FG&CC-a training-te thlah

 

Aizawl; Mizoram Synod, Family Guidance & Counselling Centre (FG&CC)-in Kohhran hruaitute puala May 16, 2018 atanga Synod Conference Centre-a Church leaders’ Intensive Residential Pastoral Care & Counselling Training vawi 28-na a buatsaih chu Thawhlehni zan khan ‘Final Evaluation & Graduation Service’ neiin khar a ni.

Training kharna hun hi rev. P.C.Pachhunga, Executive Secretary i/c FG&CC chuan a kaihhruai a, Rev. F.Lalrinnunga, Synod Moderator-in a hmanpui a, training chhuakte hnenah certificate semin thuchah a sawi. He Counselling Training-ah hian Kohhran aiawh 18 an tel a ni.

Training kharna inkhawmah hian training chhuakten training an hlawkpui dan a lem an ziah chu entirin an hrilhfiah a, Pu R.Laldika, Champhai Kahrawt chuan training-te aiawha thu a sawi bawk.

He hun hmanpuitu, Synod Moderator Rev. F.Lalrinnunga chuan training chuan an thil zirte chu tangkai taka hman tum turin a fuih a. “Hruaitute chu Kohhranhote enkawl tura Thlarau Thianghlimin a ruatte kan ni a; chuvangin, taima takin Kohhranhote tan kan inpe zel tur a ni,” a ti.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?