Air ambulance Lengpui-ah

Aizawl: Air Charter Services Private Limited (ACSPL) chuan Lengpui Airport a duh hun huna a mamawhte hman theih turin Air Ambulance an service tir.

ACSPL-a Operations for North Eastern States in charge Alan Joy chuan Zalen palai zawhna chhangin damlote chu India ram khawpui lian hrang hranga damdawiin ah te Lengpui Airport atanga an phurh theih thu a sawi a, Air Ambulance ah hian hmanraw chi hrang hrang ventilator, oxygen, BiPAP, Defibrillator, suction, Syringe pump, infusion pump te leh damlote mamawh tur hmanraw hrang hrang dah vek a nih thu sawiin doctor pakhat leh nurse pakhat an chuan reng dawn bakah damlo chhungte pahnihin a chuanpui theih thu a sawi bawk.

Alan Joy chuan Mizoramah damlo na tak tak hmun dang pan ngai an awm thin tih sawiin chung mite tan chuan a tangkai dawn hle niin a sawi a. Tunhnaiah Mizo damlo pahnih Chandigarh leh Delhi ah an phurh tawh thu a sawi bawk. Air Charter Services Pvt. Ltd hian G+5 Building, Domestic Airport (Terminal 1), New Delhi chu an base-ah an hmang niin Zalen a hrilh bawk.

ACSPL hian Pilatus PC-12 Aircraft pathum, Beechcraft-200 pakhat, Cess Citation XLS Jet Air Craft pahnih leh Beechcraft C-90 pakhat te neiin  vaiin thlawhtheihna 7 an nei a, heng thlawhtheihna te hi Directorate General of Civil Aviation (DGCA) in  medevac approval a pe vek niin Alan Joy chuan a sawi bawk.

ACSPL a Mizoram representative F. Lalrinmawii chuan ACSPL Air Ambulance hmang duh te tan biak theih reng a nih thu sawiin a hmang duh te chu engkim an tihfel sak dawn thu Zalen a hrilh a, 09856215247 ah biak pawh theih a nih thu a sawi bawk.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?