Champhai leh Serchhip gas phur bân turin ngen

Aizawl: Tun hnaia Champhai leh Serchhip khawpuia gas a harsat chhan chu a phurtu carrying contractor-in a phurh that loh vang nia hriaiin bân (terminate) turin FCS&CA department chuan IOC hnenah a thlen.

Zalen palai thudawn danin heng khaw pahniha gas te hi Mualkhang Gas Bottling Plant atanga lakte an ni a, carrying contractor hian a chhanna (phurh ngamna zat) anga a phurh leh theihloh avangin mipuiten harsatna an tawk ta a. Food, Civil Supply & Consumer Department chuan contractor hi bân a, mi dang la leh mai tur leh tender pawh chhuah tha leh turin IOC lam hi an ngen niin an sawi.

Thudawn danin Borkhola atanga gas phurte chuan harsatna an tawh ve loh avang leh a rate pawh a ziaawm deuh avangin he plant atanga tam zawk phurh a nih theih nan FCS&CA lam chuan hma an la mek a. Department motor (truck) neih mek pathum pawh gas harsat zuallai chuan insuarance tel lova phurh phalsak turin IOC-ah ngenna an thlen a. Hei mai bakah Finance department-ah gas phurhman a tlawm avangin support price pe turin an dil mek bawk.

MIZOFED Chairman K.Laldawngliana chuan Zalen zawhna chhangin an hnuaia mi truck 2 te chu gas phur hian an tlan reng tih a sawi a. Tuna  tlan tha duh lote chu IOC hnuaia mi an nih avangin an tan hmalak a harsa niin a sawi bawk.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?