BKHP leh BMP Day

Aizawl; Mizoram Baptish Kohhran hnuaia hmeichhiate pawl, Baptist Kohhran Hmeichhe Pawl leh Baptist Mipa Pawl chuan tun kar chhung hian tun kar chhung hian an dincham an hmang dawn.

Nilaini hi BKHP kum 80-na a ni a. Mizoram pumah BKHP-ten urhsun takin an hmang dawn a, kumin thupui hi “Lalpa lo kal lehna” tih a ni.

BKHP Day hi unit tinin an remchan angin chhun leh zan lamah hman turin headquarters chuan a ruahman a. Headquarters atanga tawngtai thupui siam sa hmangin tawngtairual a ni ang.

Zirtawpni BMP Day vawi 38-na a ni bawk a, BMP-ten urhsun takin an hmang dawn a. Chhuna hun hmang thei lote pawhin zingkarah hnatlang neiin zanah inkhawm urhsun takin an hmang dawn a ni.

BMP Day thupui hi “Lalpa Krista rawng in bawl a nih hi,” (Kol. 3: 24)  tih hman a ni ang a. Headquarters atang thuchah leh Bible chang chhiar tur buatsaih chhiar a ni ang a. Unit-ten an ramchan angin hun an hmang bawk ang.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?