Zawhna: Ka pu, mipa kum 48 ka ni a, ka hrisel tha pangngai viau a, mei ka zu zeuh zeuh tih bak chu taksa tana pawi thei dang khawih ka nei lem lo. Tunhma chuan zu ka in ve fo a; mahse, ka in lohna a rei ta viau. Thau lam hret ka ni a, exercise lam chu ka ti vak lo. Ei leh in lamah ka pangngai, thau leh mawm vel pawh ka heh hran lo. Hmanni khan annual check-up ka ti ve a, blood sugar leh kidney function test a normal a; mahse, ka liver function a buai tlat mai a. SGOT leh SGPT enzymes a sang lamah a awm a, engnge a chhan ni thei ang? Insawiselna ka nei mang der bawk si lo va, thil dang eng nge tih ngai? Min puih theih chuan ka lawm ngawt ang. – Ruatliana, AizawlZawhna: Ka pu, mipa kum 48 ka ni a, ka hrisel tha pangngai viau a, mei ka zu zeuh zeuh tih bak chu taksa tana pawi thei dang khawih ka nei lem lo. Tunhma chuan zu ka in ve fo a; mahse, ka in lohna a rei ta viau. Thau lam hret ka ni a, exercise lam chu ka ti vak lo. Ei leh in lamah ka pangngai, thau leh mawm vel pawh ka heh hran lo. Hmanni khan annual check-up ka ti ve a, blood sugar leh kidney function test a normal a; mahse, ka liver function a buai tlat mai a. SGOT leh SGPT enzymes a sang lamah a awm a, engnge a chhan ni thei ang? Insawiselna ka nei mang der bawk si lo va, thil dang eng nge tih ngai? Min puih theih chuan ka lawm ngawt ang. – Ruatliana, Aizawl

Chhanna: A hmasain zawhna i rawn zawh dan hi a lawmawm khawp mai, i dinhmun i sawi chikim ang reng viau mai a. Thenkhat zawhna ka lo dawn thin hi chu an insawi chiang lo mah mah thin a, chhan thiam a har hle thin. Zawhna kan zawh chuan kan kum zat, mipa nge hmeichhia, khawsak phung leh hnathawh, nupui pasal nei em, natna dang eng emaw neih te, rih zawng te nen lam hian rawn sawi tel nghal thin ila, a chhan dan kawngah min pui khawp ang. Awle, Liver Function test kan tih hian thisen test atangin Liver (thin) hnathawh dan endikna (indicators) hrang hrang kan test thin a. Chung zingah chuan SGOT leh SGPT te hi liver enzymes pawimawh tak, liver hnathawh a buai deuh a thisen level rawn sang fo thin te an ni a, tunah chuan AST/ALT tiin kan sawi mah zawk. An normal level hi 0-35/45 (AST/ALT) a ngaih an ni a. Heng enzymes te hian thin hnathawh dan kalphung a felfai em tih an en ber a. Chutih rual chuan tihrawl (skeletal muscle), lung tihrawl (cardiac muscle), thisen timur sen (red blood cells) leh kal (kidneys) ah te heng enzymes hi a insiam ve bawk a. ALT(SGPT) zawk hi liver tan a specific zawk mah bawk. Thau lam hret i nih thu i sawi a, chuvang chuan i thin lamah thau bawhtu a tam hret a ni thei ang. Fatty Liver hi taksaa thau (fats) a tam chuan thin a bawh a, chu chu a lo tam lutuk chuan thin hnathawh kha a tibuai ve thei a ni. Thin hnathawh buai han tih hian a tam zawkah chuan insawiselna an neih loh avangin ultrasound kan en atangin tam tak hi chu kan hmu chhuak mah zawk.

Zu in tam vang hian Fatty Liver hi a awm thei teh meuh mai a, chutih laiin zu in miah lovah pawh a awm fo (non-alcoholic fatty liver disease an ti). Damdawi thenkhat hian thin hnathawh a tibuai fo mai a, chung zingah chuan Paracetamol hi a common ber zinga mi a ni. Lu na emaw awm nuam lo kan han neih hian tam zawk chuan hmawm mai kan ching thin a, hetiang vang hian thin hnathawh buai hi a thlen fo a ni. I thin chu a lian hret thei bawk a, engpawh nise, Ultrasound lo ti leh thei la chu a tha khawp mai. Chutah chuan i thin lamah hmuh theih fel lo a awm nge awm lote an lo en ang a, fat deposit a awm leh awm lohte pawh a hmuh thei bawk ang. A dang lehah chuan Hepatitis B leh C lo in-test tel leh la, heng bakah hian HIV pawh test tel thei la a tha viau (annual check-up-ah chuan titel zel tawh la). Hepatitis C hi tun hnaiah kan hmu tam ta hle mai.

Drugs inchiu thin zingah hian a tam hle mai a, chutih laiin an kaina hre miah lo, exposure engmah sawi tur nei lova positive an awm nawlh nawlh mai. Hepatitis C hi a kai zinga eng emaw zah chuan enkawlna dawng kher lo pawhin an taksain a paih fai leh thei a; mahse, chronic infection a thlen chuan zawi muangin liver hi a khawih chhe thei a ni. I lo positive a nih pawhin enkawlna damdawi tha tak tak a awm tawh a, a enkawl dam theih bawk a ni. I thin lamah fel lo a awm lo a nih chuan a dawt leh a tih leh ngai chu i lung lam check chian a ngai leh ang. ECG, Echocardiography hmangte hian lung lam fel lo an endik thin a, chubakah chuan Stress Test an tih mai hmang hian lung tha lo te a hriat theih bawk. Chumi hma chuan Cardiology dept lam lo in-check feltir leh thei la a tha khawp ang. Heart Attack hi i kum ang rualah hian nei an awm ta fo mai a, fimkhur a tha hle. Taksa exercise emaw inkhelh lam chi ti nasaah te hian tihrawl tihpalh (hriat lem loh pawh) a awm fo mai a, chutiang avang chuan AST/ALT enzymes te hi an sang thei bawk. Tin, thisen test dang, Complete Blood count lo ti tel thei la, chuta tang chuan i thisen lam fel lo a awm leh awm loh a hriat theih bawk ang.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?