Aizawl-ah Guns n’ Roses tribute band perform dawn : Guns 2 Roses

A hun a chiang ta a, a hmun tur pawh tihfel thawkhat a ni tawh. Anni lam pawhin an tour map lamah an rawn ‘confirm’ ta chiah e. Royal Stage Aizawl Rock Fest 2017-ah international band pakhat an rawn perform dawn.A hun a chiang ta a, a hmun tur pawh tihfel thawkhat a ni tawh. Anni lam pawhin an tour map lamah an rawn ‘confirm’ ta chiah e. Royal Stage Aizawl Rock Fest 2017-ah international band pakhat an rawn perform dawn.

Aizawl Rock Fest hi nikum lamah hlawhtling takin buatsaih a lo ni tawh a, hemi tum hian Indian rock band hmingthang tak tak leh Mizo band langsar ber berin an lo perform tawh a. Kuminah erawh International band pakhatin an rawn tel pui theih tur thu an rawn tichiang ta chiah a. “December 8, Aizawl, India, Aizawl Rock Fest” tiin an tour map-ah official takin an tlangzarh rup ta a. Ngaihngam takin Aizawl-a organiser lam pawh an awm tir thei ta a ni.

Kumin Royal Stag Aizawl Rock Fest-ah hian Guns N’ Roses Tribute band an rawn kal dawn a. Anni hian Guns N’ Roses band ai an rawn awh dawn a. Khawvel hmun hrang hranga tour neia zin kual reng an ni a, American rock band aiawh leh hmingpuin an perform thin a. Europe leh America khawmual-a tour nei lai mek niin, an tour neihna hmunah te Guns N’ Roses music an perform thin.

Aizawl-a show an rawn neih hunah pawh Guns N’ Roses music an rawn tum dawn a, Mizo mipuite pawhin an hla kan hriat lar — Sweet Child O’ Mine atanga Patience — hla thlengin an rawn tour pui hmel.

Guns N Roses tribute band — Guns 2 Roses — tia hminglem invuah hi GNR Tribute atana Guns N’ Roses member hrang hrang pali te perform pui thei awmchhun an ni a. GNR lineup awm tawh azawnga member hlui leh tharte thlengin GNR Tribute tura perform thei ngat an ni.

Kum 2002 tawp lama rawn indin an ni a, tun thlengin GNR band chanchina tribute band lian leh hmingthang ber an ni. Anni hian Guns N’ Roses classic chawi thar hi an hna a ni deuh ber mai a, GNR band original leh tuna member ni mek te pawhin he Tribute band hi an pawmpui thlap a ni.

Guns 2 Roses hi an indin atanga rei lo te chhungin khawvel hriat an hlawh ve thuai a. UK, Europe, Middle East leh USA bakah hmun hrang hrangah te tour neiin, concert an nei tawh a, an nei mek bawk.

Kumina concert puitham ber tura ngaih — Royal Stag Aizawl Rock Fest — hi Brigade Field tia sawi thin, tunhnua Bawngkawn Field tia a hming thlak takah buatsaih a ni dawn a. He event hi darkar 4 chhung (4 hours of rock n roll) live concert tura ruahman a ni.

Concert ticket hi thuang hniha hralh tura ruahman a ni. November ni 27 atanga ni 30 chhung hian zirlai tan discount a ni dawn a, discount ticket bik hi 2000 vel siam a ni ang.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?