Cambodia NGO atan Synod

Aizawl; Synod Mission Board chuan rawngbawlna atana tangkai tur a nih beiseia Cambodia sorkar hnuaia Local NGO registration a dil chu Ministry of Interior, Royal Government of Cambodia, Kingdom of Cambodia chuan registration a pe ta.
NGO hming atan hian Cambodia tawng hman a ngaih avangin ‘Angka Pesakahkam Synod Samrap Kampuchia’ tih a ni a, Synod Mission for Cambodia tihna a ni. Local NGO a nih angin Director atan pawh a ram mi hman a ngai a, SMB thawhpui hnai tak, Pastor Thavy Meas chu Director atan hman a ni a, Deputy Director chu Rev. Sairengpuia Sailo, SMB Missionary a ni thung.
He NGO thil tum tarlan hian rawngbawlna hrang hrang a huam a. Community development hrang hrang – English leh music zirna te, non-formal school din te, Children & Orphan Ministry kalpui leh College leh University emaw, NGO dang emaw thawhpuia community development kalpui bakah formal education thlenga kalpuite a huam vek a ni.

SMB-in hma an lak mekna – College zirlaite leh factory worker te tana dormitory hostel siam te, English zirna kalpui te, School leh College lama rawngbawlna neih te chu Local NGO a nih ve tak avangin a him sawt a, SMB hmalakna tihlen zelna tur atana tangkai hle dawn a ni.

Cambodia rama local NGO hian foreigner an chhawr ve thei a; chuvangin, he NGO pawh hi Missionary kal tur leh awm mek tan Visa leh Work Permit siamna atan hman theih tur a nih avangin a tangkai hle dawn bawk.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?