Air-rifle-a sava veh man zel

Aizawl: Environment, Forest & Climate Change (EFCC) hotute chuan tun hnai thla khat chhungin Air Rifle hmanga sava veh mi 4 leh air gun 1 an man tawh niin Zalen an hrilh a, enthlak mek an neih thu leh an man zel dawn thu an sawi bawk. Aizawl: Environment, Forest & Climate Change (EFCC) hotute chuan tun hnai thla khat chhungin Air Rifle hmanga sava veh mi 4 leh air gun 1 an man tawh niin Zalen an hrilh a, enthlak mek an neih thu leh an man zel dawn thu an sawi bawk.

EFCC hnuaia Wildlife Protection hotute chuan sa veh hrim hrim chu Wildlife Protection Act, 1972 section 9 chuan a phal lo a, kap chauh ni lovin tihnat tuma veh hrim hrim chu man an nih chuan dan anga hrem theih an ni tiin an sawi bawk.

Wildlife Protection hotute chuan tunlaiin air gun/rifle hmanga sava veh ching an awm thar nasa hle niin an sawi a. Tunah hian mi 4 chauh la man mahse enthlak mek an neih reng thu Zalen an hrilh a, mi 3 chu whatsapp a an post atangin an chhui chhuak tih sawiin ASEP leh YMA te nen tanghoa nasa taka hma lak zel a nih thu an sawi bawk.

Bazar-ah hian sava sa zuar an awm zeuh zeuh tih sawiin report a lo luh veleha bawhzui an nihin an lo tlanbo hman thin tih Wildlife Protection hotute chuan an sawi a. Sanghal sarep zuar nu pahnih an man tawh niin an sawi bawk.

Sa veh leh sa kap te chu lungin tan leh pawisa chawia hrem theih an nih thu sawiin EFCC hotute chuan Schedule I hnuaia ramsa leh sava bik kap phei chu lungin tan ngei ngeina tur anih thu an sawi a. Savate chu mihringte nena in mamawh tawn em em leh loneitute tan phei chuan tangkai tak an nih thu sawiin Pathianin duh taka a siam nungchate humhalh hi mipuite tih tur a nih thu EFCC hotute chuan sawiin ni tin dan bawhchhetute chu an enthla reng dawn niin an sawi bawk.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?