CKTP hruaitu hluite inhmukhawm

Aizawl; Kristian Thalai Pawl kum 60 tlin lawmna pualin nimin khan Mission venga Pi Zaii Hall-ah KTP hruai-tu hluite pualin inkhawm hun buatsaih a ni a. Central KTP Leader, Rev. Lalrinmawia’n kaihruai-in Zaipawl Souvenir thlirlawkna leh Souvenir hlanna hun neih a nih bakah, chawhnu lamah thupui sawiho a ni bawk.

KTP hi kum 1954 Feb ni 16 ah Synod Standing committe chuan din a remti a,February ni 22 , 1954 khan KTP meeting hmasa ber chu neih a nih angin Jubilee lawmna bul tan nan hian Hruaitu hluite puala Inkhawm hi buatsaih an ni. Kristian thalai pawl hi pawl lian tak niin tun dinhmunah Bial 177 an awm a, nikum report-a lan dan chuan, 1,31,086 an awm a, Mizoram Population atang chhutin za a pakhat chuang hi KTP member anga chhut theih a ni.

Kumina an punna tur nen chuan Nuaikhat singthum sangruk chuang an tling tawh dawn ani. KTP din tan tirh hian a dintute zinga mi Pu Owen Zosap Missionery chu Leader hmasaber niin hemi zinga tel ve Organising secretary hmasaber Pi Zokhumi, Mission Veng leh Pu Vanlalkunga, Zarkawt te chu tun ah hian an la dam a ni. Hemi chungchang ah hian Pu Vanlalkunga KTP dintute zinga mi chuan, Pathian kaih-hruai-na a KTP-in tluang taka a ram zauh hnaa thawk chhunzawm zel tur leh hmalam pan zel turin duhsakna a hlan tih a sawi.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?