Apostolic Theological Institute-ah Graduation Day

Aizawl; Mizoram UPC Pathian thu zirna, Apostolic Theological Institute (ATI) Mizo Section chuan, kum 2018 session khar nan Ningani chhun khan ATI Chapel, Durtlangah Graduation Day an hmang a, zirlai 18 an thlah.

 

He Graduation Day hi Principal Rev. Thangliansanga’n kaihruaiin, Rev. Saienga Sailo, General Sunday School Secretary-in hunserh a hmang a, ATI Board Chairman Rev. Chhunglawma’n thu sawiin, General Superintendent Rev. Vanlalsipaia’n graduate tharte fuihna thuchah a sawi bakah, General Secretary Rev. H.Lalrawnkima’n graduate thar mi 18-te hnenah, Graduate in Theology (G.Th) Certificate a hlan bawk.

 

Heng bakah hian Upa Lalnunmawia, Executive Chairman-in graduate thar zinga mark hmu sang ber, Laldingpuia Pachuau hnenah leh Best Student of the Year K.Laldingngheta te hnenah ‘DL Nunpuia Award’ a hlan bawk.

 

Mizoram UPC Pathian thu zirnaah hian kumin chhungin zirlai 59, 1st Year mi 22, 2nd Year mi 18 leh 3rd Year mi 19 awmin, February 9 khan Registration Day an hmang a, March 8, 2019-ah Registration Day hmangin, bul an tan leh dawn a. English Section pawh March 19, 2019 atangin an kalpui tan ang.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?