Bial Inkhawmpui mek

Aizawl; October thla hi Mizoram Baptist Kohhran chuan Pastor Bial Inkhawmpui hun atan an hmang thin a. Bial tam zawkah chuan Zirtawpni atang khan Pastor Bial Inkhawmpui hi a rualin an hmang a, zanin hian an tiak hlawm ang.
Bial Inkhawmpui hi a rual lova neih thin a ni a, BCM Calendar-ah October 6-8 chhunga neih tur hian dah a ni tawh a, hei hi Pastor Bial tam zawk chuan an zawm a, an hmang mek a ni.

A tan ni, Zirtawpni khan Pastor Bial tam zawk chuan Baptist Mipa Pawl, Bial Kohhran Hmeichhe Pawl leh TKP ten ro an rel a, nimin khan Kohhranpui rorel a awm thung a. Bial thenkhatah chuan BMP, TKP leh BKHP te hi rorel ni hran vekah hmangin a hma ni atanga ro lo rel tan tawh pawh an awm bawk.

Pastor Bial thenkhatah chuan kum tin inkhawmpui nei lovin kum khat dan zela rorelna leh inkhawmpui inchhawka kalpui an awm bawk.

Pastor Bial Rorelna hian Bial chhung Kohhrante inenkawlna bakah Area Baptist Council leh Assembly thlenga agenda tur te an ngaihtuah thin a ni.

Mizoram Baptist Kohhran hnuaiah hian BCM hi ABC 14-ah then a ni a, Pastor Bial 84 awmin, Tualchhung Kohhran (Local Church) 677 an awm mek a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?