feli fanai : ‘Pheichhehmawi I Khai Ang Aw’

Kumina a single video pahnihna tur chu a peihfel hnai tawh a, tun thla chhung hi chuan kan hmuh hman ngei a rinawm.
Feli Fanai single video thar tur hi ‘Pheichhehmawi I Khai Ang Aw’ tih a ni. He hla hi Myztic Sailo phuah niin, anni pahnih hi hun hmasa lamah pawh an thawkdun tawh thin a. Chutih laiin, Lal K Sailo pawh rawn lang velehin, anni pathum hi tunlai Zo rimawi khawvelah chuan pawh hran hleih theih an ni lo.

Lal K Sailo home studio angreng deuh, Mommusictech-ah track hi record niin, Feli hla thar tur music video hi ROAR! kutchhuak a ni ang.

“Tun tum chu music video danga ka tih ngai loh ang deuhin ti ve chhin ila ka ti deuh a. Chu chu release function neih hi a ni,” tiin Feli Fanai chuan a sawi a. A music video thar tur hi a tihchhuah theih hun tur chiang takin sawi thei chiah lo mah se, “A khawih mek a, khawih zawh a ni tep tawh. Ka duhdan phei chuan August ni 25 hma chuan zo se ka duh khawp mai,” tiin a sawi bawk.
Feli Fanai hian a music video thar tur chungchang sawiin, “Tuna mi turah hi chuan cheographer ka nei a, party-na lam hawi hla kan awn zawk mah,” tia sawiin, music video shooting neihna’n hian zan hnih an hman thu a sawi lang bawk a ni.

‘Pheichhehmawi I Khai Ang Aw’ music video tur hi, kumin tir lama a release tak ‘Theih Chang Se’ hnua a single video hmasa ber tur a ni ang.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?