Feature : Biate-ah malaria awm lo

Aizawl: Mizoram khawpui fai
Tun hnaia Biate tlawhtu Zalen palai zawhna chhangin Biate VC te chuan, “Kum 2012 atang khan kan khuaah hian malaria vei kan hmu tawh lova, hei hi theihtawpa faina kan kalpui vang niin kan hria a ni,” an ti.

An fai vangin an hrisel phah em tih zawhna chhangin VC te chuan, “Kan hrisel phah chuan kan inhria a, kan khua hi helai tlangdungah chuan kum upa tamna ber khua a ni,” an ti a. Naupang kawthalo leh luak pawh an awm ve ngai meuhlo niin an sawi. Biate damdawiin (CHC) thawktute chuan tunhma chuan damdawiin a inentir hi ni khatah mi 80/90 te an ni thin nia sawiin tun hnaiah chuan inentir tam ber tum Thawhtanni angte pawh mi 20 vel bak an ni ngai lo niin an sawi a. Inentir zinga a tam zawk hi khaw thenawm atanga lokal niin an sawi bawk.

Biate VC-te chuan faina chu kum 1935 vel atanga an kalpui tan nia sawiin kum 2012 atangin tih tak zetin beihpui an thlak tih an sawi. Biate VC te chuan naupangte pawhin faina chu a takin an nunpui tawh tih an sawi a, a hranpaa bawlhhlawh siam an awm lo nia sawiin khawlaia bawlhhlawh tla a awm a nih pawhin naupangte pawhin an chhar nghal zel tih an sawi a. Khawlai cheina pawh veng hrang hrang mipui thawh khawm hmanga chei a ni tih an sawi bawk.

Tun dinhmunah Biate ah hian veng 14 awmin veng hrang hrangte hian anmahni sensoin bawlhhlawh bawm leh cheimawina an siam thin a. Biate VC kaihhruaina hnuaiah Biate Town Faina Committee dinin brand ambassador 5 an awm bawk.

Biate Town Faina Committee hmalaknain kar khatah tum khat motor hmangin bawlhhlawh paih a ni thin a, bawlhhlawh hi a tawih thei leh tawih thei lo thliar hrangin a paihna hmun tur ‘dumping ground’ ah chauh an paih a, a tawih thei lo hi an hal ral a, a tawih thei hmangin leitha an siam thin a, hei hi mipui hnenah an hralh chhawng leh thin a ni.

Biate khua hi tum hnih Mizoram khaw fai berah thlan a ni tawh.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?