BCM-in ram tikang lo turin Kohhran ngen

Aizawl; Mizoram Baptist Kohhran chuan Kohhran mipuite hnenah kangmei chungchanga fimkhur tura ngenna an siam a, sorkar ruahmanna anga March 15 hmaa lo hal vek turin an ngen.

Rev. F.Ramdinmawia, General Secretary, BCM chuan Fire Prevention Committee-in thuchhuah an siamte chu him zawk nan ngai pawimawha zawm turin a ngen a. “Siamtu Pathianin kan ramngaw, thing, mau leh nungcha tinrêngte suatna ber, rama kângmei chhuak thîn tihtâwp hi siamtu Pathian laka kan bat a ni tih hriat tlân theuh a pawimawh a ni,” a ti a. Thing leh Maute hi  nunna hnâr, boruak tha te, tui tlan tûrte leh ni tina kan khawsakna kawnga kan mamawh tinrêngte min petu an ni a, kan ramngawte ti kâng lo tûra theihtâwp chhuaha hma la theuh tûrin a ngên a ni.

Ram kâng laka fihlîm theih nân sawrkârin lo leh huan vâtte chu March 15 hma ngeia hâl vek tûrin thupêk a chhuah chu zâwm theuh tûrin Kohhran mite a ngên a, meilam pawh tha taka sial tûrin a ti bawk.

Ram tinkan loh chu mahni leh tu leh fate tân ram humhalhna a ni a, tikângtu chuan hnam a timualphovin, ram hmêl a tibâl a, ram tikangtu chu ram hmêlma a ni tih a ngennaah chuan a tarlang bawk.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?