Aizawl-ah GNR Tribute band GUNS 2 ROSES

‘The Most Notorious Tribute Band in the World’ tih hiala an sawi, khawvel ram hrang hranga tour an neih ruala Aizawl-a show rawn nei tur Guns N’ Roses official Tribute Band — Guns 2 Roses — chu an lo kal tur a chiang tawh a. Anni bakah local band perform tur a chiang tan.’The Most Notorious Tribute Band in the World’ tih hiala an sawi, khawvel ram hrang hranga tour an neih ruala Aizawl-a show rawn nei tur Guns N’ Roses official Tribute Band — Guns 2 Roses — chu an lo kal tur a chiang tawh a. Anni bakah local band perform tur a chiang tan.

Nikum lamah hlawhtling takin Bawngkawn Field-ah Aizawl Rock Fest hio buatsaih a lo ni tawh a, kuminah pawh hian neih chhunzawm tura hmalak niin, he Royal Stag Aizawl Rock Fest-ah hian international band — Guns 2 Roses — an perform dawn bakah, Tribal Power-in an thianpa, C. Sanga pualin hun an hmang dawn a. Anni bakah Michael M Sailo tribute neiin The Scavenger Project an inlan dawn bawk.

GNR keh darh lai ta, kum 2002 a London-a din — Guns 2 Roses — hian an set list tur pawh an rawn ti chiang tan tawh a. Hmun hrang hranga tour an neihna an playlist ang tho kha Aizawl Rock Fest-a an perform tur a ni a. Guns N’ Roses band pawhin an Tribute band anga an pawm thlap tawh an nihna ang ngeiin GNR hla lar ho hi Mizo mipuite hriat leh hmuh phakah an rawn perform dawn a ni.

Royal Stag Aizawl Rock Fest-a rawn perform tur Guns 2 Roses hi GNR original band member — Steven Adler, Axl, Gilby Clarke leh Slash — te pawhin an tour pui vek tawh niin, ‘The Most Notorious Tribute Band in the World’ tiha sawi an nih pawh hi an phu hle a. GNR tour bikah phei chuan Axl aw (voice) a fit tawk chiah tawh loh avangin — Guns 2 Roses — vocalist hian vawi tam a puibawm tawh nghe nghe.

Music columnist tam takin khawvela tribute band tha ber ‘The most successful tribute band” tia an sawi hial Guns 2 Roses bakah, Aizawl Rock Fest hi ‘Tribute Concert’ tih hial pawha sawi tur a tling hial awm e. A chhan chu hmanni lawka thi ta, musician leh zaithiam C. Sanga tribute hi Tribal Power chuan an hmang dawn a. Kumin April thla tira thi ta, Michael M Sailo tribute hi The Scavenger Project te’n an nei ve thung ang.

Royal Stag Aizawl Rock Fest ticket hi tunkar tir atangin lei theihin zawrh tan a ni dawn a. Ticket hi lei hma a fuh khawp ang. Zirlaite tana discount a nih dawn bakah, a lei hmasa tan chuan concert dawn hnaih aiin a man pawh a tlawm zawk dawn a ni.
December ni 8, 2017 khian Bawngkawn Field-a Royal Stag Aizawl Rock Fest-ah Guns 2 Roses te’n an rawn perform dawn a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?