2018-ah ringthar 7639 nei

Aizawl; Mizoram Synod hnuaia Chanchin Tha thehdarhna lam buaipuitu, Synod Mission Board kaltlanga hmun hrang hranga rawngbawlnaah nikum chhung khan ringthar mi 7639 siam hman a ni.

SMB hian Mission Field 17 leh Masihi Sangati a neih hmangin rawng a bawl a. Mizoram chhunga rawngbawlna pakhat, Masihi Sangati hmanga rawngbawlnaah hian ringthar 2279 an awm hman.


Ram chhunga rawngbawlna dang, Home Mission North-ah ringthar hi 47 awm hmanin Home Mission South-ah 52 an awm hman bawk.


Mizoram pawna rawngbawlna, Tripura Mission Field-ah ringthar 1789 an awm hman a, ringthar ngah ber an ni a. Delhi Field-ah 92 awmin ringthar nei tlem ber an ni.


Synod Mission Board hnuaiah hian Mission Field 17 a awm mek a. Mission Field hi region thum – Central region, North East region leh Home Mission-ah then a ni a, heng bakah hian field puitling lo, hma lakna lian tham zingah Masihi Sangati leh Cambodia te an awm bawk a ni.
Facebooktwittergoogle_plusredditpinterestlinkedinmail

Comments

Leave a Reply

This site uses Akismet to reduce spam. Learn how your comment data is processed.

Login

Lost your password?