Apr. 25-ah centenary kharna

Aizawl; India Eastern Territory-in an kum 100 tlin an lawmna chu kharna hun an hmang dawn a, hmun hran hrangah a ruala hman dan tur an ruahman a, April 25 hian zanah an khar dawn a ni.

Centenary lawmna hi Dawrpui Vengthar Corps-ah Pathian hnena lawmthu sawiin kharna hun an lo hmang tawh a, a lawmna hun erawh an la khar chiah lo va, a kharna hun hmang tur hian a hranpain hun an ruahman a ni.

Centenary lawmna kharna hi zan lamah  a rualin, hmun hran hranah neih a ni dawn a. Central North & South leh Aizawl City Area chuan R.M.Hall, Bazar Corps-ah hun an hmang ang a;  Western Division-in Kolasib-ah, Southern Division-in Lungleiah leh Northern Division-in Darlawnah an hmang dawn a ni.

Hemi bakah hian April 21, 2018 zan Tawngtai Inkhawm chu IET Centenary Closing Meeting neih tur puala tawngtai inkhawm bik siam turin Corps tinte chu Territorial Headquartes chuan a ngen bawk a ni.&&&&

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?