Aizawl; Mizoram Baptist Kohhran Assembly Executive Committee meeting chu Thawhlehni atanga Ninga chhung khan Serkawn Biak Inah neih a ni a, 2019-2022 chhung atana department leh institution hrang hranga hotu lu tur leh puipa turte thlan fel a ni.

Meeting hi Rev. Lalbiaksanga Chinzah, BCM President-in a kaihruai a, General Secretary Rev. F. Ramdinmawia’n kum 2018 April-December chhunga BCM rawngbawlna hrang hrang report tlangpui khaikhawmin a pe.

Committee-ah BCM puipate thlan thar a ni a, BCM General Secretary-ah Rev. F.Ramdinmawia, AGS i/c Mission-ah Rev. Dr. C.Vanlaldika leh AGS i/c Service-ah Rev. R.Lalbiakliana te thlan an ni a.  Executive Secretary – Aizawl atan Rev. Dr. R.Lalthanmawia leh Executive Secretary – Lawngtlai atan Rev. R.Lalnunzira te thlan a ni bawk a. Heng BCM puipa thlan tharte hi Assembly 2019-ah pawmpui tura thlen a ni ang.

Assembly Nomination Committee-in department leh institution head atana a thlan leh rawtna pawm a ni bawk.

&&&&

Facebooktwittergoogle_plusredditpinterestlinkedinmail

Comments

Leave a Reply

This site uses Akismet to reduce spam. Learn how your comment data is processed.