CM Hawla hovin Joint Meeting an nei

Aizawl: Nimin tlai dar 4 khan Chief Ministers Conference hall-ah CM Lal Thanhawla hovin political party hrang hrang leh NGO ten joint meeting neiin Bairabi thil thleng chungchang an sawiho.

Meeting an neih zawha thuchhuah intawm (resolution) an siamah “Assam police ten zirlai pawisawilote vua a, Bairabi daiah silai hmetpuaka thisen an chhuah hi vawiin Inrinni 10.3.2018-a Mizoram Political party -MPCC, BJP, ZNP leh CYMA te joint meeting Chief Minister hova neih chuan a dem tak zet a ni,” an ti a. Assam sawrkar chu zirlai hliam tuarte zangnadawmna pe ngei tur leh he nunrawnna diklo taka mawhphurtu chu chhuichhuak a, hremna pe ngei turin Assam sawrkar an phut tih an sawi a. Zirlai hliam tuarte inenkawlna senso chu Mizoram sawrkarin tumsak se tih leh  hnam anga Mizote tang ruala political party te inbeih nan hmang lo turin an ngen bawk.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?