Bethlehem YP Corps Golden Jubilee lawmna

Aizawl; Bethlehem YP Corps chuan kumin hian kum 50 an tling a, Golden Jubilee lawmna hi an kalpui mek a, vawiin hian a lawmnapui ber hun hmangin tlaiah ruai an theh ang.

Chawhma dar 10:00-ah Bethlehem Corps-a inkhawm neihah Jubilee lungphun chu Comm. Lalkiamlova (IS) (R)-in hawngin Jubilee dar vuakin a chhunzawm ang. Tlaiah ruai theh a ni dawn a, ruai theh hma hian Golden Jubilee Variety Programme a awm ang a, zaithiam leh lâm thiamten hun an hmang dawn a ni.

Jubilee lawmna hi July 16 atang khan tanin Chhandamna inkhawmah Pre-Jubilee neih a ni a. August 20-ah Documentary Film Show leh Souvenir tlangzarh a ni a. August 27-ah Company Guard Nite neih a ni a, CG ni lai mek leh CG lo ni tawhte puala hun hman a ni a. September 3 khan Praise & Worship Service neih a ni a, Burn 24/7 hoin hun hman a ni. Zirtawpni zan khan Musical Concert neih a ni anga, Jubilee mei det a ni bawk.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?