Aizawl: Nimin khan Serchhip Hmar Veng YMA Hall-ah Ministry of Textile hnuaia Development Commissioner for Handlooms Weavers Service Centre chuan Achievement of MSME Outreach & Support Programme a buatsaih a; he huna khuallian Serchhip bialtu MLA Lalduhoma chuan, “Kuthnathawh/ kutthemthiamna hmanga eizawnna ngelnghet neih a pawimawh hle a ni,” a ti.
Lalduhoma chuan, “Kutthemthiamna hmanga eizawnna, puan tah, la deh (handloom/weaving) te hi Mizo-in a kan thiam zawng tak, eizawn nan pawha chhenfakawm tak a ni a, India ram mai bakah international market thleng pawha harsa lo te-a kan chim phak ve theihna kawng tlem te zinga mi a ni,” a ti a. Hemi kawngah hian Serchhip District chu India rama thawh hlawk leh ti tha pawl tak a ni thei a ni, tiin MLA fund atang pawha a theih anga hma lak dan tur ngaihtuah a tum thu a sawi bawk.

Facebooktwittergoogle_plusredditpinterestlinkedinmail

Comments

Leave a Reply

This site uses Akismet to reduce spam. Learn how your comment data is processed.