AMC Mayor-in Bawngkawnah kawng a hawng

Aizawl: Aizawl Municipal Corporation hnuaia thawh AMC road Bawngkawna mi chu nimin zing khan Mayor PC Lalhmingthanga’n a hawng.

Kawng thar hawnna inkhawm tawi a buatsaihah thu sawiin Mayor chuan, “AMC chuan mipui hnaih thei ang ber tur leh mamawh apiangah hma lain, Department lam thawh tur niawm takah te pawh in remsiamin veng chhung inkalpawhna kawngpui pawimawh te, step leh side drain te siamin, mipui te mamawhna avangin AMC chuan a thawk thin a ni,” a ti.

Mayor chuan State lian zawkah te chuan vbc.6000 chuang budget neia hma an lak thu sawiin AMC erawh chuan vbc.30-40 inkar hmangin hna thawk ve nia sawiin budget lian zawk nen AMC hi enkawl nise, ha hipa sawi tur hmasawnna ruhrel tam tak a chhawpchhuak thei dawn niin a sawi bawk.

Thusawitu dang Deputy Mayor Lalringliana chuan kawng thar hawn tak chu Bawngkawn Traffic Jam nasa lutuk a ti ziaawm dawn niin a sawi bawk.

AMC road hi metre 500-a thui leh metre 3.2-a zau RCC a siam a ni a. Bawngkawn Bazar atanga Bawngkawn Brigade field lam panna niin Durtlang road a pawh chhoh theih a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?