‘A Hmangaihna Faktute’ : golden jubilee lawm turin inbuatsaih; Jubilee pualin music video album pakhat release dawn

Thangthar zawkte zingah an pawl hming hi hre lo an kuh tun tawh anga. Mahse, hei hian an hlutna leh an ropuina a tih nep phah chuang hauh lo. A Hmangaihna Faktute’ tiin pawl an indin a, an din cham kum 50-na an lawm dawn der mai. AN jubilee pualin music video album an siam nghe nghe.

a hmangaihna

 

A Hmangaihna Faktute (The Joyful Praise Male Choir) hian an Golden Jubilee hi July ni 11, 2017 khian an lawm dawn a. Synod Conference Centre-ah chawhnu dar 2 atangin lawmna hun an hmang tan dawn a. An jubilee puala buatsaih music video album pawh an siam bakah, Souvenir te pawh an siam bawk a ni.
Upa L N Tluanga, K Lungmuana, C Vulluaia, A G Sailo, P C Lalmawia, Laltlawmlova, Hmingdailova Khiangte, H L Malsawma, C Ramhluna, R lalhmingliana leh R Rozika te’n kum 1967 (11.7.1967) khan ‘A Hmangaihna Faktute’ tiin Shillong-ah male voice group an din tan a. An din kum pawh hian hla an zir nasa hle a. Ni khatah darkar 7-10 vel hla zirna’n hun an hmang thin. An hla sak te hi HL Malsawma hlabu “Now Let Us Sing” tih bu ami an sa tam ber thin. Inkhawm apiangin an Biak Inah an zai a, an dinchhuah phat hian hla 2-4 vel lai an sa thin a, hla tawi te te a nih avangin.
Khasi Biak In pangngai deuhah te an zai chhuak deuh vek a, English service ah te, Nicholsroy Biak in ah te an zai thin. Crusade leh Kristiante inkhawmna lianah chuan an zai deuh vek bawk a. He male voice hian mi beng an verhna pakhat chu, music instruments tel lova an zai thin hi a ni, mak pawh an ti hle thin.
Kum 1969 vel atangin Shillong pawnah rawngbawl an nei a. Nagaland-ah te, Manipur-ah Gospel Team hmingin rawngbawlna an nei tawh a. Mizoram dung leh vangah Speaker neiin an pen chhuak deuh vek bawk. India ram chhim lamah te pawh rawngbawlna neiin an kal bawk a, Mizoram leh Nagaland ah te hian an Speaker te chu Dr R K Nghakliana te, Upa L N Tluanga leh Vanlalnghaka te an ni thin. Shillong khawpawna rawngbawlna ah Rev L N Ralte Speaker a ni thin bawk.
Eizawnna leh tul dang hrang hrang avangin member dinhmun hi a danglam zel a. Kum 1984 vel thleng kha chuan member 36 lai an ni ta. Hmun hrang hrangah an awm a, Mizoram pawnahg mi 3 an awm chhuak a, Aizawl pawnag mi 4 an awm a, an member 8 in tunah hian a hniak tam lam panin an kal tawh a ni.
The Joyful Praise Male Choir — dintute phei hi chu kum 70 leh kum 80 chuang hialte an awm tawh a. Heti chung hian music video hialte an la siam thei a ni. An group hian Golden Jubilee puala music video album an tihchhuah nen hian, album pali (4) an ti chhuah tling dawn ta chiah a ni.
An pawl member zawng zawng — Aizawla chhung leh pawna mi te kal vek turin an Golden Jubilee lawmnaah hian an insawm a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?