Delhi West Presbyterian Kohhran

Aizawl; Kum 2007 atanga mumal taka Delhi khawpui khawthlang lama inkhawm thin, Mizo Christian Fellowship chuan Kohhrana awm duha Presbyterian Kohhrana luh dilte chu Mizoram Synod-in a pawm hnuah Pathianni kal ta khan Delhi Mizo Presbyterian Church-West tia a hming vuahin Delhi Pastor Bial vawngtu Pastor David Lalramliana Ralte-in a hawng.

Delhi khawthlang lama Mizo inkhawm thinte hian Presbyterian Kohhrana luh an duhna hi Delhi Kohhran (DMPC)-ah thlenin, Delhi Kohhran hruaitute nen pawh tum eng emaw zat an inkawm tawh a, an dinhmunte zirchian a nih hnuah Synod Officers’ Meeting (O.M) hnenah an thlen a. Synod O.M hian Branch Church-a hawn rem tiin hawn a ni ta a ni.

Kum 2005 daih tawh atang khan he Mizo Christian Fellowship (MCF) hi a lo inmung tawh a, Zo hnahthlak dang – Lai, Zomi leh Hmar anga pawl din pawh an lo rel tawh thin a. An remchan dan angin Pathianni chawhnuah an inkhawm ve tan a, kum 2007-ah hruaitu inthlangin mumal takin an inkhawm ve tan a. Kohhran serh leh sang tih dawnin Mizoram Synod hnuaia mi, Delhi Mission Field Secretary leh Pastor remchang an pun mai thin thung a. Mumal zawka Kohhran inrelbawlna hnuaia awm duhin an Annual General Body Meeting-in an Fellowship chu thiata Presbyterian Kohhran-a luh hi an rel ta a ni.

DMPC-West Kohhran (Branch Church)-ah hian member 170 vel awm tura ngaih a ni a, an huam tur chin hi sawi mai theih a la ni lo va. Tuna inkhawm mekte bakah pawh a remchan dan angin hunin a la hril zel mai tura ngaih a ni.

Mizoram leh hmun dang atanga Delhi West lama Mizo awm/pemten an belh turin Delhi West Kohhran hi din a ni a. Delhi Mizo Presbyterian Church Bial hnuaiah Kohhran puitling la ni chiah lo mah se, Kohhran pahnih, Delhi Kohhran (DMPC) leh Delhi West Kohhran (DMPC-West) a awm dawn ta a ni.

Kohhran hawnnaah hian Bialtu Pastor bâkah DMPC atangin Rev R.Lalrosiama Committee-ah hian a tel bawk.&&&&

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?