Bookroom thar hawng

Aizawl; Bawngkawn Biak In hnuaia Synod Bookroom Bulding thar chu Synod Executive Secretary, Rev. P.C.Pachhunga chuan Thawhtanni khan a hawng.

Hawnna inkhawm hi Bialtu Pastor G.Chhunthuama’n a kaihruai a, PRESCOM General Manager Upa R.Lalmalsawma’n report a pe a, Bawngkawn Kohhran aiawhin Upa C.Lalbiakthanga’n thu a sawi bawk a, Bookroom building thar chu mi tin dawr theih turin Rev. P.C.Pachhunga’n a hawng a, lehkhabu lei hmasa bertu chu Upa Rotluanga, Bawngkawn Kohhran a ni.

Synod Bookroom rawngbawlna thang zelah Synod Bookroom Bawngkawn Branch chu a hmunin a zawh tawh loh avangin PRESCOM leh Bawngkawn Kohhran Committee remtihnain Bawngkawn Kohhran Biak In hnuai hi Synod Bookroom luah turin ruahman a ni a. April 2017 atangin Bookroom sak hna chu tan a ni a, ni 140 hnuah luah theih a peih fel a ni ta a ni.
Bookroom thar hi a dung 45ft-a sei, a vang 19 ft a ni a, Rs. 14,00,000/- (cheng nuai sawmpali) seng a sak a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?