Buannel Band leh Avora Records; Siby Farm-ah I-Day Special Concert nei dawn

Kar kalta mai chauh khan an single video ti chhuakin, thlir an hlawh hle. An video tihchhuah hnu lawkah concert an nei nghal dawn. Buannel Band chuan a vawi khatna’n Independence Day pualin show an nei dawn a. Avora Records nen concert an nei dawn a ni.

Tunkar Thawhlehni zan hian Buannel Band chuan country rimawi ngainatute tan hun an siamsak dawn a. India zalenna sual chhuah champhaphak zanah a duh tan chuan Siby lamah liam thlak mai a fuh ber ang. Anni band hian 70s atanga tunlai country hla nalh leh tha, a tam thei ang ber hrut tumin an inpuahchah a ni.

Buannel Band hian hmun dangah show an la nei tam lem lo a; amaherawh chu, Mizorama K-pop boyband concert hmasa ber buatsaih a nih tumin — IMFACT — ho lo awitu ber an ni a. Kar hmasa mai khan an music video hmasa ber atan Zosangliani classic hit — A Mak A Na — an cover-na video an ti chhuak a. He video erawh ‘lyrical video’ ang chauha siam a ni thung.

R.S. Traders – Third Eye Solution Presents Buannel Band I-Day Special hi August ni 15 zanah Siby Farm-ah buatsaih a ni dawn a. Zan dar 7 atangin show hi neih tan a ni dawn. Entry ticket hi couple leh single anga siam niin, R.S. Drugs Store, Hospital Road-ah lei tur a awm ang.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?