Doctor Ka Zawhna (October 1, 2017)

Zawhna: Ka cousin kum 16 mi lek hi a bialpa nen an chesual a, a V hunah a V ta si lo va, min hrilh har vangin nau lo pai pawh nise nau tihtlakna damdawi ka eitir ngam chiah bawk si lo va, engtin nge ka tih ang le? Min puih theih chuan ka lawm ngawt ang. Rami, Venghlui.

Chhanna: I nau i buaipui hi i ti \ha hle mai. Amaherawhchu, inrinhlelh nachang an hre mai \hin lo leh, an inrinhlelh pawha han pui thei tur an pan emaw hrilh mai ngam loh avang hian tam tak chu hun lo takah nu an nih phah fo reng a ni. I zawhna chhan rual hian helam thil kaihhnawih hriat tur \ul leh pawimawh te thailang tel nghal ta ila, remchanna kan lo la ve ang e.
Nau pai hun chhung rei zawng “Gestational Age” hi kan chhut danah chuan an thi neih hnuhnung ber a\angin a ni a, a kar (weeks) zawngin kan sawi tlangpui \hin. Mahse, an thi neih dan a mumal loh chuan chhut a buaithlak duh deuh a, confirm nan Ultrasound kan tihtir \hin a ni. Tin, thi neih loh thut “missed period” hi an rai tihna a ni kher lo thei bawk a, chuvang chuan hmeichhiain thi an neih loh emaw neih mumal loh chuan Ultrasound hi tih hmasak ngei theih nise a \ha ber. He mi hmang hian nau an pai leh pai loh confirm te, gestational age te pawh a hriat vek theih a ni. Pregnancy test an tih mai, zun hmanga test pawh hi za ah za a dik vek lo va, Ultrasound hian 4 weeks vel a\angin chhul ah nau bawm a awm leh awm loh a hmu thei a ni.
Damdawi hman chungchangah hian hriat tur pawimawh tak tak a awm a. Nau pai venna Emergency Pill an tih mai hi zaah za a thawk kher lo va, sex hman a\anga darkar 12 hmalam ah a thawk \ha deuh ber a, a rei poh leh a hlawhchhamna chance a sang zel bawk. Tin, naupai tihtlakna damdawi (MT Pill tih hi a lar dan tlangpui) hi fimkhur a ngai khawp bawk. Kar 8 (gestational age of 8 weeks) hma lamah hman tur a ni a, chumi hnuah erawh a fail fo bakah complication, thi chhuak reh thei lo, naupai chhunzawm chunga naute insiam dik lo angte a thlen thei a ni. Naupai lo chunga ei palh pawhin thi neih buai a thlen thei bawk. Chuvangin hman dawn chuan ultrasound hmangin nau pai leh pai loh confirm phawt a, gestational age hriat phawt tur a ni.
Adolescent Reproductive and Sexual Health chungchang hi khawvelin a ngai pawimawh khawp mai a. Tleirawl te sex leh a kaihhnawih lama hriselna ti ta ila kan hrethiam thei mai awm e. Hmeichhe tleirawl inrinhlelhna nei miah lo chunga nau lo pai ru reng hi an awm fo mai a, kei pawh hian ka lo en fo mai. |henkhat chu luak chhuak, pum lam fel loh vang nih ringa endoscope lo ti hmasa te an ni fo. Chumi in a lantir chu kan tleirawlte hian sex hman dan an thiam a, a kaihhnawih leh a ken tel, naupai, fa neih, nupui pasal neih leh chhungkaw din thlengin an hre lo tihna a ni. A dang leh ah chuan sex an hmang anih pawha him taka hman dan “Safe Sex” an hre lo tihna a ni bawk; chu chuan natna \ha lo tam tak, STD, HIV etc a keng tel bawk.
Heng kan hmeichhe tleirawl tam tak hi an bialpate’n an nawrluih vanga sex hmang ta mai an ni fo va, \henkhat chu ngaihzawngte tana inphal hi a tur anga ngaihna nei an awm nawk bawk. Tlangval \henkhat hian an sawi \hin a, an bialnu te sex hmanpui an tum loh chuan pa lo (“man” lo) angah an ngai letling zawk fo. Tin, inngaizawng sex hmang tam ber hi chuan Condom hi an hmang lo; hman chu “inrinhlelhna” angah an ngai zaw mah zawk bawk. Naupaia hmeichhe awm dan “pregnancy symptoms” te hi hre lo an tam lutuk. Chuvangin hetiang information pawimawh hi engtinnge kan pek ang tih hi ngaihtuah a ngai hle. Nu leh pa tam zawkin an fate an sawipui ngam lo emaw hreh \hin. Chuvangin tleirawl te hetiang kawnga pui thei tur, anmahni hrethiam leh kawm thiam, an ngampatna “Adolescent-friendly Health Service” te hi kan mamawh tawh hle a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?