualin Campaign

Aizawl; UPC General Hqrs Building, Mualpui Salem Vengah Ningani khan Aizawl khawpui chhunga Pentecost thalai PYD-te pualin City PYD, World Vision, MSACS, AVBD leh CZ Foundation tangkawp buatsaihin Sensitization Programme on Heroes Campaign neih a ni.

Campaign-ah hian Rev. R. Lalrinsanga, North East India UPC General Secretary chuan hunserh hmangin thisen pek hlutna leh HIV/AIDS laka fihlim tura kohhran thalaiten mawhphurhna an neih dan sawiin kalkhawmte a fuih.

Chawhnu dar 2:00 thleng Resources Person-te hnen atangin thu ngaihthlak a ni a, powerpoint presentation hmangin a lem nen fiah takin an entir a, sawihona hun an hmang zui bawk.

Campaign-ah hian Aizawl khawpui chhunga bial hrang hrang atangin City PYD thalai member 60 chuang an kalkhawm a thei ni.

Facebooktwittergoogle_plusredditpinterestlinkedinmail

SA hla bu android app tlangzarh

Aizawl; Territorial Salvation Army Youth Council-in Google Play Store atanga Salvation Army Mizo hla bu Andriod Application (.Apk file) download theih tura a buatsaih chu Ningani khan Pathian hnenah Commissioner Lalzamlova, Territorial Commander chuan Territorial Headquarters Board Room-ah hlanin a tlangzarh.
Tlangzarhna inkhawm hi Captain K.Lalrinpuia, Territorial Youth Secretary-in kaihhruaiin hla bu Apps neih a nih theih nana hmalakna hrang hrangte a sawi fiah a. Application siamtu, Lalnuntluanga, Ramhlun Corps-in Technical Report pein Apps kalphung leh nih dan phung a sawifiah bawk.
Commissioner Lalzamlova chuan, “Territorial SAY Council hmalakna leh ruahmanna fel tak avanga hla bu Apps siam a ni hi ka lawm takzet a, hla bu Apps siam tura ruat Tv. Lalnuntluanga’n theihtawp chhuaha hma lo laa hetiang Android Application tha tak mai leh chhawr tangkai theih tur kan lo nei ta hi ka lawm tak zet a ni,” a ti a. “Hun lo la kal zel turah pawh Salvation Army-in tunlai khawvel chak taka thang chho zel umpha tura hma a lakna kawngah theihtawp chhuah chhunzawm zel chungin Information Technology-te tangkai takin hman chhunzawm zel i tum ang u,” tiin kalkhawmte a fuih a, Hla bu Apps chu tangkai taka hman a nih theih nan leh mite tana malsawmna thlentu a nih theih nan Pathian hnena hlanin a tlangzarh nghal a ni.
Salvation Army Hla bu Apps hi Play Store-ah “SA HLA BU” tia dah leh download theih a ni.

Facebooktwittergoogle_plusredditpinterestlinkedinmail

Login

Lost your password?