Dec. 2019-ah KMMTTP zawh hman beisei a ni

Aizawl: India-in khawchhak ramte nena insumdawntawnna tur kawngpui a sial mek Kaladan Multi Modal Transit Transport Project chu December 2019 ah zawh hman an in beisei tih he hna thawktu PWD te chuan an sawi.
KMMTTP kawng sial mek hi Zirtawpni khan I&PR Department leh MJA te chuan tlawhin hna thawh tawh dan leh thawh mek dan te an zir chiang. KMMTTP hi sawrkar laipui Ministry of Road Transport and Highways (MoRTH)hnuaia SARDP(NE) (A) Scheme hnuaia kalpui niin kawngpui sial hna hi 2010 kum khan tan a ni a. Original DPR ah chuan Rs. 575.69 crore ruahman niin 2014 a zo hman tura bituk a ni a. Amaherawhchu he original DPR a tel lo thil thenkhat MoRTH Rest House, Bungtlang IB, leimin thenfai, line/pucca road side drain, RCC Retaining wall te belh leh thlak a nih avangin estimate hi ennawn (revised) a ni a. Revised Estimate chu Rs. 1011.52 crore a nih laiin agreement amount erawh Rs. 737.57 crores a ni.
KMMTTP hnuaia Mizoram chhunga kawngpui kal tur hi km 87.18 thui niin, Package 3-ah then a ni a. Package-I hi km 0-34.59 niin, RDS Project Ltd Company-in an contract a. Package-II hi km 34.59-60.37 niin, Atlanta-ARSS (JV) Orissa te’n an thawk thung a. Package-III km 60.37-87.18 hi RDS Project Ltd. bawkin an thawk a ni. A kawng hi National Highway Double Lane standard a laih niin a kawngchhuat zau zawng hi 12.00m = 40 feet tur a nih laiin zauh belh (extra widening) nen phei chuan 13.50m = 45 feet deuh veka laih a ni. Tin, pavement zauh zawng hi 7.00m=23 feet tur a nih laiin 7.50 m = 25 feet deuh veka black top a ni. Tun dinhmunah 81.12% physical work zawhfel tawh niin hna hi ngawrh taka thawh chhunzawm zel a ni a. Formation cutting hi km 85. 41 zawh tawh niin, la laih bak km 1.77 a awm a. Culvert siam tur 428 awm zinga 335 chu siam zawh tawh a ni a. Kawng hi km 87.18 luan (blacktop) turah km 64.58 luan tawh a ni a. A pumpui khaikhawmin 81.12% thawh zawh tawh ang a ni.
Kawng enkawltu engineer ten harsatna hrang hrang an sawi zingah compensation avanga bandh leh road block huaihawt thin avangin hna kal mek in a tuar nasat phah thu sawiin project thawh tan atangin ni 390 zet bandh vang a hna chawlh lailawk a nih thu an sawi a. He kawngah hian leihlawn (Composite Steel girder) 8 dawh tur a awm a, MoRTH, GOI duh dan, angin bridge design sa hi IIT Guwahati ah June 2015 khan proof checking tura thawn niin IIT Guwahati hian an pawmna ‘fit for construction’ hi December 2017 ah pek chhuah chauh niin Bridge hna tan tlai avangin hna kal mek hi nasa takin a ti muang leh a ni. Tun dinhmunah bridge hi a tawp ber tih loh chu thawh mek vek a ni.

Facebooktwittergoogle_plusredditpinterestlinkedinmail

Comments

Leave a Reply

This site uses Akismet to reduce spam. Learn how your comment data is processed.

Login

Lost your password?