Bial Inkhawmpui hmang mek

Aizawl; Mizoram Synod hnuaia inkhawmpui pawimawh tak, Bial Inkhawmpui chu Zirtawpni atang khan bial hrang hrangah an hmang mek a, zanin hian a tiak ang.

Mizoram Synod hnuaiah hian Bial Inkhawmpui hi kum tin April Pathianni vawi 4-na hmangin hman thin a ni a, bial thenkhat a huna hmang thei lo an awm zeuh zeuh tih loh chu tun ang hunah hian hman ziah thin a ni.

Inkhawmpuiah hian Zirtawpni chawhma lamah khan Finance Committee an thu a, chawhnuah Nomination Committee an thu thung a. Zanah Palai lawm leh Kohhran hrang hrang rawngbawlna reports ngaihthlak a ni a. Nimin nileng khan rorel palaiten ro an rel bawk.

Inrinni zanah hian thlarau lam thupui ngaihthlak a ni a. Vawiin chawhma hian Pathian Biak Inkhawm a awm ang a, chawhnuah Lalpa Zanriah Sakramen an kilho ang a, zanah vantlang inkhawm awmin inkhawmpui hi a tiak dawn a ni.

Bial Inkhawmpui hi Mizoram Synod rorel inkhawmpui inkhaidiata a hmasa ber a ni a, bial khat chhunga Kohhran awmte inkhawmpui niin bial chhung thil leh Presbytery Inkhawmpuia thu kal zel turte ngaihtuah a ni thin a. Presbytery-a kal zel tura thu chhawp chhuahte chu October thlaa Presbytery Inkhawmpuiah rel a ni ang a, a tlang zel chuan Synod Inkhawmpui, a tul a nih chuan General Assembly thlenga rel tur a ni ang.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?