BCM-in emblem khuahkhirh

Aizawl; Mizoram Baptist Kohhran, Assembly Executive Committee Meeting ni hnih awh chu ruahman lawk angin Nilaini leh Ningani khan Serkawn Biak Inah an thu a, BCM chhinchhiahna (emblem) hman dan tur thar an duang a. BCM Official lovah chuan social media lamah pawh group icon vela hmang lo turin an inngen nghal a ni.

He meeting-ah hian member 185 an kal a. Rev. H.Lianngaia, BCM President-in a kaihruai a, General Secretary Rev. F.Ramdinmawia’n April-July, 2017 chhunga rawngbawlna report tlangpui a pe.

Central Committee atanga lut, BCM emblem hman dan tur leh hmang thei tur chin ruahmanna chu siam that ngai siam thain hman nghal turin an pawm a. BCM chhinchhiahna (Emblem) chu social media-ah pawlho emawin BCM Official ni lova Group Icon-ah hman loh nise tiin an rel a, Social Media Group Icon-a BCM Emblem hmangtute leh Emblem dang siama BCM Emblem la lan teltirtute pawhin hmang tawh lo tura ngenna an siam nghal bawk.

Meeting-ah hian kum kal ta leh kum kal mek 2017 April-July Achievement Report thlirin an sawiho va, department report hrang hrangte an thlir bawk.

Thawktu pension- chhuak tur te, Finance Committee atanga Budget Revision dilna hrang hrang – Health care Scheme 7.6 (thla ruk chhung MR Bill-na tur Doctor Prscription nei) te Bill valid chu thla 12 chhung atan siam that remtih a ni bawk.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?