CM-in IBSD a hawng

Aizawl: Chief Minister Lal Thanhawla chuan Zirtawpni khan Institute of Bioresources And Sustainable Development (IBSD) Mizoram chu Nursery Vengah a hawng.

IBSD hi sawrkar laipuia Department of Technology, Ministry of Science and Technology hnuaia National Institute niin, a hmunpui ber chu Manipur a ni a. IBSD hian India hmarchhak state-te chu bioresources (nun khawchhuah nana thing leh mau leh nungcha atanga mihringin a hman tangkai) hmangin khawtlang nun leh ei leh bar tihhmasawn chu a thil tum niin, tunah hian Manipur-ah Centre pahnih a awm tawh a, Sikkim leh Meghalaya-ah Centre awm tawh bawkin, Mizoram hi IBSD awmna state palina a ni.

Chief Minister chuan Institute of Bioresources And Sustainable Development chu Mizoram tan Institute tangkai tak a nih tur thu leh, state chhung leh pawn lama zir miten an hman tangkai theih tur institute Mizorama din a ni ta chu lawmawm a tih thu a sawi a. IBSD hmalakna leh he Centre hmang tangkaia researcher-te thawh rah chu Mizoram mai ni lovin ram pum tana hmasawnna thlen tu a nih tur thu a sawi.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?