Chanchin Tha thlen kum 125 pualin intihsiak buatsaih dawn

Aizawl; Mizoram Thalai Kristian Pawl chuan Jan 11, 2019-a Mizoramin Chanchin Tha a dawn kum 125-na, Quasquicentenial lo thleng tur pualin quiz, essay inziahsiak leh hla inphuahsiak a buatsaih dawn a. Hemi puala gospel concert buatsaih tumin hma lakna an kalpui mek bawk.

Sap Upa leh Pu Buanga Hall, Serkawna MTKP Executive Meeting vawi 16-naah Chanchin Tha a dawn kum 125-na puala TKP hmalakna tur hrang hrang hi an rel a. Heng intihsiakna an buatsaih tur bakah hian October thla chhung ngei hian Mizorama Chanchin Tha lo lut dan chanchin sawihona Talk Show buatsaih nise an ti bawk.

Chanchin Tha a dawn kum 125-na pual hian Lunglei khawpui chungah quiz neih a nih theih nan hmalakna kalpui mek a ni a. Thupui (topic) thlan bik pahnih – “Chanchin Thain Mizo khawtlâng nun a tihdanglam dân leh “Mission rawngbâwlnaa Zoram Kohhrante hmabâk” tih hmangin Essay competition hi an buatsaih dawn bawk a. Hemi pual hian hla inphuahsiak nise an ti bawk a. Heng essay leh hla phuahte hi September 30, 2018 thlengin email-in organisermtkp@mizobaptist.org-ah a soft/photo copy thawn nise an ti bawk.

Intihsiaknaa lâwmman atan hian 1-na Rs 10,000.00 & Citation; 2-na Rs 8,000.00 & Citation leh 3-na Rs 5,000.00 & Citation bakah Consolation prize Rs 3,000.00 & Citation (Mi pahnih tân) siam ni se an ti bawk a ni.

Quasquicentenial pual hian November 30 hian Siaha khawpuia Gospel Concert buatsaih a ni ang a. December 7-a Kolasiba Gospel Concert buatsaih turin hmalakna kalpui mek a ni bawk.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?