Bial Hmeichhe Inkhawmpui

Aizawl; Zirtawpni zan atang khan Mizoram Presbyterian Kohhrana Pastor Bial hrang hrangah Kohhran Hmeichhiate chuan Bial Inkhawmpui an hmang mek a, zanin hian a tiak ang.
Bial Kohhran Hmeichhe Inkhawmpuiah hian a tan zan, Zirtawpni zan khan Palai lawmna leh report inkhawm awmin Kohhran tin Secretary leh Bial Secretary report ngaihthlak a ni a. Nimin nileng khan Rorel Inkhawm neih a ni.
Nizan atanga vawiin nileng hian Pathian inkhawm a awm dawn a, chawhnuah hian Bial thenkhatah chuan Lalpa Zanriah Sacrament an kilho bawk ang.
Kumin hi Kohhran Hmeichhe Inkhawmpui Lian neih kum a ni a, Kolasib-ah March 8-10 chhung hian nghah a ni dawn a. Tun tuma rorelah hian he Inkhawmpui Liana rel tur tam tak hi relin Bialin a tul angin Inkhawmpui Liana rel zui turin a chhawp chhuak dawn a ni.

Hruaituten an hmanpui
Thingsulthliah Bialah Pi K.Lalliantluangi, Chairman; Dawrpui Vengthar Bialah Pi Lalpianthangi Hrahsel, General Secretary; Vathuampui Bialah Pi P.C.Lalhmangaihi, Comt. member leh Pi R.Lalrampari, Comt. member; Kanghmun Bialah Pi K.Lalliantluangi, Chairman leh Pi Lalthanruali, Comt. member; East Lungdar Bialah Pi Rothangliani, Comt. member leh Pi Lalngaihzuali, Comt. member; Tlabung Bialah Pi Vanlalnghaki, Comt. member leh Pi Lalsangluaii, Comt. member; Pangbalkawn Bialah Pi Denghmingliani, Comt. member leh Pi Lalhliapi, Comt. member

Facebooktwittergoogle_plusredditpinterestlinkedinmail

Comments

Leave a Reply

This site uses Akismet to reduce spam. Learn how your comment data is processed.

Login

Lost your password?