Fa nei tam turin UPC inzirtir dawn

Aizawl; North East India UPC Kohhran rorelna sang ber General Conference rorelna chuan Kohhran chhungkuaah, fa nei tam tura inzirtir nise tiin a pass.

UPC kohhran inkhawmpui lian General Conference Vawi 50-na hman kal mekah nimin khan Electric Veng YMA Hall, Aizawlah General Conference rorel inkhawm an nei a, North East India UPC Kohhran chhungkuaah fa nei tam tura inzirtir ni sela, Executive Board-in lo zir chiangin a bawhzui dan tur ruahmanna lo siam se an ti.

Rorel inkhawm hi General Superintendent Rev. Lalmalsawma Sailo-in a kaihruai a, rorel palai mi 260 chuang an ni. Report-a a lan danin India hmarchhak District 11 huam chhungah member 1,04,889 an awm mek a. Chhungkaw 25,527 awmin, Tualchhung Kohhran 747 leh Kohhran puitlinga la hlankai lo Preaching Point 122 a awm mek a. Kum 2017 chhungin member 6,037-in an pung a, Rawngbawlna Licence kawl mi 1,015 an awm a ni.

Conference rorelna chuan kum 2018 September thla chawlhkar khat chung, ni 17 atanga 23 chhungin North East India pum huapa thupui thlan bik hmanga chawnghei tawngtai neih leh ni se an ti bawk. Kum 2020 General Conference-na hmun atan Lunglei District an ruat nghal.

Nimin vek, zingkarah kum 2018-19 chhung hruaitu tur an thlang a. General Superintendent atan Rev. Lalmalsawma Sailo; General Secretary atan Rev. R.Lalrinsanga leh General Treasurer atan Rev. Zohmingthanzama te an thlang.

General Conference hi Ningani zan khan tan a ni a, zaninah a tiak dawn a. Speaker atana ruat -Rev. Pamang, Rev. R. Laichhingpuia leh Rev. Lalmalsawma Sailo ten Pathian thuchah an sawi thin a ni.&&&&

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?