BCM-in Charity Programme kalpui dawn

Aizawl; Mizoram Baptist Kohhran rorelna sang ber, Assembly 2018-in a rel tawh angin Mizoram Baptist Kohhran chuan BCM Charity Programme kalpui tan turin an inruahman chho mek zel.

BCM Charity Programme hian thupui innghahna atan ‘Tihtakmeuhin ka hrilh a che u, hêng ka unau tê berte zinga mi pakhat chunga in tih chu ka chunga ti in ni’ (Mat. 25:35) chu an hmang dawn a. Relief & Development,  BCM enkawlna hnuaia mi harsate leh tanpui ngaite tanpuina tur programme a ni dawn a ni.

Relief & Development Department hian khuarêl chhiatna leh mihring siam chawp chhiatna tuar hnênah chhawmdâwlna a pe thîn a. A huam chin a zîm deuh nia hriat avang leh khuarêl chhiatna lian tham a lo thlena Relief Budget neihsain a daih loh chang a awmin, pawn lam atanga tanpuina lo lut hmanga tih dan kawng tha zawk a awm theih beiseinaa he programme hi duan a ni.

He programme hmanga tanpuina lutte hi mi harsa zual tanpui ngaite tanpuina leh chhawmdawlna atan te, khuarel chhiatna a thlena budget awm sain a daih loh changa phuhrutu atan hman theih tur a ni.

He programme kalpui tur hi a pawimawhzia hriain hemi atâna charity fund (sum) tuakna tûrah pawh General Secretary leh AGS-te bâkah Mizo milar, Nl. Pensy Lalthangliani, Nl. Bethsy Larinsangi, Tv. Jeje Lalpekhlua, Pu Lalrindika Ralte (Didika) te pawhin theihtâwp an chhuah mek a. BCM R&D Department chuan  tanpui ngaite tâna rawngbâwlnaah hian Kohhran hote, chhungkua leh mi mal a thei apiang tel tûrin  a sâwm a ni. Tha thawha kan tel thei lo a nih pawhin thilpêk hmangin department office-ah emaw, BCM Charity Fund, SBI  Acount-ah thehluh theih a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?